jo lasere wär wörkli au en option woni wet i betracht zieh e früehschter zuekonft.. aber mom. fählt leider sgäld dezue zodem muess s'aug glaub usgwachse si oder ned? wen esch das öppe so wiit? ha mol nöime gläse das da erst ab 28i möglech esch..

- 2.9.11 - hand in hand... ein leben lang - 2.9.11 -

• Zitieren

nicht registriert

Mini Fründin goht jetzt ihri Auge in Bankok go lasere für ca 3000.-
Es sig schiens e super Klinik wo das macht, sie muess zerst Test's mache, wenn sie guet druf reagiert, ka sies mache es paar Däg spöter...

....unser Traumtag war am 21.5.2011...

• Zitieren

@nikki: mini Schwö hät sich mit 20i d'Auge lasere loh. Soviel sie mir erklärt hät, mues sich e gwüssi zit d'Stärchi nid verändere. Es macht jo kei Sinn, wenn mes operiert und denn wirds wieder schlechter. Sie isch mega zfriede. Ich glaub das chunt uf dich persönlich aa.. Ich bin z.b. jetzt 27i und mini Auge werded jedes Johr 0.5 bis 1.0 Dioptrie schlechter, so das ich spöteschtens jedes 2. Johr neui Gläser bruche. Ich chans deshalb zur Zit gar nid mache loh.
Ich würd mich aber vomene guete Augearzt berote loh. Üsen Augearzt (also de vo mir und minere Schwö) tuet nebed de Praxis no operiere im Laserzentrum in St. Galle.

Ich selber will mini Auge aber eh nid lasere loh. Ich han eifach viel z'viel Angst das öppis schief lauft wie bi minere Mitarbeiterin. Diä brucht zwor noch de Operation "nur" immer no e Brülle, aber es chan au schlimmer usecho. Ich find eifach, dass s'Augeliecht eis vom wichtigschte isch, wo mir Mensche händ und ich würds mir nie verzeihe wenn ich weg de Eitelkeit das würd verlüre. Ich bin scho Nachtblind, do bin i froh, wenn i am Tag öppis gseh.

• Zitieren

Genau Nimbini, bi minere Schwö händs au was dra zahlt. Guete Iwand!

• Zitieren

guete morgäääähn

mein gott, bin ich uf de frässi, ich chönnt sogar im stah penne! bin sooo froh, wänn de tag hüt ume isch und wänn ändlich, ändlich weekend isch und ich chan schlaaaaaafe *gääääääähn* das git en lange tag hüt.....

• Zitieren

ja spanx heissed die, gits im jelmoli i de unterwöschabteilig (beldona glaubi au).... sind so formhose, wo alles schön zämehebed ich finde die super, gits mit beinli, ohni beinli, bis zu de bruscht ufe, nur über d'hüfte, als shirt, als body.... mit cupilage, ohni cupilage.... sind eifach nöd sehr sexy, aber ebe, nach some lange tag spielts au nüme so e rolle, ob drunter no sexy bisch oder nöd

• Zitieren