| Bräute 2013 |
|
|
1 .. 509 .. 1015 1016 1017 1018 1019 .. 2388 .. 3757
|
LadyWolverine  am 14.12.2012
Re: Bräute 2013
Guete Morgäääääähn
Ich zieh mini Ring numä denn ab, wenn ich e Teig muess knete odr so öppis. Abr sunnsch... Bim schlofe, dusche, putze, abwäsche hani sie immr a. :)
himbeer das sind jo priise 
Mir hend für Wissgold (und e chli roségold), 1x 0.12ct Herzbrilliant und 12x 0.01 ct Brilliant'chen' (also insg. 13 Stei) rund 3'000 CHF zahlt.
*gähn*
läck bini froh isch hüt Fritig... Und de Lift stoht a mit "Lift heute geschlossen"...Supr.. Guet sitz ich numä im 5. OG und muess spöter no 12 kg Post abe schleppe...
Funktioniert het er abr hüt am Morge *hihi* (hab das Schild einfach 'nicht gesehen' ^^)
Wünsch euch es schöns Tägli und e ganz es schöns Wucheend!
|
|
|
|
Lus nicht registriert am 14.12.2012
Re: Bräute 2013
I zieh äbe dr Ring mängisch no gärn ab, füehle mi eifach mängisch wöhler ohni 
Äbe zB grad bim Dusche oder so hanine nid gärn anne.
Hihi i ertappe mi itze immer derbi dasi zb immer im Zug chli umeluege wär was fürne Ring anne het... . Kenneter das ou?
I bi ou froh isch Fritig, bi chli erlediget vo dere Wuche! U die nöchst Wuche wird ou kurz, abem 20. am Mittag hani Ferie bis am 6.1  Freue mi sehr, ändlech wider Ferie sit am Juli!!
hihi LadyWolverine, aso wenn ig im 5. OG würdi schaffe wäri äue immer blind weni sone Zettu würdi gseh  Aber je nach däm wesi öppis am revidiere si oder so am lift chas ja no gfährlech si wemerne brucht oder ? 
|
elea  am 14.12.2012
Re: Bräute 2013
wegem reng, aso i zieh min verlobigsreng jetzt nome ab bim potze und douche. aber das goht au nome weller us selber esch ons somit sehr liecht und i ne gar ned gspühre. aber i ha au en arbeitskoleg wone nie wet abzieh. hane neuli gfrogt obi sini gravur döf aluege, de hetter gseit nei er wet ne end abzieh es sig jo es zeiche wode ehe. häää ond wenner ne abzieht esch er nöm verhürotet oder was?
mi frönd het jo nie eine wele ond i ha das akzeptiert wel mer so symbol ned so wechtig send. und de het euse pfarre zo ehm gmeint er sel doch e bellige "alibi" ehereng chaufe woner de sell alegge wenner i usgang goht oder so, dass denn di andere fraue grad gsend dass er vergeh sig! und mi frönd het das wörkli no e gueti idee gfonde. hani mega härzig gfonde vo ehm ah ond de pfarrer het au no gmeint es sig förd trauuig schöner wenn beidi öpis bechieme. es sig sosch komisch de hani de reng ond er nix...
aaso gehts en alibi reng :)
|
valey am 14.12.2012
Re: Bräute 2013
Morge zäämeee
gsehne ehr send bim Thema Ring :)
mer hend no keini gönd de mal im januar go güggsle..
weiss jetzt noni obi gold oder platin ring möcht.. platin isch eifach hell und passt eher zu mir...
aso min verlobigsring ziehi au nur ab weni mues teig chnätte oder eso mues mache denke werd mer de au so med em ehering go :)
@ elea
das mit em alibi ring findi au no cool :) er mueses ja denn ned emmer alegge wener ned well..
ich kenn au es paar männer wo ring ned chönd ha am finger...
|
himbeer am 14.12.2012
Re: Bräute 2013
@ lady wolverine: ich glaub ebe mir werded am afang eher weniger stei druf ha... und sie wäred ja au es stückli grösser so wies usgseht. ich hett jetz ebe eher erwartet dass die no türer sind. aber mir rechned jetz für mine mal mit ca. 2500.- und für sine mit ca 1500.-, denn wäred mer schön im budget.
@lus: ich find das au mega komisch, wenn öper so abergläubisch tuet. e arbeitskollegin hät au min verlobigsring welle aluege und gseit, sie leggi ihn aber nöd ah, das bringi unglück. haha es händen scho 3 anderi agha und ich glaub nöd a so sache. es isch en ring, fertig...
aber ich lueg jetz au immer anderne lüüt uf d finger wäg ehe- und verlobigsring :-)
|
elea am 14.12.2012
Re: Bräute 2013
@hey valey :D jo gell, so muessi mer ke sorge mache wenner em usgang esch ;) ond vorallem fendis cool dass er das sone super idee fend...
@himbeer, jo das esch doch seich wegem onglöck brenge... glaube ah nüt so chabis.... ha au scho de ehereng vonere kolegin agha und i galube ned dass es de mini schold wer wenn si sech wörkde lo scheide :/
be jetzt ame wie ehr au emmer chli am de lüt ofd fenger luege ond was mer ganz starch uffallt esch wie verchratz die reng scho nach chörzischter zit send... aso da wetti de ned... de ziehni ne lieber einisch meh ab ond hebe chli sorg... vell sege de jo das ghört dezue dass er chratzer het,... nei fendi ned.. wet dass r lang schön esch (wied ehe!) 
|
Lula am 14.12.2012
Re: Bräute 2013
LadyWolverine:
himbeer das sind jo priise
Mir hend für Wissgold (und e chli roségold), 1x 0.12ct Herzbrilliant und 12x 0.01 ct Brilliant'chen' (also insg. 13 Stei) rund 3'000 CHF zahlt.
Morge zämä
Wo hesch Du Di ring nöime här? Finde dä nämli no schön, u das isch e Betrag wo ni mim GG no chlönti unterjuble, wobi bi üs wäris äuä de billiger, i wetti aus Houptbestandeteil ki Gold.
|
Lula am 14.12.2012
Re: Bräute 2013
@elea: Üse Fründschaftsring us Silber hei mir jtzte sit guet 3 Jahr. U si si immer no wunderschön u nie ir Pfleg gsi oder so. Si hei sech genau wie üsi Beziehig veränderet, aber si glänze immer no...
|
elea am 14.12.2012
Re: Bräute 2013
jö lula so härzgi :)
klar döfes met de zit chli chratzer ha, aber i fendes schad wenn si nach 6mönet scho usgsänd as hetti e hond drof ome kätschte!
|
Lula am 14.12.2012
Re: Bräute 2013
so gseht im fau mine gäng no nit us...  Aber i bi ziemli es Rangifüdele, für Kratzer zverhindere, dörfti über Nacht sicher nit ane ha, ha über mim Bettteil so ne komischi Schwarz-graui "spur", ga mau drvo us, das isch e Abrieb vom Ring...
|
|
|
1 .. 509 .. 1015 1016 1017 1018 1019 .. 2388 .. 3757
|
Anmelden
