Luxemburgerli si e schöni Idee :)

Mir hei jetzt für e Polterobe T-Shirts bestellt. Ha's jetzt vorus zahlt, abr villicht lass ichs au eifach so si und schenk de Mädels die T-Shirts. Mol luege :)

Bi grad mit em bastle fertig worde *juhuuuu*

Wie vil Autoschleife rächnet dir? Eini pro Auto vo de geladene Gäscht? Ha recht grossi gmacht...
Und e riiiiesigi Cardbox :D

Was würdet dir mache, wenn dir mit eure Coiffeuse nit eso guet Schlag chämet? Ich fühl mi bi ihre nit eso guet ufgehobe, wil sie jetzt scho 2x irgend e seich vrzählt het wo nit stimmt. Gescht het sie mir z. B. bim Probefrisur/-schminke vrzählt ich müessi d Schminki sälbsch bringe, wil sie das us hygienische Gründ nit würde mache. Jetzt het mi GG ihre Chef kontaktiert (er isch mit ihm ufgewachse und us dem Grund hei mirs bi ihm buecht) und er het gseit, dass i dem Paket alles inklu isch. Probefrisur, Probeschminke, Allefalls schniide und färbe, wenns es bruucht und ebe am Tag sälbsch Frisur und Schminke. Er het gseit er würd das mit ihre kläre, villicht hets do es Missvrständis geh... Abr ich fühl mich nüm wohl drbi... Si am Samschtig schonemol gsi, do het sie abr nüt chönne mache, wil sämtliches Züg nit umme gsi isch. Drum bini gescht nomol gsi und denn het sie ebe das mit em Make-up use glo und usserdem sett ich so e Volumendings für zum d Hoor höche neh au sälbsch mitbringe...
Ha eifach jetzt chli Angscht, dass das an dr Hochzyt denn nit guet use chunnt, wenn sie muff isch und denn alles lieblos ane dätscht... :(

Mensch, erscht d Location, jetzt Problem mit em Coiffeur, denn die falschi M&Ms Bestellig... Was chunnt jetz no? Villicht s Chleid wo vrnäht worde isch? Odr dr Organist wo abspringt? Odr dr Pfarrer wo krank wird? *hmpf*

• Zitieren

LadyWolverine, nei nei es send jetzt drü sache gseh, mer seid jo es drettelet! Also muesch kei Bedänke meh ha, muesch positiv dänke...

Auso i dinere Siutaiton wördi warschindlech mou bimene andere Coiffure ine luege, ech meine, esch werklech chli en komeschi...ond äbe ech fende wenn di ned wohlfühlsch esch es neds rechtige.

Also s Tshirt de Mädles schänke fendi au e super Idee...ech meine es längt jo eigentlech au, chasch jo nocher emmer no jedem es schöns Föteli irahme vom Obig sälber...

• Zitieren

LadyWolverine hesch Föteli gmacht vo dine Sache wot Bastlet hesch?!?

Mer hend grad chli Problem met eusere Drockerei, sie brenged nöme die Farb äne wo mer bem GuetzumDrock gha hend, do sie en neue Drocker heiged...hmmmmm närv mi au grad extrem...ond wenn sis jetzt neu müessted istelle chostis haut extra....

• Zitieren

Merci Ladies :)

Jo ich hoff das isch jetzt alles gsi.
Ich glaub ich lueg eifach mol wie's bi 'minere' Coiffeuse usgseht, ob sie no Zyt het a dem Tag. Si jo numä zum andere gange, wils e "Starcoiffeur" isch und min GG ihn ebe guet kennt no vo frühner.

Föteli hani, abr ufem Natel. Ich lueg mol ob ich sie cha übere spitze.

• Zitieren