| Bräute 2013 |
|
|
1 .. 536 .. 1069 1070 1071 1072 1073 .. 2415 .. 3757
|
Lula  am 13.01.2013
Re: Bräute 2013
@ma84ma: Tipps si scho guet, aber mir hei chli Angst, dass es plötzlech heisst, die MÜESST dir ilade. Oder Lüüt wo mir zum Apero hei, plötzlech ou am Obe MÜESSE drbi si
|
|
|
Mime  am 13.01.2013
Re: Bräute 2013
Hallo zäme!
Bi ou z züri ar mäss gsi... geschter obe hani nächer grad chline hochziits-overkill gha, aber jtz bim material düreluege fingis doch glich ganz e gueti sach! hane ganzi täsche vou flyer und proschpäkt, sicher 10 manneazugproschpäkt :-) und chleeeeeiiiiider hetts gha, wahnsinn... aber finge mis isch nach wie vor s schönschte  und so sötts doch si!
u ou guet isch gsi, bi mit mim mami gange. si hett sech chum me ikriegt, was das hützutags fürne industrie rund um dä einti tagisch, gstört... mir hei zimlech vüu inputs becho, aber es isch ou guet, dassi die wichtige sache aui scho organisiert ha und einlech weiss wasi wott. süsch wäri gloub ungergange...
Zuletzt bearbeitet am 13.01.13 10:04
|
Braut2013  am 13.01.2013
Re: Bräute 2013
Mir ischs ochli so gange wi dir, Mime. Bi o gechter ar Mäss gsi (vorme Jahr scho mal). Mir hei nurno es paar konkreti Ständ welle ga aaluege wonis no Sache fähle. Und es isch irgendwie für üs fasch chli ds viil gsi, wisi eim alli wei Prospäkte id Händ drücke..weme scho viil organisiert het, isches z.T. fasch chli närvig - si si zimlech ufdringlech. Letscht Jahr hetsmr meh bracht, de heimer dür die vile Sache när chli Inputs gha. Aber ha ono mal gärn all die Chleider welle ga aaluege und bi also o froh, dasi cha säge: mis isch immer no ds schönschte für mi 
|
elea am 13.01.2013
Re: Bräute 2013
mer send höt ade mäss gsi. ond i fendes guet dass mer üs of 2 sache konzentriert hend womer hend wele gseh (reng ond flittis). sosch wers zvell gsi. das womer scho organisiert hend muesi jo ned nool aluege. het chli vell lüt gha hets mi donkt... ond au vell chabis ;) aaaaaaaaaaaber
mer hend eusi reng kauft!!!!!
juhu, hets nie denkt! mer hend scho a jedem stand chli gluegt aber s het mer nie öpis gfalle ond de semmer a eim mol he ghocket und send so toll bedient worde. aber i ha de ned wele dri schüssse dasss mer de weder gange send ond chli dröber gredet hend wegem reng etc. dasch super gsi, wel am stand chame nie so offe rede as wenn me onder 4 auge esch. aber de semmer zrog gange ond i ha gseit DE wetti. ond zominer grosse öberrrachig het mi frönd de au eine wele! er het nie e reng wele ond plötzli seit er er wet för sech au luege. jetzt semmer mega happy ond hend ganz tolli reng gfonde! ond hammer esch au no: 15% messerabatt! ahmmer, das esch grad e grosse batze gsi! OND si dönd eus i jedem reng enne no gratis es diamänti ine bim name! soo cool! hets nie denkt dass mer höt reng chaufe! 
|
|
toluwu nicht registriert am 13.01.2013
Re: Bräute 2013
Foootooos!!
|
elea am 13.01.2013
Re: Bräute 2013
hihi also das send si :
send beidius palladium. mine het aber ned rengs ome diamäntli sonder nome 11 stk. anenand. för jedes johr womer zeme send eis diamäntli. ond de gehts jedes johr eis steinli meh, bes de reng de einisch voll esch!
beidi reng send matt, mine esch 4mm breit ond sine 6mm!
fühel sech ganz liecht ah, was mer bedi toll fende!
enne stoht de eifach de name ond s datum. ond zwöschem name ond em datum chont no es blaus diamäntli he!
si send sehr sehr schlecht, aber dasch wo mer gsuecht hend!
|
Nemo  am 13.01.2013
Re: Bräute 2013
Ooooohhhh, ich will au luege!!!  
Wär sooooo gern au ad mäss. Leider bini aber am schaffe sganze wuchenend...
Gange jetzt aber mit mim mami nächst wuche uf st. Galle ad mäss. Hoffe die isch denn au so cool Wie ihr da beschriebed!!
Mir bruched eigentlich nüt me,aber ich möcht eifach chli go schneugä. Wer weiss,vielicht teetkö ja doch no öpis
|
Nemo am 13.01.2013
Re: Bräute 2013
Die sind sehr schön und bling bling isch super!!
Ich hän au so eine womer chan steindli erwietere. Mine hät jetzt 16 steindli.aber mer sind "nur" 10,5 jahr zäme...
|
elea am 13.01.2013
Re: Bräute 2013
jo i ha zersch ganz ome steinli welle, aber dashet mi frönd zvell gfonde. de hemmer denkt nome de halb reng, aber das hetti komisch gfonde. ond eso hets e symbolik! 11johr = 11 steinli! ;) send wörkli zfrede. er au met sim. er esch gaaanz schlecht. mi frönd het nie nie nie schmock ha dorom wer öpis extravaganz nie en frog cho. send zwar ned so spezzielli reng wie velli hend, aber das spellt eus ke rolle ;) hauptsach si gfalle eus und passe zo eusemstil!
nemo, jetzt beni dini reng i desem thread au rasch go aluege! wow läck das esch aber echt emol bling bling ;) echt cool!
Zuletzt bearbeitet am 13.01.13 17:58
|
Nemo am 13.01.2013
Re: Bräute 2013
Tuen morn eis ine. Gaht vom handy us nöd....
Has scho paar mal posted,aber frög mi nöd uf welere siite
|
|
|
1 .. 536 .. 1069 1070 1071 1072 1073 .. 2415 .. 3757
|
Anmelden
