@steph, ich danke dir! ganz eso schlimm isch es scho nöd! de vorteil isch, ich chan chli tue und lah, was ich will, das isch natürlich viel wert! sprich, ich chume und gange, wänn ich will, solang mini arbeit gmacht isch! aber würklich befriedigend isch d'situation nöd und euse chef in london chan eus au nöd säge, wie's witer gaht...zudem sind viel lüüt weg und die lässig stimmig, wo mir vorher gha händ, isch eifach verschwunde jetzt.... ich bin sehr zueversichtlich, dass ich was neus finde wird, aber ich wird mir au zyt lah! ich fange dänn sicher gäge ändi jahr a sueche, aber ebe, möcht mir au die uszyt vo dene paar wuche gönne und wänni bis dänn nüt han, dänn isch halt päch, dänn findi sicher nachher öppis... es chunnt guet und ich versueche au, dass mich das ganze nöd z'fescht abezieht....

ich chan dir guet nahfühle, dass du froh bisch, wänn de grossi tag da isch! versuech, de in volle züg z'gnüsse, so en tag gits nur eimal und meh muess jede momänt intensiv ufsuuge..... defür chasch nachher dini ferie in volle züg gnüsse und du wirsch no soooo lang a dem wunderbare tag zehre, glaub mir! es wird gewaltig......

• Zitieren

nicht registriert

Juhuuuu nimbini, schön vo dir z höre...
Du machsch das scho richtig wäg dim Job, ich druck dir ganz fest dr Dume, dass de nachem Reise öbbis tolls findisch!
Cool Hawaii..... Super, bisch jo scho immer e Reisefüdli gsi! Ich finds toll, dass de elei gohsch go reise, aber für mi wärs nüd. Würd mi Schatz z fest vermisse... Aber gniess es, duet dir (oder euch) sicher guet!!

@PrinzessinN
Sorry, has gestert voll vergässe d Schueh no z fötele. Machs aber hüt! Versprochen...

Uhhhh hüt isch voll nid mi Daag. Wo ich mis Znüni ha welle zahle, ha ich gmerkt, dass ich mi Portemonnaie deheim vergässe han. Denn ha ich vonere Kollegin Gäld usglehnt, do ich no zum Frauearzt ha müesse und s Trambillet ha müesse zahle. Mi GG isch bim Frauearzt drbi gsi und ha ihm sini Postcard gno vo unserem Hushaltskonto. Dr Pin isch dr glich wie immer... OK! Ich übere Mittag in d Manor go ikaufe fürs Zmittag und grad fürs Znacht. Zahl mit Karte und gib dr Pin wie immer i und tataaaa Pin falsch. Nomol probiert, falsch, nomol gsperrt! Super!! Ha mim GG welle alüte, dia het ihres Natel im Gschäft vergässe. Guet ich ins Gschäft, ha vonere andere Kollegin Gäld usglehnt bin in d Manor zrugg go zahle, ha so nume 25min Mittag ka. Ha mim GG e sms gschriebe und er meint, evt sigs doch e andere Pin. Nid nur evt sondern es isch sooooo!!!!! grrrrr. Jetz ka ich sini Karte no go entsperre.... hahahaha
Typische Daag vo dr Dia!!

• Zitieren

nicht registriert

@nimbini
Ah ok, jo das isch doof und vor allem schad. Ich bi völlig unter forderet, ha nüt eifach nüt ztue, und das isch totlangwilig, vor allem goht Zyt nid vrbi.
Wenn Du das eso kasch mache, isch jo guet. Druck dr emel fest duume.

@dia
Ich glaub do bisch hüt en pächvogel gsi aber dangge für d`Story isch grad mega ufmunterend gsi, ich bi immer no am grinse. hihii, ka mr das grad bildlich vorstelle
Ich hoff dr Daag goht für Di agnähmer witer und es passiert nid no me, wenns eimol agfange het, den hörts nümmi uf toi toi toi, suscht binni gspannt uf d`Story fortsetzig

lg

• Zitieren

@Dia
Das ghör ich sehr gern, dasses ide Keksine guet god
ond döfsch aso gern bstelle, ha jo au no anderi Farbe.... ond am Wochendi hani no sone Musigdose-Chäfer gmacht, ond wenni Ziit ha, gets denn dete no en ähnliche aber met anderm Stoff.... DE chönnti der de no gfalle

• Zitieren

nicht registriert

@Steph
Bi ändi 22W, termin isch am 24.12!
Es goht mir super, ha zum Glück keini Schwangerschaftsbeschwärde... Do bini froh!!

@Proeschu
Supi, denn gang ich in de nägste Däg mol uf dini Homepage!

• Zitieren

nicht registriert

Das isch schön, freut mi für Dich uhhhhh Wiehnachtskindli

witerhin toi toi toi

• Zitieren