Wow elea, wunderschöni Kleider :)
Canoa juppiii coool dases so schnell gange isch, zeige?? :)

Mir hend am Weekend uu viel chöne erledige, bin richtig glücklich :)

Han mis zivile Kleid mal bstellt, hoffe es passt, isch nämli es richtigs Schnäppli gsi :) dur das dass mir nur im sehr chline Kreis zivil hüratet und de Apéro bi eus dihei machet und denn ines normals Resti gönd go esse, hani es 'normals' Kleid usgwählt woni wieder wird chöne träge und min Schatz chan ä schöni roti Kravatte kombiniere :) (Bild im Ahang)

Am SA hemmer de Ehevorbereitgskurs ide Kile gah und es isch en lässige Tag gsi, euse Pfarrer isch recht en guete, sehr modern und mir dörfet sogar Lieder ab de CD spiele lah, chönd eus jetzt de Lieder widme :)

Geschter hemmer s Treff mitem DJ gah und er schiint au sehr kompetent zsi und het eus en super Priis gmacht.

Was leider IMMERNO offe isch sind die blöde Kärtli, han am FR wieder aglüte und langsam nervts mich echt, han immerno kein Vorschlag übercho.....

• Zitieren

Was?? Emmaa?? hesch emmerno kei vorschläg fürd karte becho?? asoo i würd au nomol alüte und so säge wie Canoa seit :))

schloft die???

• Zitieren

Emma ech liebe Esprit, mi Schrank esch volle vo Esprit Chleider! =)=)=) Muess nocher au chorz go gögsle...

mini Kollegin ehed be Jenjenhouse bstöut ond ech zfrede gseh!
Muess no luege...öbis de werklech mache...

hmm Emma ech gloube wenn werklech wotsch öbis erreiche muesch jetzt do döre ond dere Schnäpfe nomou alüte, schöscht machsch witerhen nome t Fust im Sack...ech weiss es esch jo so eifach gseid...be au e Angsthas det döre!

• Zitieren

Ja, gang doch mal go luege, het es paar hübschi Kleider drunder :)

Ich weiss, ich weiss... bin halt würkli selber müehsam was das agaht, wett idem Sinn aber nöd nerve, ich weiss isch natürli absolut idiotisch vo mir, aber am FR het sie mir gseit es seged so viel chrank und denn no Lüüt ide Ferie, sie seg voll im Seich... ich glaub ich schrieb es Mail und sege dasi suscht mitere andere Druckerei wiiterluege.

• Zitieren