| Bräute 2013 |
|
|
1 .. 527 .. 1051 1052 1053 1054 1055 .. 2406 .. 3757
|
valey  am 08.01.2013
Re: Bräute 2013
Hallo zemee
Meld mi au kurz send im usland gschäftlich und ha grad neumet wlan verwütscht hehe
Fends super das bi euch lauft
Himbeer cool med dim blog :) sobald ich zrugg be im büro be les ich dri hehe
Aso mer hend do eusi trauring entworfe bim juwelier und chönd sie scho am fritig hole hoffe werdet schön :) send eher schlichti..
Und min schatz hed sich sini azüg kauft ;) de heddemer da au scho
Liebs grüessli
|
|
|
LucyLu  am 09.01.2013
Re: Bräute 2013
Güte Morge Zäme
Uiiii ich bin sooo nervös! Hüt werdet oisi Ihladige i de Post sih vo oisne Gäst  Bin soooo uf Reaktione gspanne und ob's überhaupt welchi git....
Mis Polterweekend bini au scho am plane, d.h. Datum am sueche etc.. Am WE gömer na es letztmal ad HZ Mess... Gönder au? Was gits sust so für News bi oi?
Wünsch oi es schöns Tägli
Lg
|
Bow  am 09.01.2013
Re: Bräute 2013
Ou LucyLu  I fühl mit dir mit!
Cha mir genau vorstelle wie das isch wenn me dIladige verschickt het.
Mir schicke euseri erst im Februar, aber i bi scho jetzt sooo nervös 
Mir göh am Wuchenend au ad Hochzitsmess uf Züri. Dört göh mir vor allem wege Ring go luege (de Rhomberg het jo 10% und de het so schöni Ring  ). Nimmt mi jo wunder wie lang s mi Fründ dört ushaltet...
Und süscht bini grad am Menuchärtli bastle und morn chunt euse Pfarrer fürs erste Gspröch.
|
schmetterling84  am 09.01.2013
Re: Bräute 2013
Guete Morge zämmä
@ LucyLu
Ig hoff ganz fest für di, dass ganz viel positivi und freudigi Reaktione chömme.. Bi gspannt was du so verzellsch..
@Bow Mi si am Samstig a dr HZ Mess in Freiburg gsi, bi chli entdüscht gsi, ha mir die Mess chli anderscht vorgstellt, meh mit so deko vorschläg und so, het sehr viel Kleider halt gha und do i mis scho ha, het mi das weniger intressiert aber ha glich chli gluegt und vorallem die Brüt beobachtet wo grad aprobiert hei... z basel gang i denn nur mit minere schwöster... ei Mess het mim glängt.
Mir hei ghofft no en Goldschmied dört aztreffe, wo mokume gane Ring macht aber leider hets gar nüt sötigs gha, die wo ring gha hei, hei nid "eusi" gha... aber 10 % macht ednn scho öbis us wenn du das bechunnsch a dr Mess....
HZ News: nid so viel. ha gester dr Apéro fürs zivile organisiert und d uswichmöglichkeit wenns regnet. Do ig jo mol uf dr Stadtverwaltig gschaft ha wo au s Standesamt isch, dörfe mir dört denn i Stadthuus Keller. Mi Kollegin (wo immerno dört schafft) macht eus denn alles parad. ig het lieber dr Saal underem Dach gha aber de wird leider gnütz für Projekt usstellige, denn dörfsch nid inne.. aber mim schatz gfallt dr Keller eh besser...
Polterobe: Bi mir gits vermuetlich en 2 Täger. D Männer göh eh 2 Däg fuhrt und denn het mi "Polterteam" gmeint mir au! Ig denk mol mir göh wenn witers uf Hamburg... Anschinend isch d Afrog bi dr Olivia Jones scho gmacht worde für ihre Club...  Bi jo gspannt. ha zerscht welle en z Basel mache, aber im SUmmer hets dört soo viel Polteröbe... do fingsch a jedem Ecke öber wo öbis verkauft etc.
Heis glaub schomol gha drvo aber jetzt wirds jo konkreter... was lauft am Polterobe bi euch so?
Oh mega Text wieder ... Sorry
|
elea am 09.01.2013
Re: Bräute 2013
mer gönd am am WE of zöri, au primär wege reng go luege. aber mer gohts wie de bow, i has gfüehl mi frönd haltets det ned lang us
set emne monet esch bimer stellstand was planig agoht. alles wechtige esch reserviert und es goht nomeno om details (schueh, reng etc.) momentan luegi emmer chli wege reng ond au wege fletterwoche.... und bemer au scho am öberlegge wege de iladige. i hamer emmer vorgstelt dases mega schön wer es beld vo eus 2 vo hende wie mer amene see höckle ond i min chopf a sini scholtere lehne oder so. de hanis mim frönd verzellt ond er hets e cooli idee gfonde. und de hetter aber no e besseri gha. of 20min.ch hetter gseh wie eine so cooli belder gmacht het wus usgseht as wer er mega gross/chli ond de het mi frönd gmeint er chönt das au mache för eusi iladige (er chunt super drus bi photo shop) zb wie mer zeme of enre hochzitstorte höckle oder so. has e super cooli idee gfonde vo ehm :-D
so i dere art (eifach ohni hond )
|
Bow am 09.01.2013
Re: Bräute 2013
Hihi das mit der Hochzitstorte isch würklich e mega hammer Idee So öpis hani no nie gseh und i würd glaub mega stuune wenn i sone Iladig würd übercho...
@Schmetterling84
hesch zFreiburg au paar Sache gratis übercho? Ha das friehner immer so toll gfunde a der Muba, aber jetzt bechunnt me jo au nur no selte öpis. Ha ghofft dass es a der Hochzitsmess anders isch, wills jo doch e chli spezieller isch
|
schmetterling84 am 09.01.2013
Re: Bräute 2013
@ Elea Das isch denn e cooli Idee.. grad uf dr HZ Torte wers dr Hammer. Was meh doch alles cha mache mit Photoshop
Ha au immer im witz gseit, ei HZ Foti muess mir mi Schwoger bearbeite as weri ganz schlank neinei, bi so wie ig bi
@Bow jo also 2 so Täschene ha ig becho mit de Katalög dine (si so hochwertigi gsi us dem Dicke Plastik-stoff.. wo de zum teil i de Läde bechunnsch) denk wenn de direkt dört a de ständ bstellsch bechunnsch scho no chlini gschänkli.. guet Kullis FZ etc. hetsch scho chönne neh.
Aber Wettbewerb hesch chönne mache.. ha bi eim Mitgmacht wo de es brennend herz chasch gwünne.. Mega toll, ha mim schatz gseit well so eis.. hcoschtet um die 250 Euro :-)
Ig au bi as chind so gern mit mim Mami ad Muba oder Gwerbustellig.. vorallem bi denä ha ig mega viel becho will si so viel Lüt kennt het.. aber hüt gits nüm so viel gratis.. merksch s Geld liegt nüm soo locker.. Aber denk wenn dir au weg de ring göht wirds sicher spezieller as bi eus.
und weg de Männer a dr Mess: also min hasst so züg usser er cha Wyi degustriere.. (er liebt d Muba) Aber erstunlicherwis hets ihm guet gfalle.. er het Azüg agluegt und süscht vorallem bi de fotographe gluegt. und wenn er denn no öbis cha esse isch er zfriede...
|
elea am 09.01.2013
Re: Bräute 2013
ha grad mega gfreut dass er d idee för eusi iladig so guet fendet! demfall weti das onbedengt mache (aso jo mi frönd jez jo denn d arbeit, was dopplet guet esc för mech )
i denke es esch au öpis anders förd manne (emo för mine secher) wenn mer ganz geziilt öpis gönd go aluege, wie jetzt i eusem fall d reng. well meischtens hends jo das omeschlendere ned gern. und so eschs echli geziilter ;)
denke aber es werd mega vell lüt ha so dass es ehm grad ablöscht.. hoffe es het e brotworscht stand det, da wörd helfe
|
|
Lus nicht registriert am 09.01.2013
Re: Bräute 2013
@hochzitsmässe
Mir si letscht Jahr ja ar Mari Natal in Bern gsi und hei nach ere knappe haube Stund d Flucht ergriffe Si simer eifach chli z ufdringlech gsi und mir hei gar nüt i Rueh chönne aluege.
Da ds Hochzyt itze aber no aktueller isch aus letscht jahr hani nomau 2 Billett bstellt (chamer via Rhomberg gratis bstelle... chline Tipp :blush :)
Mis Brutmodegschäft isch ou dete und so wie mir isch hei die letscht jahr gueti Wettbewebe und Guetschine gha
U bi Rhomberg wetti mau eifach chli ga güxle....
|
snet am 09.01.2013
Re: Bräute 2013
Liebe Bräute
Letzte Woche war ich ja sooooo fleissig! Wir haben für den Apero die Häppchen und den Wein ausgewählt, das Menü am Abend inkl. Wein. Dann habe ich noch meine Hochzeitsschuhe bestellt, die sind jetzt auch angekommen und gefallen mir mega gut! Ich benötige einfach noch eine Einlage, da ich sie extra zu gross bestellt habe, weil ich aufgrund meiner breiten Füsse Angst hatte, dass sie nicht passen.
Und weiter gehts: Einladungskarten sind am Wochenende raus und wir haben bis jetzt nur positive Rückmeldungen auf die Karten erhalten. Termin für Probemake-up und Probefrisur habe ich auch vereinbart und meinen Termin für die Dentalhygiene. Fotografen haben wir jetzt auch definitiv und Sie begleitet uns während 7h und verlangt dafür CHF 900.-
Ah, und die Ringe sind auch in Bearbeitung.
@Hochzeitsmesse: Wahrscheinlich gehe ich noch an die Hochzig in Luzern.
@Brauttreff: Freu mich schon darauf!
|
|
|
1 .. 527 .. 1051 1052 1053 1054 1055 .. 2406 .. 3757
|
Anmelden
