Hey Livipivi, willkommen im Club Ha mini fasch 6 Johr mit mer umetreit. Sisch im Fau nid soo schlimm. Klar die erscht paar Täg nach de Op bisch froh wenn die nid z fescht muesch bewege. Aber eg ha mer das schlimmer vorgschtöut. Ha vor de Op au Wuche mind 2-3mou Buuch oder Rüggeweh gha u ab u zue e Kollik. U sit de Op hani no nie Buuch oder Rüggeweh gha. Ha gar nümme gwüsst wie schöns cha si ohni Buuch u Rügge weh. Drum nach de Op gspürsch es no es paar Täg u Sport geit es Ziitli ou nid, aber s lohnt sech! Chunnt im Fau scho guet.
Mini Galleblase muess rächt schiiter usgseh ha, gföut bis e Rand mit Steine und chronisch entzündet u das äuä scho lengers. De Doc het nach de Op uf au Fäu gmeint s sigi höchschti Ziit gsi, dass sie usecho sig. U das mit 25gi.

Zuletzt bearbeitet am 27.09.2011

• Zitieren

nicht registriert

Oje Trinidattli- ach du hesch au Gallestei gha- ha gar nüme gwüsst wieso du hesch müese ufe OP-Tisch... Ups ja glaub so tragisch sötts bi mir na ned si, es het zwar einigi Stei gha ufem Ultraschall, aber gfüllt na längst ned.
Du ich bin eifach froh hends de Grund gfunde und mir chönd öpis mache- zerst hani echt denkt ich bin Gaga wo er gseit het de Mage gsächi super us...
Ha s Gfühl gha ich bildi mir das i und mües zum Psychiater oder so- drum bini eigentlich froh hends doch öpis gfunde wo mer chan entferne..
Sött morn oder übermorn de Termin übercho

Hand in Hand... ein Leben lang, seit dem 07.05.2011

• Zitieren

nicht registriert

@Schlumpf: Isch e schös Ikaufszentrum gäll. I mag de Coop au. De isch echt monströs.

@livipivi: I hoff für di das die OP schnell hinter di bringe chasch und das denn nie meh so Schmerze ha muesch.

Ever thine Ever mine Ever ours *30.06.2012*

• Zitieren

livipivi, das gloub eg dir, dass du froh bisch ändlech z wüsse vo wo die Schmärze chöme. Mir isches drum ähnlech gange. Woni de mi Muet zäme gnoh ha zums lo Abkläre, hets be mir chli lenger bruucht, bis si mer mit sicherheit hei chönne säge, dasses nume Gallestei si u nid no öppis angers. Erst nachemene CT si si sech sicher gsi... Hüt sis genau 3 Wuche här, sit de OP.
Wünsche dir emu scho jetze aues gueti für die bevorstehendi Op, das chunnt guet!

Judihui, nume no 3 Täg schaffe u de d Ferie gniesse fröie mi.

• Zitieren

@Livipivi: Kopf hoch! Jetzt weiss wenigschtens was es isch und me chans entferne. Das isch ja hützutags nüm e allzu grossi Sach und Routine. Aber ich weiss scho, für eim selber isch zwüsse me muss operiere en Schock und ja OP isch OP! Aber nacher isch denn alles wieder guet und du fühlsch dich au wieder so!

Hoffe du chunsch gli en Termin über! "Druckdi"

• Zitieren

nicht registriert

@livipivi: Bin froh, dass sie usegfunde hend, was es isch. Und wie d Vikunija seit...en OP isch für eim zerst en Schock. Aber wenns dir nochher so viel besser goht, denn lohnt sich das scho. Hoffe du hesch gli en Termin!!! Drück dich!

...Today, Tomorrow And Forever...You'll always be my love...8. Oktober 2011

• Zitieren