| Alles, was nichts mit Hochzeit zu tun hat ;-) |
|
|
1 .. 347 .. 692 693 694 695 696 .. 708 .. 720
|
|
dia nicht registriert am 02.10.2012
Re: Alles, was nichts mit Hochzeit zu tun hat ;-)
Hahaha, über Vegas wird gschwätzt, ha dänkt es goht um e neue/alte Job!!
Hesch denn scho e idee in welli richtig es söll go? Gohsch glich uf Hawaii?
Jo, so 2 Mönet dopplet zahle isch happig. Vorallem wenn me züglet will me doch au öbbis neus an Möbel kaufe oder sunstigi Deko. Goht scho rächt ins Portemonnaie... Naja, bis ändi Joor wirds scho besser, bekumm jo 16 Wuche Muetterschaftsurlaub mit 100% Lohn, due denn wieder chli spare...
|
|
|
Proeschu  am 02.10.2012
Re: Alles, was nichts mit Hochzeit zu tun hat ;-)
@Dia
... hihi hochdüütsch
das chonnd secher guet met de Wohnig! Be jetzt grad fertig met de Wohnigsöbergab vo de alte Wohnig. Beni froh, esch das gschafft!
Wieso müend ehr denn 2 Mönet dopplet zahle? Händ ehr denn ned fristgrächt kündt? God jo gar ned...
wie vell Nochmieter händ ehr denn scho "präsentiert"? Sovell ich weiss, muemer doch eifach en gwössi Azahl potenzielli Nochmieter "brenge" ond wenn das nüd ged, denn muess doch de Vermieter sälber luege, ned? Hämmer do enne ned es paar, wo i dene Sache druus chömed??
@Nimbini
hihi... hani müesse lache "beni öber de Fuessgänger gfahre"
de hesch auno öberfahre.....? Tztz  
|
|
dia nicht registriert am 02.10.2012
Re: Alles, was nichts mit Hochzeit zu tun hat ;-)
@Proeschu
Es isch mega blöd glofe....
Mir sind ändi Juni die neui Wohnig go aluege und hän erst afangs Juli dr Vertrag beko. Hän denn so uf ändi Juli könne künde und bi dr alte Verwaltig gits leider 4 Mönet kündigunsfrist! D.h bis 1 Dez müen mir zahle. Me muess scho Nochmieter bringe, aber sonigi wo sich au für die Wohnig amälde. Mir hän bis jetzt ca 6-7 Lüt ka wo ko sind, aber bis jetzt het sich no niemerts agmolde... das isch glaub massgäbend, dass de früehzytig usem Vertrag kasch. Sovill ich weiss....
|
nimbini am 02.10.2012
Re: Alles, was nichts mit Hochzeit zu tun hat ;-)
@dia, nei nei, ich han kei interesse zu de konkurrenz go schaffe... vegas isch s'spannendere thema für eus *lach* ja ich möcht eigentlich gern so 3 wuche uf hawaii und dänn no e wuche uf las vegas... das wär so min plan... wil ich aber nonig weiss, was wiehnacht/neujahr lauft bi eus, chani de flug nonig bueche, s'isch chli müehsam... min maa chan sich wieder mal nöd entscheide, was er will *seufZ*
@proeschu, hey ich fahre immer über de fuessgänger(streife) mini aishwarya hät leider nonig glernt flüge
|
Proeschu am 02.10.2012
Re: Alles, was nichts mit Hochzeit zu tun hat ;-)
@Nimbini
Jo, das dänk ich scho au - wennd dis Auto flüge chönnti, denn wärsch cheibe schnell onderwägs gsi
Aber es hed sich sooo loschtig gläse, well du gschrebe hesch "öber de Fuessgänger gfahre" - das hed so tönt wie wennd en Mönsch öberfahre hättisch.... ond das eifach so schribsch weisch wieni meine? 
@Dia
Das esch jo soublöd..... ich hoffe, dass ehr no en Nochmieter fendet, wo denn au schnell emol iziehd... esch jo rächt lang, 4 Mönet Chöndigungsfrist....  
|
Miaa  am 02.10.2012
Re: Alles, was nichts mit Hochzeit zu tun hat ;-)
Hey Dia also es isch so, du muesch 1 potenzielle Nachmieter bringe, wo die Wohnig wett, wenn denn de Vermieter seit, nei de Nachmieter wennd mir nit i de Wohnig ha, isch es dene ihres Problem und ihr münnd nüme zahle. Im OR staht, dass wenn ihr ein zuemuetbare Nachmieter bringed, seged ihr befreit, au wenns de nit nehmed.
|
angiyves am 03.10.2012
Re: Alles, was nichts mit Hochzeit zu tun hat ;-)
Ui, Kinder, do gohts jo ab!!!
@Nimbini: kum e Momänt nit ghört! Was machsch denn Du für Sache?! ZUm Glück isch Dir nüt passiert! Ha au dänkt: ändlich heut si kündet!!! Au wenns natürlich ins Ungwüsse usegoht! Aber Du findsch scho was und denn kasch ab nach Hawaii (natürlich mit mir) und nach Las Vegas (ohni mi). Haha, Di Ma... was ganz Neus!
@Dia: oooooooh, Di hets jo voll verwütscht! Mi Schwö het drfür die ganz Schwangerschaft dure nur gässe So cool, Ihr händ züglet und jetzt kasch e richtigs kitschigs Mäitli-Zimmer mache!!! 
Ich wart no druf, bisi mi do woder igwöhnt ha aber glaub das goht no e Momänt! Mi rege d Lüt do immerno tierisch uf (scheiss Kleibasel), in mim Kopfhörer lauft Bali-Musik, mir ässe nur no Asiatisch und mit Stäbli Boah und mir isches jo schowider viiiiiiiiel zkalt!!!
|
nimbini am 03.10.2012
Re: Alles, was nichts mit Hochzeit zu tun hat ;-)
@angiyves, ja welcome back! wie gahts? wieder chil aklimatisiert? ja ja gäll, so schnäll isch en unfall passiert, aber ebe, isch ja zum glück nur bläckschade, dänn gahts ja no..... aber ja, kündet hani und das isch guet eso.... han eigentlich au nöd so angscht, das ich nüt neus finde, aber wil ich halt scho so chli en plane-mänsch bin, hanis nöd gern, wänni nöd weiss, was lauft... wänni wenigstens mal de cheibe flug bueche chönnti... hmmm huere müehsam mit dene manne immer ähm hawaii mit dir? also loooooos chunnsch mit... mir hetted sicher voll de fun... chli surfe, chli an beach hänge, am abig en feine drink go gnüsse.... also uf was wartisch? und hey, wänn eh scho det äne bisch, chasch au no grad mitcho uf vegas... das wird fun fun fun
|
|
dia nicht registriert am 03.10.2012
Re: Alles, was nichts mit Hochzeit zu tun hat ;-)
Hey angi-bella, bisch wieder do???
Welcome im kleinbasel! Hahaha hesch es sicher nid vermisst...
Ich kum di mol ko bsueche, ab wellere zyt bisch im gschäft? Do ich nume no 50% schaff, schaff ich meistens nume am morge...
Bis jetzt isch s kinderzimmer no dezent igrichtet. Nid dass es doch uf eimol e bueb git und dä arm no schwul wird zwüsche däm ganze pink!!
Heee ich kum au mit uf hawaii und vegas! Klein zicke loss ich denn bim GG!!
Oh nimbini din maa wieder! Wieso muess me ihn immer zu sim glück zwinge wenns um ferie goht?? er verpasst öbbis...
Lg, dia
|
nimbini am 03.10.2012
Re: Alles, was nichts mit Hochzeit zu tun hat ;-)
@dia, haha ich chan nüme... nöd dass er schwul wird ich glaube aber, die chömed scho schwul uf d'welt, vo dem her wird da es pinkigs babyzimmer kei ifluss meh ha
ja dörfsch gern a mitcho uf hawaii, aber ebe, baby dehei lah, hehe! nei ich bin fiiiies gäll! aber mädelsferie mit chind gönd gaaaar nöd, hihi...... läck wär huere cool! sölli grad de flug bueche für eus drü?
ja gäll, es isch mega meühsam! also er will scho was mache wiehnacht/neujahr, aber er weiss nöd, ob im schnee, i de wärmi oder dehei.... und ich würd ebe gern min flug bueche... aber agnoh, mir gönd neujahr uf miami, dänn flügi dänk grad vo det her witer uf hawaii, aber so chani eifach nöd bueche... müehsam *seufz*
|
|
|
1 .. 347 .. 692 693 694 695 696 .. 708 .. 720
|
Anmelden
