nicht registriert

@gästebuch
Säget mau, heit dir ou es Gäschtebuech?
I wett gärn, dass sech aui Gest inkl. Aperogest würde verewige, wett aber kes klassisches Gästebuech. I wett lieber öppis zum ufhänke, so dass mers immer gseht
öpper hie im forum het die schifferplatte vo manufactum gha. Gfaut mer sehr, aber wemer 2-3 stück brucht isches rächt tüür. d lula het mer de dr tipp gäh, mer chönnt ja ganz normali fotolinwänd näh zum la beschribe. bim umestöbere bini no ud die wedding-trees gstosse:
http://www.printsonalities.de/index.php/...0x60cm-gespannt
dete duet sech jede gast mit fingerabdruck (als Blatt vom Boum) und sire unterschrift verewige. findi ou u e härzegi idee. U dr Boum chönnti mis mami ufene fotolinwand la zeichne, die malt so viel!
d frag isch haut eifach: hei d gescht fröid wenn si mit stämufarbe müesse hantiere (wäge de chleider etc)? was meinet dir? aber wenn mer ne zB würdi putztüechli etc. änelege sötts doch gah.... ?
Oder heit dir schüsch no grad e idee fürnes usgfallnigs Gästebuech??

• Zitieren

aso ganz allgemein muessi sege gsehni de senn vo dene gästebüecher absolut ned dorom werds bi eus nüt dergliche ge.

das met de liinwand fendi aber e besseri ide als es buech, ebe welds au chasch ufhenke. da met de farb ond de fengerabdröck fendi chli heikel. 1. wels halt wörkli ned alli toll fende sech d fenger dreckig zmache wenn si scho so usebotzt send ond 2. denkie sch das för lüt met chender e katastropfe, de machet d chender eventuell es gsou oder mache di schöne chleidli dreckig... msu ned si, cha aber...

wasi no e gueti idee fende esch, dass jede gast es polaroid foti vo sech sell mache! de hesch sone wand met scheldli wo vo jedem de name drof stoht, ond de mönds es polaroid mache ond det bi erem name he henke!


oder wasi mol erlebt ha of enre hochzit esch e ressigi liinwand gsi met x fäöder. ond jede gast jez öpis ines feldli müsse inemole. s problem esch nome gsi dass paari u lang gmoldet hend ond so d liinwand "blockiert" hend und för paari hets de gar nlm glanget öpis zzeiche etc.
es sell jo denn au ned e grosse stress förd gäscht si..
ond ebe au wend nome 100lüt bim apero hesch, bes jo jede sis dümli of das beld dröckt het goht es zittli...

• Zitieren

nicht registriert

Es Buech wetti äbe nid, genau us däm grund wüus äue im Schrank verstoubet.
Aber irgend e erinnerig a aui üsi gescht wo si da gsi wetti äbe scho....
D Tinte isch haut scho chli blöd :-( Anderersits: wemer e art füechttüechli äneduet sötts ja gah - finde ig. und a üsem HZ wärde genau 4 chinder da si u da hani nid angscht dases e katastrophe git
I muesmers no chli überlege....
Das mit de Föteli isch ou no e Idee.... aber d gescht duet ja dr fotograf ou scho fötele.
oder äbe de würklech eifach e wissi liinwand mit verschidene stifte zum male und schribe....
phuu zum glück hürateni erscht im august ;-))

• Zitieren

nicht registriert

@elea
Ou ja das isch ou no e cooli Idee
Zum Glück hani mi "Weddingplanner" daheime, de chani hinech gaaaanz vieu nöii Ideene drischribe
Was relativ klar isch, dass mir die m&m's als Gaschtgschänk nähme. I chume nümme los wo dene ;-)

• Zitieren

Die chaufe mir au Lus
Wenn bstellet ihr euri? Mir hürote ebe au im August und i würd se am liebste jetzt scho bstelle. Aber i glaub dass si verfuule bis im August

• Zitieren

Wie wärs miterä wiise linwand wo gäst sich mitemnä
kuss (farbigä lippestift) tüe verewigä + name.
Das hani er hochzit vo mire schwoscht gmacht u
gäst hei mega dr plousch gha, teu hei sogar dr ganz abä ä farbige kuss
uf dr backe gha.

Z brutpaar hei sich mega gfröit u z'bild ganget itz im wohnzimmer.

• Zitieren