| Bräute 2013 |
|
|
1 .. 500 .. 998 999 1000 1001 1002 .. 2380 .. 3757
|
|
Lus nicht registriert am 10.12.2012
Re: Bräute 2013
http://www.sinceritybridal.com/plus_wedding_dress/4555
Das isch vor Art här es ähnlechs....
|
|
|
|
Daninici10 nicht registriert am 10.12.2012
Re: Bräute 2013
Guete morge zäme
@Lus: uh du häsch ja e spannends w-end gha. tönt super das chleid chas mir ungefähr vorstelle wies usgseht. sicher en traum. also nimmsch etz definitiv seb? und en schleier traisch au?
|
elea  am 10.12.2012
Re: Bräute 2013
lus das esch es sehr es schöns chleid. hesch du au eis met dene härzige ärmeli oder scholterfrei?
das wochenend het demfall recht gschlochet het? das dini TZ so züg usegloh het esch ned ok gsi! d lüt vergesset ame gern dass das de moment vode brut esch und me sech gwössi sache mues verkneife! i ha zom glöck nome mini TZ metgno ond das esch au guet gsi. wel wonis chleid be go abhole het mini mueter ned so reagiert winis mer erhofft ha.. so züg esch halt ame schad...
|
|
Lus nicht registriert am 10.12.2012
Re: Bräute 2013
@daninici10
Ja i nime definitiv das mit de spitze. Das chleid z Thun isch zwar ou wunderschön gsi, aber zu däm itze sis eifach wäute!!
Ja e Schleier trageni ou, nume e churze aber irgenwie macht das no grad ds tüpfli ufem 1 us! Und äbe, ou wenn mir nume zivil hürate, isch doch glich  I nürate nume einisch u de darfi ou trage wasi wett 
@elea
das isch nume es Bispilbildli dasi cha zeige wasi meine wäge däm Spickel Mis chleid wird ohni tregerli si. s het aber es Neckholder derzeu womer cha aklipse, so dasi zB am Abe cha dr Schleier abzieh, defür ds Neckholder dra due
Mi het eifach schad dünkt dasi mer meh gedanke über die 2 Froue gmacht ha weder drüber weles Chleid besser isch  Het mi ächt beschäftiget. I bi froh um ehrlechi meinige aber es sött nid so si dass si sech när gägesititg agriffe! S het mi eifach sehr verwirrt! Und woni bi heicho bini ehnder truurig gsi weder happy 
Wie het de dis Mami reagiert wode bisch ga ds Chleid hole? Hets ihre de nid gfaue?
|
elea am 10.12.2012
Re: Bräute 2013
nei ere het s chleid scho gfalle aber i be ned die wo vell accesoirs wet ond woni de s chleid agha ha het si so gseit " wow mega schön, aber du musch doch no e chetti ha ond es handtäschli ond ond ond" ond de hani gseit, nenei das möcht i alles ned, het so ke verständniss gha för das ond witer bohret, aber wo duesch den das ond das he wend kes handtäschli hesch ond ohni schmock gsehts so halbfertig us.. i be de ergendwie entüscht gsi. wel i ha mer emmer vorgstellt wenn mi mis mami em chleid gseht das si mi eifach nome schön fendet ond ned afoht vo wege "aber ohni handtäschli besch kei brut..." macht mi grad weder trurig weni dra denke... dorom verstohni di... schloss ähnli muss es de brut gfalle! klar send ehrlechi meinige wechtig aber die lüt wo met chöme fendi, mönd es gspühri ha wend brut zfrede esch und si i dem moment bestärke ond ned witer veronsechere! i ha de mim mami au gseit dass eri komentär ned nötig gsi send und si de nome so "jo i döf doch ehrlech mini meinig sege oder?" jo klar döf si das... aber ebe der ton macht die musik... :/
Zuletzt bearbeitet am 10.12.12 08:33
|
|
Sanis nicht registriert am 10.12.2012
Re: Bräute 2013
Hallo zämä... yes! 1'000 Sitä und d Wäut dräit wittr...
@Brille: Auso ig tragä dür d wuchä dürä immer brille - für i usgang oder zum spörtlä tragi geng linsä....därum tragi o für z HZ d Linsä...
@Lus: ds tönt dr hammer! de bisch du dir itz ganz sicher weläs dst nimmsch?!
Bi üs isch i sachä HZ nix gangä... si chli am Adventszyt gniässä hei viu bsuäch und trinkä viu Glüähwy...
mit si ja sowit eigäntlich mit fasch auäm nachä - därum ischs nid so schlimm we im momänt nid viu geit...
|
|
Lus nicht registriert am 10.12.2012
Re: Bräute 2013
@elea
I chader nachefüehle
I gloube, üsi Müetere hei eifach no chli es anders Bild vore Brut, weises nid! I hamer ou gwünscht gha mis Mami sprachlos ds gseh weni ds Chleid anne ha, aber meh weder "mou, das isch schön" hani ou nid ghört  I weis nid, vilicht erwarte mir eifach z vieu vone und si de enttüscht wemer die reaktion nid bechöme und die sändige im Färnseh wo d müetere und co. immer grad schluchzend zämebräche wenn si d Brut gsäh im Chleid bestärke eim haut enorm da drin wies "sötti" si. das das im wahre läbe vielfach nid so isch dänkt mer gar nid!
I ha ou es uuu glitzerigs Chetteli anne gha u mis Mami het gseit: das passt de guet, schön! u mini TZ het gseit: das isch vieuu z glitzerig.... Meinige si eifach verschide u das söu ou so si. aber es darf nid si dasmer d meinig vom ander när nid akzeptiert.
Hihi das mit dr Handtäsche hani müesse grinse: i wott nämlech ou keni, die isch eim doch im wäg?! Die par wenige sächeli chani sicher ar TZ ahänke und schlüssubund, buech und co chani ja am Hochzyt daheime lah 
Ladi nid la truurig stimme, i gloube, üsi müetre si sehr stolz uf üs und mir gfaue ihne egau wasmer am füdli hei, öb mit oder ohni handtäsche, mit schmuck oder ohni 
Schlussänlech isches üses Hochzyt wo mir üs müesse wohlfüehle!!!
|
|
Lus nicht registriert am 10.12.2012
Re: Bräute 2013
@Sanis
Ja i hamer u vieu Gedanke gmacht. Ds Chleid wo thun hani eigentelch sofort chönne "usschoube". Nachdäm i das z Riggisbärg ha agha isches kes Thema meh gsi! D Entscheidig isch eifach nume no gsi weles vo dene beidne: Das woni mi zerscht es müü wohler gfüehlt ha oder ds andere won ou wunderschön isch und i ufem föteli ganz anders und fiiner würke? Und i hamer scho immer e langi Schleppe gwünscht und die isch soooooo toll bim 2. Chleid  Zerscht hani ou dänkt: Spitze? I bi doch nid 70gi gsi.... Aber es isch soooo schön
|
Bow  am 10.12.2012
Re: Bräute 2013
Jäjä die liebe Müettere, i glaube mengisch si si villicht au es biz selber überforderet
I bi jo nid imene Brutlade gsi go Chleider probiere, cha also zu dem nüt säge, aber wo mir mine Eltere verzellt hei dass mir verlobt si het mis Mami au nur so reagiert: "Ah was würklich?! Schön für euch" Derbi hani so lang uf e Atrag gwartet und ha denkt si freut sich rieeesig für mi...
Naja, nämet so Sache eifach nid zu persönlich Fraue!
|
elea am 10.12.2012
Re: Bräute 2013
jo genau lus du seisch es. me het emmer das beld vor auge wies mami avot brüele wen si eim em brutchleid gseht und wen si ned eifach seit "doch esch schön" esch me eifach enttüscht. i glaube i muss de langsam au mini erwartige vode reaktion vo mim frönd abeschrube sosch beni de weder entüscht
jo i ha zo mim mami au gseit, was weti i das täschli due? s natel ond de huusschlössel bruchi emo secher ned. ond schmenkzüg ond so chöne denn die andere för mech omeschleppe.... weisch i fendes de aber doof, wenn eri reaktion ned eusne erwartige entsprecht semmer zwar entüscht aber sege wege dem nüt. aber wenn eusi mamis "entüscht" send wel mer ned dem entspreche wo si sech binere brut vorstelle, den sege si eus das direkt es gsecht.. weisch wini meine? wenn me vor somene reese spiegel stoht und sech am öberlegge esch öber jez das chleid för 1500 sel chaufe und sech soo onsecher fühelt de send so chlini komentär eifach todestöss!!! genau wie da vo dinere TZ "es esch z glitzerig" ????? sell sis doch denke aber bitte ned eso sege! me cha alles au ofe fiineri art und wiis sege fendi...
|
|
|
1 .. 500 .. 998 999 1000 1001 1002 .. 2380 .. 3757
|
Anmelden
