Hey ihr Liebe

Im Juli 2012 hani mi i dere Rundi zerschtmau gmoude.Sithär isch viu gloffe bi üs. Mir dörfe jetz scho a Detailplanig vo üsem Hochzyt mit Toufi vo üsere Tochter (aktuell 18Mte jung) gah. Di findet am 03.08.13 statt. Mir hüratet im Schloss Münchewiler u ässe im Landhuus Liebefeld. Zivile isch am 31.07.13 vorgseh (noni buechet).
Wär Luscht het me vo üs, em Atrag oder süschtigem zghöre, darf ungerniert frage.
No churz zu mir:I wirde gly 28gi, wohne im Kt. Bern..

Jetz mi Frag id Rundi: Wo choufet ihr Ungerwösch?I ha mau sones schöns Dessozs mit Schlaufe am String gseh.Het das ou scho öper gseh u weiss, wohär me das brchunnt? Ha zFoto i Agang tah.

Liebi Grüess nabucca

• Zitieren

Hie no zFoti vor Ungerwösch:

• Zitieren

Hallo nabucca

Welcome back.... Jo a dene infos sie mir sehr intressiert.... Also, wie wo was?
Hets en bsundere grund wiso dir am 31.07 resp 03.08 weit hürote?

Unterwösch: also mi brutmodegschäft het mir gseit chönns bi ihne kaufe, aber chaufs nur wenns mir gfallt. Viel nehme corsage, aber i weiss nid recht. Am liebste het i nur en trägerlose bh und slip, die mit em mäsche,i si denn herzig.. Ha mol im manor gseh het au mit puschel gha aber halt uf d wiehnachtszyt ahne....

Schöns WE allne

• Zitieren

nicht registriert

Juhuu Froue
Am 12i darfi ändlech wider i mis usgsuechte Brutchleid stige u de wirds ääändlech bsteut Freue mi grad mega uf MIS Chleid

• Zitieren

Hoi zämä

Darf eg gschneu e Frog it Rundi wärfe?
Mer si grad a de Chärtli. Etz si mer vo ilade her amne schwirige punkt.
Die gladnige si klar, Trouig,Apero und Fescht.
Ner gits es paari wo ummi Trouig und Apero si.
Vereine u Arbeitgeber si Apero.

Ner heimer es paari wo gärn eifach es Chärtli wönsche. Heit der das o kha? Duet me dert eifach ume schribe wen dasme hürotet?

Liebi Grüess
ma84ma

• Zitieren

nicht registriert

S isch uuu schön gsi wider ids Chleid z schlüpfe und i u mini Trouzügin hei dr absolut Spass gha... D Verkäufere het gseit mer ghöri üs überall no lache
Ds Chleid isch bstellt, dr Schleier derzue ou, dr Unterrock, e fiini Stola, d Corsage und d Schue hani ou grad gfunde dete zwar sisi lang nid so "modern" wie bi vieu anderne Bürtlis aber da i nid soo dr Absatztyp bi sisi super. I bi vögeliwou dinne gsi und das isch ja d Houptsach Aues zäme chunnt mi grad uf knapp 3'000 (inkl. ds Absecke und Umnäihe) vieu zwar, defür isch mis outfit komplett Mini Trouzügin het dete bide Feschtchleider ou grad chli umegluegt und ihres ou grad gfunde. es uu schöns langs chleid imene blau/türkis mit vieu glitzersteili druffe... si het zerscht angscht gha, es sigi too much... aber i findes uu schön u was ds chleid vor Trouzügin ageit bini nid so heiku. s mues ihre gfaue und i bi nid eini wo angscht het, es wärd mer d show gstohle
Woni ds chleid ha agha isch dr Herreverkäufer cho u het gseit, es sigi grad e maa am Azug useläse und sini frou heig äbe ou das Chleid... öb d Mueter und d Trozüge vo ihm hurti chönnte cho luege öb dr Azug woner usgläse het würdi passe Luschtig gsi
I bi froh, itze hani aues woni zum alege bruche zäme vo eim Gschäft. So bini sicher, dass aues schön zäme passt... Klar, die fiini Stola woni ha het nüt speziells dranne u choschtet glich 160.--, glich wie dr Unterrock... Aber so hani aues zäme chönne probiere und es passt perfekt zäme aues
Ach, u wie söui itze die 4 Mönet überstah bis ds Chleid chunnt?
So, itze muesi chli ga lige, bi richtig kaputt vo däm Tag

• Zitieren