nicht registriert

@Kate: mega herzig vo dim Schatz! So schön wenns amel so herzigi Awandlige hend

@Nimbini: Also spann üs ned so uf d Foltere!!! Verzell???

Hand in Hand... ein Leben lang, seit dem 07.05.2011

• Zitieren

na ja, es isch scho no rächt speziell gsi, min ex-lover nach ca 10 jahre wieder emal z'gseh.... ich han ihn scho gseh, wo er cho isch, er hät 2-3 lüüt hoi gseit und isch dänn direkt durch de ganzi ruum zu mir cho und isch mer praktisch de ganzi abig nüme vo de siite gwiche.... er hät natürlich alles welle wüsse (mir händ villicht all paar jahr mal es sms oder e message über fb gschriebe, wänn eus was in sinn cho isch und mir händ müesse anenand dänke) und er isch au bim ässe näbed mir ghocket und wänni mal irgendwo am umehüehnere gsi bin, händ sich immer wieder eusi blick troffe, de gaaaanzi abig! es isch uh schräg gsi.... händ dänn natürlich einige alti erläbnis ufgfrischt und immer wieder glachet und meeega gflirtet! er hät mich au gfrögt, wie lang ich scho mit mim maa zäme bin und dänn hani gseit, 10 jahr und er luegt mich so a und ich so, hettsch nöd dänkt, gäll und er so, nei nöd würklich! er hät ebe damals kei beziehig welle,w il ich uf australie bin, wil er gmeint hät, er weiss was abgaht bi dene uslandufenthalt und ja, jetzt hät er halt gseh, dass ich ebe doch e treui seel bin mini kollegin (sie wo eusi ring gmacht hät, ich känn sie vo de lehrzyt her) hät mich geschter zämegschisse, ich söll nöd mit em füür spiele, ich heig ja rächt gas gäh mit flirte... aber ich bruuche halt amigs die useforderig und will doch wüsse, ob ich no achume oder nöd.... wo er sich vo mir verabschiedet hät, händ mir no so en komische blickwechsel gha, meeega schräg gsi, ui nei! ja ja, ich weiss, bin frisch verhüratet und ich bin ja au mega glücklich mit mim maa, aber bin jetzt doch irgendwie rächt durch de wind vo dere begängig, han uh lang nöd chönne ischlafe....

mim ego häts natürlich guet ta, dass da immer wieder chli manne umegschwirrt sind am fritig (es hät nur öppe 15 fraue gha und ca 120 manne und ich bin no die jüngscht gsi vo allne)... han das also irgendwie scho no rächt gnosse! und ebe er.... phuuuu schwirrt mer scho no rächt im chopf ume!

ui sorry, han das jetzt eifach irgendwie müesse los werde, mit mine fründinne möchti eigentlich nöd drüber rede, die händ eh kei verständnis und mängisch muess mehs eifach e chli los werde....

übrigens, was au mega schräg gsi isch, die erscht frag vo de lüüt isch immer gsi "was machsch so?" die zweit "bisch ghürate?" und die dritt "bisch glücklich?" fröged eu d'lüüt au, ob ihr glücklich sind? ich han dänn immer gseit, ja sicher bini glücklich ich bin frisch verhüratet?! und dänn sind so antworte cho wie ja ich känne lüüt, wo sich nach 6 mönät wieder trännt händ und hüt laht sich jedes 2. paar scheide etc.... guet sind viel lüüt zwüsched 40 und 50 gsi und ich dänke, da händ sich würklich au viel scho trännt oder sind grad in scheidig oder wie au immer, aber ich hans irgendwie voll zviel gfunde.....

• Zitieren

@livipivi, es juckt mich so mega fescht i de finger zum ihm es mail schriebe.... aber mini kollegin hät ebe gmeint, ich söll nöd mit em füür spiele aber es reizt mich so mega, ich will irgendwie usefinde, ob da no was isch, weisch wie ich meine? isch uh schwierig zum erkläre... ich han würklich s'ganze weekend müesse a ihn dänke und han vom fritig uf de samschtig dänn grad emal 4 stunde pennt, wil ich nüme han chönne schlafe, wil er durch mini gedanke geischtere isch! ja ich bin allei det gsi, isch ohni partner gsi, wär ja nöd cool gsi für ihn....

nei mim maa hani nüt verzellt, han nur gseit, dass ich halt mit ihm gschwätzt han, isch ja au klar, er weiss aber die ganz gschicht vo früehner und mini bescht fründin hät dänn geschter nur so gfrögt "isch de xy au det gsi?" und min schatz isch ja au näbeddra ghocket und ich nur so ja, mir händ zämegschwätzt und so.... und dass min unterstift die ganz zyt a mir kläbt hät (isch nüt neus, er kännt aber min maa mittlerwile au rächt guet und ja, de isch halt eifach eso).....

• Zitieren

nicht registriert

Uiuiui Nimbini: Lass das mit em Mail. Wetsch denn nur wüsse ob bi ihm na öpis isch oder au bi dir?
Und WENN bi ihm na öpis isch- was machsch denn? Min rat wär also au- de Kontakt ganz abzbreche und am beste na uf FB uselösche.
Es gönd wege so Situatione so viel Ehe id Brüch und du bisch doch so happy mit dim Schatz und er treit dich uf Hände..., tue ned riskiere das irgendwo Gfühl entstönd - wo evtl nur kurz flammed und denn dis/eues Glück kaputt mached.
So Reiz gits immer wieder und ich weiss wie s isch wenn mer merkt das en andere wieder mal Interesse zeiget a eim. Das tuet mega guet und de Reiz vom verbottene de isch ebe ned ohni. Aber wichtig isch das mer e gwüssi Grenze ned überschrietet und ich ha jetzt echt s Gfühl du bisch nöch dra de Schritt z mache.
Wett doch ned das du unglücklich wirsch- hoffe du verzeihsch mir mini direkti Antwort.
Verbrenn dir ned d Finger- das chan lang sauweh tue!

Hand in Hand... ein Leben lang, seit dem 07.05.2011

• Zitieren

@Nimbini
Aso ich cha di scho verstoh, dasses en gwösse Reiz hed, zom luege, was mer för Rückmeldige öberchonnd... aber ich wörd "de Ball flach bhalte" ond das ned z'fescht ufcho loh.... wörd säge "abhooge"....

öppis anders: geds vo der au no es Foti??

.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011

• Zitieren

nicht registriert

cosa87: Das findi guet...ich überlegge amigs au...wie würs mir go, wenn er das mache wür, wo ich mache wot usw....denn findet me schnell use, obs no mag verliede oder nöd. Find de Asatz guet!

...Today, Tomorrow And Forever...You'll always be my love...8. Oktober 2011

• Zitieren