Ich han denkt ich ziehn es Swarowski Chetteli a mite passende Ohresteckerli... wett keis Armband, wird aber sehr wahrschinli no es Tiara ha... wird denn alles bim Chleid-Abstecke mitneh und luege wies usgseht..

Schmetterling, das isch uu schön... finds vorallem schön dases für dich ä wichtigi Bedütig het..

• Zitieren

mega schön schmetterling

hm ich weiss es ebe au noni warschindi öbis mit steindli und perle kominiert aber nur ganz fiin und en ahänger ned ganz en ketti mit perle dra!!isch no relativ schwerig

• Zitieren

Manokasa, Sabrinella und Emma: Merci viel mol, ha mir vorallem bim armband immer so öbis vorgstellt aber nüm gwüsst, dass mis Mami so öbis het und ebe es erfüllt grad 4 Kriterie: Es bedütet mir sehr viel will denn dr Ahänge rund au d Ohreringli indirekt vo mim Mutti si, denn ischs usglehnt, öbis blaus und alts (mis Mami het das becho wo ig glaub noni uf dr welt bi gsi)

Ig find dr Swarovski Schmuck au sooo schön.. die hei so Tolli colliers und vorallem ohreringli..
Ig wett ebe kei tiara vo dem her passe d Perle. Meh muess wirklich alles mit em Kleid mol probiere... denn gseht meh öbs passt. aber wenns nid überlde isch passe steinli immer.

• Zitieren

Oh wow mime.. mega speziells Kleid hesch dr Usgsuecht fürs zivile.. dörf i froge ischs vo öbberem wo dir sehr noch gstande isch?? Hoff ganz fest dass es dir passt.. do si mir jo alli gspannt denn uf Föteli vo dim zivile..

Wenn hürotisch du wieder? weiss ebe nid öb mr au en bolero söll bstelle für mini hz.. au im Juni chas chiel werde zobe und denn nur so es schnöds jäckli alege will i nid zu mim Kleid..

• Zitieren

Hey dir
Ohh, das guet euchi reaktione... bi äbe nid sooo ganz sicher, wie das jüngeri froue uffasse, dassi ir tracht as zivile wott (auso mini tz fingts ou super). gnäit hett die tracht mini grosstante, wo se när mire grossmueter vererbt hett u die schänkt se jtz mir zur hochzit. s wird aues zwäg gmacht, dr silberschmuck putzt und poliert und die ganzi tracht uf mi umgschnideret wonise bim abstecke ha annegha, hani auso dr grösser wow-effekt gha aus im bruutchleid
mini mueter und schwiegermueter finges super, dassi ir tracht zum zivilstandesamt wott, mini mueter leit de ou grad iri tracht aa... (isch aber e thurgauer sunntigstracht). ar hochziit simer de aber aui im brut/abechleid.
mi GG luegt fürne dunkle aazug, das sött jo guet usgseh näb dr jo einlech dunkle tracht. ev. chame mitder krawatte no was mache. aber da mir jo einlech im chline chreis ufem zsa si, chunnts jo ou nid sooooo drufaa...
@schmetterling: mir hürate äbe im april... s cha warm oder chalt si, rägne oder schön...
@mama:du hüratisch z eriswil, gäu? bisch de vo dörte? i bi drum e heiweh-langethalerin, u hürate düe mer drum z langetu.

• Zitieren

Guete Morge zäme

Emma ech gloube das set keis Problem si, also mer wärded en Sägerin ha. Ech be aber au scho amene Hochzig gseh wos eifach CDs abgloh hend. Ech dänkes das esch eifach z bespräche metem Pfarrer...de esch das alles secher keis Problem!

Also mer wäred katholisch hürote ond euse Pfarrer esch supi, jong blebe ond ufgschlosse...=)

Zuletzt bearbeitet am 31.01.13 08:56

• Zitieren