| Bräute 2013 |
|
|
1 .. 587 .. 1172 1173 1174 1175 1176 .. 2467 .. 3757
|
Muamba  am 05.02.2013
Re: Bräute 2013
hey, da ich usem aargau chum und in dr region basel schaff, isch das sicherlich sehr e gueti idee. danke viel mol füre tipp steffi!
|
|
|
LucyLu  am 05.02.2013
Re: Bräute 2013
Hei Steffi, dir au gueti Besserig. Bin au chrank die Heime 
@ Light in the Box: ich ha mir Letzt Jahr es Massgechniederets bstellt ja und usert uf d'längi vom Chleid isch es für de Priis perfekt. Schnelli Lieferig, guets Material und gueti Verarbeitig.
|
steffi84 am 05.02.2013
Re: Bräute 2013
@lucyLu: Danke. Demfall dir au 
@muamba: Jo Ich has gseh das im Kanton Aargau wohnsch. I ha scho denk vom Dialekt her chasch nit wiit ä wäg sie...  Wo heit dir den s Fest?
|
steffi84 am 05.02.2013
Re: Bräute 2013
Jetzt han ich no ä Frog:
Wie mache Dir das mit dä Chinder am Fest zobe? Mir hei eigendlich denkt, dass es für unseri Gäst und uns am entspanntischte isch wenn d Chinder nachem Apéro abgholt werde. s Chlinste isch den öbe 2jährig. Also keis wo no muess gstillt werde oder so. Mir hei denk mir wei unseri Gäst uf unserer HP informierä abr nit vor ä Chopf stossä. Het do öber ä gueti Idee zur Formulierig?
|
Muamba am 05.02.2013
Re: Bräute 2013
mir hürotä uf schloss thunstette (weder AG no BL)! :) dört hets e gartepavillon und ich bätt scho jetzt, dass s wätter am 2.8 mitspielt! :) und du, wo wirdsch du fiire?
hmm, steffi, wäge dä chind- möchtisch dass sie abgholt wärde oder sölls für dini gäst e "option" bliibe? und vo wäm sölle sie abgholt wärde? wie hesch dir das vorgstellt?
|
steffi84 am 05.02.2013
Re: Bräute 2013
Mir fiierä im Bad Bubendorf. Mir hätte am liebste das d chind vo vrwande abholt werde odr wenn das z kompliziert isch vo afang a nit dr bi sind. Das tönt jetzt mega hart wenn i das so schrieb. Mir hei unsi neffe und nichtene mega gern und hätte sä am apéro gern dr bi abr mir wüsse halt wie sie sind und zobe wenn sie müed sind wirds schwierig. Und mir hoffe das d mamis und papis ä obe ällei chöne gniesä...
|
Mona83  am 05.02.2013
Re: Bräute 2013
@Steffi: also mir wänd au kei chind däbi ha will mer eifach findet das fäst isch für erwachseni und da chönd d eltärä und d chind das alles meh gnüssä wän d chind bi bekantä sind. :-) bis und mit apero sinds härzlich wilkommä aber am abig wämer au kei. han mir vonärä kollegin säge lah dases ihrä au niä in sinn chämt ihri chind mitnäh wil wän sie sust anes fäst gaht oder is kino oder so dän nimmt sies au nöd mit.
schribä würdis uf de homepage im fall nöd, git doch immer so mamis wo empfindlich sind wänn öpis gäg chind schribsch und s gschribnä chan mer so falsch verstah.
sinds dän viel mit chind? sust würdi eifach dänä alütä wo chind händ und churz säge wiäs isch. so chasch au improvisiärä. :-) also ich wird so machä, lah zerst d iladigä usä und i därä ziit duäni diä paar lüt rasch kontaktiärä.
|
Manokasa  am 05.02.2013
Re: Bräute 2013
Chind
Also min Sohn wird a d hochziit ufjdefall debi sii, ich muss aber au no luege wienich das am Abig mache.. Wener den müed isch..
Mona
Dich hani no welle froge: Hüratisch du i de chille z rappi? oder nur standesamtlich? Z rappi hets ja eh chille nebem standesamt aber die isch ja anschinend nur für katolischi..
|
Canoa am 05.02.2013
Re: Bräute 2013
Eusi Idee wärs au eifach bem Apéro Chend debi zha ond denn am Obig nöme. I paarne hemers au scho gseid. Nome werd denn aber im August no es Baby debi si...ech hoffe das goht denn glich...bzw. de GG redt denn metem TZ (Vater vom Baby)...
Ech liebe Chend öber alles, aber ech könnes guet wennt Chend müed ond rompusorig wärded!
Es wördi natürlech scho au anderst usgseh wenn mer scho eigenti Chend hätted...aber das esch ned de Fall...
Ah ond ech ha mer dänkt dass mer t Chärtli halt eifach "nome" at Eltere aschriebed, denn set jo de Fall au klar si! 
Zuletzt bearbeitet am 05.02.13 13:48
|
steffi84 am 05.02.2013
Re: Bräute 2013
@mona83: Jo do hesch scho recht das gschriebenes falsch vrstande werde cha. Mir hei scho es paarne gseit, dass mir d Chinder lieber nit dr bi hei zobe. I würd glich gern ä Info uf dr HP ha. Schüst heist den, das hei mir nit gwüsst...
@manokasa: Klar wenn mir selber scho chind hätte wär das au völlig öbis anderes. Den würd i mi Chind sicher nid abgä...
An Alli wo Mamis sind, wär dä Text für euch z krass?
Weiter ist es uns wichtig, dass ihr Alle „unseren Tag“ mit uns geniessen könnt. Bei der Zeremonie in der Kirche XY und am Apéro in XY sind auch die kleinen Gäste herzlich Willkommen (eine kleine Spielecke sowie ein Spielplatz sind vorhanden).
Leider verfügen wir beim Abendessen im XY nicht über eine solche Infrastruktur. Daher hoffen wir Euch nicht zu nahe zu treten, wenn wir Euch darauf aufmerksam machen, dass die kleinen Gäste beim Abendessen nicht eingeplant sind.
Ich denk das isch diplomatisch...?
|
|
|
1 .. 587 .. 1172 1173 1174 1175 1176 .. 2467 .. 3757
|
Anmelden
