Hey Bow...
ohh mach der do kei Sorge, wie d Lus au gseit hed...die Verkäuferinne hed ned emmer Chundinne wo es Kleid bi ehne kaufed... muesch keis schlechts gwüsse ha...

:)

jaa ich be gester mega vel brutkleider am aluege gsi im internet... send vel schön gsi aber keis hed mi meeega agsproche...
denn luegi ... luegi... gsehni eis und dänke: woooww de isch auuu sooo schönn..

luegi gnauer

es isch genau mis gsi hihihihihi :D
das heisst hani mi richtig entschide :D

• Zitieren

oh bow mach di ned verockt wegem chleid. aso 1mol fendi musch keis schlechts gwsöse ha, i ha ekolegin die esch i 6 läde gange. ond 5 vo dene läde hend si jo de au stondelang berote ond npt verchauft das esch eso. anderi watschtle ine ond chaufe nach 2h es chleid (ich zb). mengisch verdienes nüt, ond mengisch chönes ganz schnell es chleid verchaufe...

ond wege de onsecherheit vom chleid. oh gott glaub mer i ha scho es paar täg gha woni denkt ha, nei met dem chleid chani ned hürote. niemols! aber ergend einisch beni emmer weder zor besennig cho ond hamer müsse sege, i muss jetzt ufhöre mini hochzit of es chleid zbeschränke. ond weni de amigs so phase ha vo wege "i hürote nome einisch aso muss s chleid perfekt si". de muesi ame dra denke dasi dass es no vell tolli glegeheite geht zom es hammer chleid alegge (hochzit vo kolege zb). letscht johr hani anere hochzit sones schöns cocktail chleid agha, das het mer fasch besser gfalle as mis hochzitschleid jetzt

• Zitieren

elea hehe dis chleid isch aber mega schön findi :) vorallem au me dem Band :)


Mona so lustig :D jaa demfal isch dis kleid au würkli DIS Kleid :D

hehe i ha gester weder fötelis agluegt wo mini TZ vo mer gmacht hed medem Kleid :D
freumi scho das weder alegge hihihi

• Zitieren

guete morge, es fangt wieder a

mach där kein chopf bow, muesch sicher keis schlechts gwüsse ha, du bisch
ja nöd verpflichtet es chleid det z chaufe, mer chan au eifach nur go luege gah,
die rechnet au immer mit däm das mer ime andere lade sie's chleid chauft, vo
dem her ...

hmmm häsch dänn das gfühl bi dim chleid nöd gha? händ där all 3 super guet
gfalle? aber das wo jetzt dihei häsch ja doch am beschte? suscht hättisch dich ja
nöd däfür entschiede, also isch das DIS chleid mer dörf wüki nüm gross
chleider aluege wenn mer sich mal für eis entschiede hät, das isch dä gröscht
fehler womer chan mache eifach abhagge und sich um anders züg
kümmere

also bi mier isch es scho so gsi, woni mis chleid agleit han hanis eifach gwüsst,
DAS isch es und keis anders han gar nüm welle use, weiss
also au nöd wie das dänn wird am hochziitstag selber wenni am abig use muess
und ich weiss ich chans nüm alegge dörf gar nöd dra dänke!!! aber jetzt
chani dänn gli go abstecke, mal luege obi das gfühl wie bim ershte mal immer
no han!?! wie isch das bi eu gsi? immerno glich schön gsi, bim zweite mal dri-
schlüpfe?

• Zitieren

guete morge

hami jetzt scho lang nöm gmäldet, be aber flissig emer am läse was aber gar ned so eifach esch bi dem Schribtempo wo ihr hend. Jetzt beni aber weder so richtig is Hochziitsfieber cho ond werde au chli meh metschriebe.

@bow: also ich wörd mer do au kei Kopf mache, es geht jo vell Brüüt wo i mehreri Läde gönd ond die chaufed jo denn au nor bi eim ond die andere gönd "leer" us.

Freue mi au wenni weder i MIS Chleid chan schlüfe. Esch loschtig gsi ade Hochziitsmäss, de beni a allne Chleider verbi ond ha emer dänkt: "esch ned so schön wie mis, esch ned so schön wie mis". Ha eigentli keis Chleid gseh womer so guet gfalle het wie mis. Apropos Chleid, wie vell vor de Hochziit gönd ehr üches Chleid go abstecke?

Liebs Grüessli

• Zitieren

nicht registriert

@Bow
Säg nüt, s git sooo schöni Chleider
I ha Spitze immer so altmodisch gfunde.... Aber es git so schöni Chleider mit Spitze !!!!
Mis het säuber ja ou dinne
I gloube, mer darf sech nid so vieu Gedanke meh mache übers Chleid wemer eis het. S gäb immer anderi Chleider wo eim ou gfaue! Drum: Weder i Schoufänschter luege, no i Brutkatalög meh schmöckere no im Internet ga luege

• Zitieren