| Bräute 2013 |
|
|
1 .. 625 .. 1247 1248 1249 1250 1251 .. 2504 .. 3757
|
Canoa  am 18.02.2013
Re: Bräute 2013
Hmm jo s Budget esch werklech sone Sach, also mer hends Gäld scho zäme, aber ergendwie esch es haut scho wahnsennig wemer soooo vöu Gäud för ei Tag tued usgäh! Aber es werd scho ergendwie guet cho.
Chorzi Frog, wie lang hend ehr förs Apéro iplant?
Mer hend ca. 4h iplant, esch das ned chli lang?!?
|
|
|
|
Lus nicht registriert am 18.02.2013
Re: Bräute 2013
@Canoa
Mir wärde üses apero zwüsche 1,5 und 2 h ha...
4 Stund findi scho sehr lang...... vor auem für die gladnige gescht wo de no witer göh am abe....
Heiter de no Unterhaltig während em Apero wo die zyt no chli würdi verchürze?
|
Lilly4  am 18.02.2013
Re: Bräute 2013
@canoa: mir händ däfür s gegeteil, eher z wenig ziit iplant ... eusi chlie
wird am 4i fertig si, dänn dänkemer gahts sicher ca. 45 min. bis eus all
100 persone gratuliert händ  und dä apero wär dänn no ca. (bitz
meh) als 1 1/2 stund ... weiss voll nöd, aber däfür simer dänn vom 7ni
bis am 11i im reschti im saal obe am esse  hämer det bitz meh
ziit, nachher gits PAAAAAAARTY 
|
valey am 18.02.2013
Re: Bräute 2013
also mer hend öppe 2 stund iplant fürs apero :) ca. 13.45 - 16.00 Uhr
wel de hemmer en gueti stund bis zum schloss wos de witergoht :)))
Hey Girls hender en Idee med was me chönt Fleischplattene am Apero ersetze?
s lange Parisienne Brot gfüllt hani durch chlini Brötlis ersetzt aber Plattene???
|
Canoa am 18.02.2013
Re: Bräute 2013
Eusi Chele wäri am 1s planet, damet mer äbe chönd denn vom 16.15 bis 17.30 wäg vom Apéro go Fötele...es werd en Stress gäh do mer ned vorhär wend go fötele...euses Tätschmeisterpäärli meint, sie tüend luege dasses de Gäst ned längwilig werd. Jetzt beni ergendwie hin und här gresse...hasses...
|
|
Lus nicht registriert am 18.02.2013
Re: Bräute 2013
hmmm zB chönnt mer wie fleischspiessli mache... wie ufschnitt röuele und uf spiessli due.. kei ahnig öbs geit aber das ischmer grad i sinn cho ;-)
|
schmetterling84  am 18.02.2013
Re: Bräute 2013
Apero: also mir hei öbbe 3 - 3.5 Stund i grechnet.. D Trauuig foht am halbi 3 a und goht enkt öbbe 3/4 h denn wette mir dass alli Gäst am halbi siebeni im Saal si, will friehner machts kei sinn, die hei doch denn no kei hunger nach dem Apero.
@Valey
Also bi eus gits:
Gfüllt silserli in Herzform
Partybrot
Chäschiechli, Schinkegipfeli
Lachsbrötli
Canapées
Es chäsplättli het ig no gern
den so gfüllti schwänli us sprützteig
Fruchtspiessli
udn het no gern Gmiess dips.
Ah speckgugelhupf..
Ig würd eher so öbis mache statt fleischplatte will im sumnmer lauft s Fleisch soo schnell a!
Was au no guet und toll isch si fleischbälleli, gfüllti Tortillas...
|
elea am 18.02.2013
Re: Bräute 2013
@apero-dauer, euse werde 2h go. mer send aber au nome 20lüt ond die hend eus schnell emol gratuliert :)
@budget, bes jett semmer 200.- dröber, aber das holi neumet anderst weder ine be do selber sehr streng met mer ond wett mi ned lo he risse meh geld als planet uszgeh!
@valey, günstig send natürli au emmer knabbersache, olive, chips, nössli, grissini!
oder so chlini sandwitchli! mer werdet so spiessli-brett ha (mert verschednige chline spissli of em ne brett)! i hoffe das langet, hend jez nemli nüt anders.. jäjo s mues ;)
|
valey am 18.02.2013
Re: Bräute 2013
Lus, das med de Fleischspiessli wär au no was..
Aso Fleischkügeli hani au denkt gha...
Schmetterling dis tönt mega fein...
bi eus heder eus abgrote Canapes mache wels de mega tüür chunt
wievel zahled ehr?
d Schwänli send ja voll coool :) weis ned ob euse das macht :/
Elea wa hender so für spiessliis?? i fend spiessli no praktisch a so aperos...
bis jetzt hani mer mal fruchtspiessli und tomate mozzarella ufgschribe..
|
|
Lus nicht registriert am 18.02.2013
Re: Bräute 2013
Mir hei am Apero:
Nüssli, Chips (husgmacht)
Fleisch- und Chäsplatte mit husgmachtem Brot u Züpfe
Gmüessticks mit verschidene Dips
Diversi Canapes (Lachs, Vegi-Variante, Ei)
Bier
Mineral
O'Saft
Schwizer Wisswi
mir zahle pro Person gueti 40.--!! Tür ja, aber d Ussicht dete und ds Ambiente (Lounge mit Rattanmöbu) etc. isch eifach atemberoubend!!!
|
|
|
1 .. 625 .. 1247 1248 1249 1250 1251 .. 2504 .. 3757
|
Anmelden
