nicht registriert

@Falsche Kleiderauswahl
Ha die letschte Iträg nume grob überfloge (mues usnahmswis würklech mau vieu schaffe ) aber so wini lise, hei es pari wider z gfüeu, ds falsche chleis usgläse gha...
I schliesse mi ah, ha grad letscht Wucheändi wider z hülende elend gha. Die vile schöne Chleider womer hie im Forum gseht, die 1000 Chleider ide Heftli...... u när luegeni mi im Chleid a ufem Föteli u dänke "ih wie längwilig.....", d Schleppe ischmer plötzlech z kurz (debi isch ja auzu lang ou nid so praktisch), ds Chleid ischmer z schlicht u i gseh x Chleider womer besser würde gfaue....
u glich weisi, dass weni im chleid inne bi, dases MIS chleid isch und dass so eis vieu besser zu mir passt aus es chleid wo ganz vieu glitzter und steinli drufe het....
schlussändlech wärde mir aui toll usgseh, egau was fürnes Chleid mer ahei

• Zitieren

@nemo: nei, mir werdet ebe en prof. videograf ha, dä wird eus dä ganz tag
dur begleite ... aber dä fotograf hämer nur i dä chilä und am apero, drum wird
t silä wäretem esse no es paar fötelis schüsse, findi super!!!
wegem liecht, sie hät glaubs so maschinene, mir werdet ebe s esse ime andere
ruum ha, als wo dänn t party stiege wird und det stellt sie dänn die liechter
maschine uf, hät sogar e nebelmaschine das isch super und bim esse
chamer vom reschti us liecht dämme ... aber sie wird eu hüt abig sicher alles gnau
erchläre, ich han dänn z.b. no paar sache mitem reschti müesse abkläre für sie,
jetzt isch aber alles tip top! verzellsch mer dänn wie ihrs gfunde händ

• Zitieren

Aso bi mir eschs chli verschiedenigs. 1. esch mir de Tag vom Chleiderprobiere mega unrealistisch inecho. Ha eis Chleid nachem andere agleid und irgendwie gar ned richtig checkt dass ich die Chleider jo aha, s esch mir eifach so schräg inecho mich imene Brutchleid z gseh, weiss ned wie ich das söll erkläre.

2. ha ich mir ebe vorhär scho rächt viel Gedanke gmacht, was für ne Chleiderstil ich gärn hätti, will ich dänkt ha, denn fallts mir velecht ringer zum denn ussueche. Ich ha mi bim Brutchleider dureluege denn total i Pronovias Chleider verliebt. Au jetzt no, weni so eis imene Katalog gseh find ich die eifach sooo wunderschön . Aber ich ha es paar settigi agleid und sie händ a mir eifach ned guet usgseh. Äntwäder hani usgseh wie es richtigs Bräveli oder als hätt ich e Vorhang ah.

3. hani müesse feststelle, dass ich eigentli alli Chleider, wo obedure bim Oberteil Spitze händ oder sust irgendwie bestickt / verziert sind ned cha alegge, will ich mega empfindlichi Huut a de Ärm ha. Ha es Spitzechleid agha und eis mit somene Art Band bi de Brust dure mit Perleli, und bi beidne hani nach 2 Minute knallroti Oberärm gha det wo sie am Chleid acho sind bim laufe und s het mir mega wehgmacht. Denn hani mir eifach müesse säge aso eso halt ichs ned x Stund us imene Chleid, do muesi eifach eis ha wo nur glatte Stoff het uf de Siite sust trei ich dure.

Jo das sind so mini Hauptzwifel am Ganze, die inneri Vorstellig wo sich ned mit de Realität deckt quasi.

Zuletzt bearbeitet am 26.02.13 10:04

• Zitieren

Das esch be mer au so gseh, ech ha x Chleider agluegt im Internet ha e genaui Vorstellig gha wasi wot ond was ned, ond jetzt gseht mis Chleid anderst us aus ech mer das vorgstöut ha. Es goht mer aber wie i de Lus, wennis Chleid aha send zwifu wäg...

Elea wie wärs wenn zonere Schinderi wörsch goh ond froge öb mer das obedöre chönt apasse so wies du gärn hätsch?!?

• Zitieren

nicht registriert

@eve777
Ja, denn woni bi ga chleider probiere ischsmer öppe ähnlech gange wie dir. isch haut sehr speziell, mau es brutchleid annezha.....
I ha im internet es wuuuunderschöns Chleid gseh u gwüsst: genau so eis wotti!!! Bi de ime gschäft ga probiere und wasi nid gwüsst ha - genau das Kleid usem Internet hets dete gha... ! I has agleit ohni das z wüsse u ha dänkt: läääk mir, das geit ja gar nid!!! U erscht när hanis gmerkt dases ja das isch!!!
I däm gschäft woni mis itzige chleid här ha si am schluss 2 zur uswahl gstande... u mängisch dänki, öb ds andere vilicht nid doch besser gsi wär? aber weni die beide ufem foti vergliche isches klar, dases mis itzige isch!
nei i mues ufhöre mir z viue gedanke mache. i meine, am hz ischmer no gschminkt, het e schöni frisur und strahlet eh über beidi ohre.... das cha doch nume guet usgseh

@elea
i dörft nid öppe es föteli vo dim chleid gseh? I ha scho soo viue über dis chleid gläse dases mi doch langsam aber sicher wunder nimmt
es isch sicher es wunderschöns.... u glich chani dini zwifle verstah........
vilicht loufsch ja no anes chleid äne und hesch grad dä wow effekt und wenn nid, gloubmers a dim Tag würdisch du di sogar no ire Jeans als Brut füehle

• Zitieren

klar lus schecke der gern en PN! :)

jo i denke au dass mer am hochzits tag egal werd si wasi för es chleid aha... aber die paar mönet vor de hochzit wetti of en art au ned zwiifle. nei i gange jez wörkli mol no go luege ond i glaube wörkli wenni eis gseh wo besser esch de merkis ond falls i kes fende chani mi i minere wahl bestätigt füehle!
aber wie am morge beni weder mega beruhigt dass es euch au so goht! wenni do em forum ned wörd lese was er schribt, de chiem i mer jo auä wie di gröscht psycho-brut vor vo allne zit! aber so weissi dass es (halbwegs) normal esch

• Zitieren