Hey Mädels....

Wenn ich eu so läsä, denn chönted ihr min Ex zum Maa ha.. Immer, aber würkli immer z'spot, ich renne für ihn ume und er vergisst mol öppis für mich zmache. Ich putz ihm di ganz Wohnig, obwohl mir nonig zämä gwohnt händ und choche z'nacht und zum Dank chunnt er 2 (!!) Stund z'spot us de Werkstatt. Das isch leider meh als oft vorcho. Irgendwenn han i den amigs nur no afange choche wenn er dehei gsi isch, aber denn händ mir regelmässig erscht so gege di 9i am obig g'ässä und das isch mir eifach z'spot. A jo, und SMS schribe isch jo luxus. Es isch denn eskaliert wo mir eines Tages heted sölle am Obig zu mir (han dött no bi de Eltere gwohnt) hei, er isch natürlich wieder so spot am Obig erscht cho, dass mir am nöchste morge gfahre sind. Und au dött isch er wieder nöd us de Hefe cho. An sich wär das nöd sooo s'Problem gsi, aber min Vater isch a dem Morge gstorbe no bevor mir dehei gsi sind. Ich han das mim Ex niä verzeihe chöne.

Für mich isch das es absoluts KO-Kriterium und min Schatz isch sehr pünktlich. Ich mues oft mol länger schaffe und wenn ich mich nid mälde, denn schribt er immer es sms und froget öbs mir guet goht. Mengsmol isch er scho fascht überpünktlich, meistens wenn ich mich richte tuen ich no chli umetrödle. Und denn isch er vor mir fertig, obwohl er noch mir agfange hät. Aber er weiss es und isch sehr geduldig mit mir.

• Zitieren

nicht registriert

hi hi Seechind

pünktlich isch minä ja au- aber wenn ich mal ned uftauche (has extra scho testet und bin nachem schaffe eifach in usgang mit de Kollege und ha nüt gseit), de macht sich nie sorge und fragt mal nache wo ich steck. Er meint immer: Ja du chunsch denn scho wend hei wetsch und wieso söll ich dich kontrolliere- was ja herzig isch- aber echli me interesse dörft er scho zeige und mal beunruhigt si ob ich irgendwo im Grabe ligge...
Da verstah ich dich Vikunija mega guet, ich mach mir nume so u schnell sorge wenn er ned heichunt und mir nüt gseit het- ha immer s Gfühl es seg ihm was passiert.

Hand in Hand... ein Leben lang, seit dem 07.05.2011

• Zitieren

nicht registriert

Jaja die Manne… i cha o sones Gschichtli verzeuä.
Am Afang wo mir no nid zämä gwohnt hei isch mi Schatz mau bi mir gsi u het gseit är müess no schnäu i sini Wohnig angeri Schueh gah holä (är het denn öppä 5 Min. mitem Outo vo mir entfernt gwohnt). Nach 1.5 Stund isch är immer no nid zrügg gsi u i ha ihm denn scho x-mau probiert azlüte – nie abgnoh! Ha mer när mega afa Sorge machä u glichzytig mega hässig wordä u när bini i mis Outo gstigä u zu ihm gfahre. Uf haubem Wäg chunnt är mir entgägä u luegt mi usem Outo fragend a.
Womer när beidi wider daheim si gsi u chum usem Outo gstigä si hani ihm ä mega Szene gmacht!
När het är gseit är heig vorem Igang wo är wohnt ä chlinä Bueb troffä wo sis Chätzli heig wöuä vomenä Boum holä, äs heig nüm vo säuber abä chönnä. Är heig ihm när ghulfä u sig ganä Leitere holä u heig när vo luter Herrje z Natel gar nid ghört. Sig ä mega Sach gsi bis das Chätzli wider dungä sig gsi u drum sigs so lang gangä…
Has när irgendwie mega härzig gfunge aber trotzdäm hätt är ja denn churz chönne alüte u Bscheid sägä…

• Zitieren

@Pröschu: Isch scho oke, isch jo nid erscht geschter gsi.

Ich chume eifach nid demit klar, das öppert so viel verspötig chan haa und sich nid emol meldet.
Ich bin froh, dass min Schatzi so pünktlich isch. Ich bin durch das au viel pünktlicher worde. Es git sicher a jedem vo üsene Manne e Macke wo mir üs chönd drüber ufrege. Und jedi vo üs hät e Macke wo sich de GG drüber ufregt. Aber das macht üs doch au speziell und wenn me mit dere Macke chan lebe, denn isch es guet.

• Zitieren

nicht registriert

Soooo meine lieben!
Ich habe jetzt Feierabend und ich wünsche euch allen ein schönes Wochenende mit euren liebsten!
Ich gehe jetzt 2 Tage in Fox town shoppen, ohne GG! Juhuuuuuu! SHOPPPEN!!!

Bis Montag...

Lg, dia

....unser Traumtag war am 21.5.2011...

• Zitieren

nicht registriert

Danke, Tschüüüüssssiii....

....unser Traumtag war am 21.5.2011...

• Zitieren