nicht registriert

Hihihi, ich weiss scho, aber mi maa seit immer: ohhh hoffentlich gits kei bueb, wenn alles pink isch! Will kei schwule sohn!!
Nööö, mädels ferie mit kind isch es no go!! Das muess dir nid leid due! Usser die andere hän au kinder und nämme sie mit!!
Denn druck ich dir dr dume, dass din maa sich bald entscheide ka (au fürs richtige)!
Hey, ihr sind au immer weg über wiehnacht/neujoor... Cool!

• Zitieren

@dia, haha ja welle maa will scho en schwule sohn *lach*? aber ebe, chasch es nöd beiflusse, es chunnt so, wies muess... mini bescht fründin hät mit 30i no d'siite gwächslet und das isch okey so, wänns für sie so stimmt!
ja genau, aber da d'angi und ich kei chind händ, müend d'chind dehei bliebe
ja danke dir, ich muess ihn amigs chli zu sim glück zwinge! ja für mich isch eigentlich immer klar, dass mir neujahr entweder im usland fiired oder suscht dehei, aber dänn würkilch ganz dehei bi eus.... und da mir ja jetzt kei chind händ, gnüssed mirs umso meh, wänn mer chönd verreise....

• Zitieren

dia:

---

Hey angi-bella, bisch wieder do???
Welcome im kleinbasel! Hahaha hesch es sicher nid vermisst...
Ich kum di mol ko bsueche, ab wellere zyt bisch im gschäft? Do ich nume no 50% schaff, schaff ich meistens nume am morge...
Bis jetzt isch s kinderzimmer no dezent igrichtet. Nid dass es doch uf eimol e bueb git und dä arm no schwul wird zwüsche däm ganze pink!!

Heee ich kum au mit uf hawaii und vegas! Klein zicke loss ich denn bim GG!!
Oh nimbini din maa wieder! Wieso muess me ihn immer zu sim glück zwinge wenns um ferie goht?? er verpasst öbbis...

Lg, dia

• Zitieren

nicht registriert

Hallo zämme

Uhhhh so viel neus, i kum nid dzure und mag gar nid alles nocheläse

I ha dänggt, i mäld mi au wieder emol, do im Forum isch nümmi soviel los, jetzt wo alli ghürote händ. Jetzt händ 2013 Brütlis alles in dr Hand Zyt lauft halt so schnäll........
Mir gohts eigendligg guet und doch nid wirklich..... es isch e komisch sGfühl. Ich ha jetzt nach de Ferie wirklich e Erholigsgfühl ka, het leider nid lang ahne ghebt. 1 Tag in dr Bude und kasch dr scho wieder dr Löfffel abgeh! Aber das isch èinte, s`andere... ich ha nüt ztue! Es isch so schlim, ich ha jetzt fast 10 Monet an dr Hochzyt ummebastlet, organisiert. sThema Hochzyt isch bi uns eiach 100 % im Mittelpunkt gstande. Jetzt isch das alles verbi, 1 Daag und alles wäg! Was händ Dir gmacht, i bi voll im Loch!
I wär au gern Schwanger, aber mi Maa will immer nonid, i ha dänggt das änderet sich, aber i mein es isch jo au erst 1 Monet wo mir ghürote sind! Das isch eigendligg au nid so belastend aber dr Wunsch isch halt no mehr do. und die frogerei im F-Kreis - unmöglich - aber mit däm muess me jo rächne. Aber i ha jetzt mol gseit: Ihr erfahreds den scho, wenns sowit isch!

Ich weiss nid, wie ich das ganz genau söll usdrucke, aber i fühl mi so truurig, erschöpft, närvig.....
hmmm fühl mi eifach nid so toll, wie suscht immer!

Naja, suscht isch nid viel neus bi mir. I will mi Auto verkaufe aber niemerts wills ha Mi Schätzeli ishc halt no z`neu und z`jung......!

Gster ha ich CD mit de Föteli vo dr Fotografin beko! I bi super z`friede, nur mit mir nid!
èberall seht me mis doofe Doppelkinn! klar nur ich seh das, aber es närvt. I ha mir so mieh geh, dass das uf de Föteli nid sehsch, aber es het nid immer klappt. Naja, ebbe stört mi im moment sowieso alles.
Aber dFöteli gfalle mir grundsätzlich guet! Muess den die Beschte mol no uffe lade. Aber i kum nid wirklich drzue!
Hüt hämmer no so e doofi Sitzig im Gschäft, nach füroobe (i hass es)

Aber i freu mi uf mitti November - den gömmer wieder nach Mailand und diesmol Weekend.
Im Dezember gang ich mit mim Mami uf e Mini Krüzfahrt Weihnachtsmarkt abklappere - hämmer letscht Jor scho gmacht isch dr Hammer gsi.
Do ka ich mi emel sehr drüber freue und stellt mi wieder uf.

Bis bald....... liebi Griessli

sorry, ha wieder mol viel z`viel gschriebe

• Zitieren

nicht registriert

Danke vielmol. Hihihi, dass isch eso, es isch eigendligg wieder dr Alltag do, wohl ich mi nid ka beklage, es isch jo sowit alles super.
Das mit em Kinderwunsch ha ich scho lang, sit 2 Johr und jetzt wo mir ghürote sind ha ich dr drang zum nächste Schritt. Ich dräng aber mi Maa absolut nid, will ich weiss, er wird vo sich us ko und eines Tages sage, so Muus i bi jetzt au sowit. Mir wärde beidi 30ig.
Mir händ alles, mir händ e komplett neu igrichteti Wohnig, mir händ Ferie, Finanziell töhnd mir guet do. Kaufe miend mir uns eigenligg nüt me. Er het sich es neus kleins Auto kauft zum go schaffe, will im moment hämmer 3 Auto und 1 Töff. Und dr Audi isch den eifach z`tür, dä sufft jo elei 17liter Benzin und den mit Familie naja, drum het er sich e kleins kauft um nur dr Arbetswäg z`bewältige - er het scho in Zuekunft gluegt. Er isch jetzt au an dr Krankekasse dra, zum mich ihne ne, bevor ich den Schwanger bi und die mich den nümmi nämmet, also emel zuesätz. Mir wänd den e Familie Versicherig. Er isch alles scho am abchecke und luege, wie mr was könnte mache. Wär den au nid schlimm, wenn mir mis Auto bhalte, will dä längt guet, ha emel au scho 2 Kindersitz drin ka.
Ich hätt halt gärn dr Ford s-Max, i find dä tol
Ich weiss nid, er isch glaub au nümmi sowit ewäg mit Kinderwunsch aber er ka mir halt nid sage, wenns definitif sowit isch. Mir sind halt die letschte in unserem Fründeskreis wo no keini Kinder händ, ok mir sind au die jüngste. Mi Trauzügin isch mitem 3. sowit und mim Maa si bescht Kolleg het jetzt Zwilling beko. Job isch alles guet, er isch zfriede. ICh weiss es kunnt aber wenn....... das muess me abwarte aber kunnt guet

• Zitieren

nicht registriert

Jä das könne mir scho und das isch au e sehr offes Thema und er seit mir au immer wieder, er will aber er weiss halt nid wenn er sowit isch. Er ka mir au nid sage obs immene Johr sowit isch.
Aber plätzlich isch es den morn. Jo isch kli kompliziert, er weiss es halt nid, er will zerst alles super organisiert und plant ha. Er het immer uf dr perfekti Moment gwartet aber mittlerwile het er au gmerkt, dass es das nid wird geh, es kunnt immer no öppis anders drzwüsche.

• Zitieren