Also i glaub wenn me gnueg lang suecht findet me über jede Internetabieter irgend öpis schlechts...
Bi mir het uf jede Fall alles super klappt: si hei schnell gliefertet, dWare het passt und isch für de Priis erscht no super Quali.
I würd wieder dört bstelle Usserdem zahlsch jo über Paypal, oder?!

• Zitieren

nei het überwise wel i kes pypol han!isch das sichere det drüber?

• Zitieren

nicht registriert

Guete Morge zäme - schön isch scho wider Mänti gäuet

@snet
Schad hesch ar Mäss nid gfunde was du gsuecht hesch I bi säuber ou nid e Fan vo Mässene wüu mer d Lüt derte eifach z ufdringlech si. Ar letschte Mari Natal simer genau 30Minute gsi Die hei derna aber sehr spezielli Sache gha (zB e Brutstruss us schwarze Blueme (gfärbti Orchidee)). Mir gö Afangs Februar nomau häre, aber meh um no chli Guetschine etc. z sammle

@me
Mi GG isch ja Hochzytstechnisch eher zrügghaltend Aber am Friti abe het är gseit: du, i wett am Samsti mit dir id Stadt chli ga Ringe luege! WOW
I ha vor einiger Zyt ds "Ja ich will" Ringbüechli vom Rhomberg becho und ha das de am Friti abe no düregluegt. I ha nid uf d Prise gluegt sondern ufe erscht Idruck was mir gfaut. U de hani dä Ring gseh u gwüsst: Genau SO öppis wotti! U mim GG heisi ou sehr gfaue.... Super isch ou no, das beidi zäme ca. 1200 choschte, aso genau i üsem Budget
Ir Stadt simer de chli a dene Bijouterie düregloffe und hei vor auem id Schoufänschter gluegt. S het soo schöni Ringe, vielfach eifach total nid i üsem Budget. Womer de eigentlech zum Rhomberg hei wöue, heimer es Kollegepärli ir Stadt troffe und si mit ihne no chli unterwägs gsi. Mir hei de gseit, dass mer "üsi" Ringe sicher ar Mari Natal gö ga luege und ev. grad düe bsteue.....

• Zitieren

Hallo zämmä

@Sabrinella
also ig ha d schueh und en Horrschmuck gchauft bi Light in the box und es isch alles tiptop gsi.. has sehr schnell gha, und d Qualität im Pris entsprechend. Au guet verpackt ischs gsi.. mini schueh si separat imenä stoffsäckli gsi und denn im Schuhkarton und denn erst i dr Verpackig. also ig cha wirklich nur guets säge... Dr Zoll ha ig denn miese über Fedex zahle. die hei halt so e pauschale für d Verzollig. aber alles im Rahme.

@Lus.. schön hets au dine packt.. aber glaub ring isch eifach öbis wo au si intressiert, so bliemli und so das intressiert sie nid. Glaub wenn du a dr Mess d Ring chaufsch bechunnsch se 10 % günstiger.

@snet
mir ischs au so gange, usser es brennends herz het mi nüt wirklich chönne begeistere a dr Mess isch wirklich meh für Päärli wo no kei resti, HZ Location oder Brutkleid und ring hei. Gang zwar glich am Samstig no uf Basel aber nur mit minerä schwöschter..

@anyany also mit dem Budget findsch sicher öbis und wenn dir nur die türere gfalle (so si mir fraue halt) denn gang is Dütsche gohs chaufe, ig ha au mi Kleid vo dört und ha für mis Eddy K umgrechnet 1900 zahlt (no ohni Unterrock und umenäh.) Ig weiss nid was es i dr Schwyz choschtet aber denk es isch scho es stück billiger in DE. Guet für mi ischs halt wirklich nöcher is Dütsche as uf Züri. Aber chasch jo mol luege im Wicky, denk finde wirdsch sicher öbis.

• Zitieren

@sabrinella, glaube mer hends erst grad för es paar täg em andere 2013ner thread (kein chat, nome frage ond antworte) devo gha wie mers machet wegem gäscht aschribe. so wini mi mag erennere maches vorallem die wo vell gäst hend, die met den chlinere hochzite ned. musch mol det go luege was mer gschrebe hend!

• Zitieren

hey valey! het sech dini sorg ums blaue chleid weder echli gleit?

• Zitieren