| Bräute 2013 |
|
|
1 .. 670 .. 1337 1338 1339 1340 1341 .. 2549 .. 3757
|
Emma13  am 28.02.2013
Re: Bräute 2013
Nemo das isch mega cool mite Djane, tönt als öb sie würkli ä cooli wär, brucht halt scho öper vo Stimmig macht :) und viel Spass bim Schminke hüt :)) verzellsch denn
Ich han grad d Info übercho das mis Päckli glieferet worde isch, das heisst mis Standesamtkleid isch achoooo.. freumi scho weni das denn chan aprobiere, hoffentli stahtsmär :)
Han au grad mite 'Bäckerin' telefoniert wo eusi Torte am zivile macht, sie isch ganz ä lässigi, scho letschtmal womer eus troffe hend, het sie mir ä GANZI Torte mitheigeh zum probiere, sie isch echt u fein gsi und jetz hemmer de Termin abgmacht zum d Details bespreche vode echte Torte am zivile, e richtig feini italienischi Torte :)
Zuletzt bearbeitet am 28.02.13 15:16
|
|
|
Canoa am 28.02.2013
Re: Bräute 2013
Ech gloube mer hend kei Torte am zivile, mer gönd is Resti det werds denn eifach es Dessert gäh oder...Mer hend abers Resti no ned reserviert, müend zerst mou no verbi...aber för 12 Lüt werd das jo ned sones Problem si...
Ohhh Emma wo heschs CHleid bstöut? Ech ha jetzt mis Troumchleid uf Jenjenhouse gseh, muess denn mou no grössi luege bzw. usmässe deheime ond denn bstellis uf guet Glöck...ha jetzt so mänge Lade abklapperet...wet jetzt denn eifach mis chleid ha¨=O
Ech merke grad das mer öbe die einzige send wo kei DJ hend...aber mi GG und ech hend gseid mer wetted vöu Speli darum verzechte mer druf!= )
|
Emma13 am 28.02.2013
Re: Bräute 2013
Canoa, ich han das Kleid vo Esprit bstellt, weisch no das rote? :) Han ebe unbedingt eis wele woni suscht wieder wird chöne träge (also fallet wiissi bi mir scho weg) und dur das dass mir nur öpis im chlinste Kreis machet, hani ehner es normals Kleid usgwählt und rot findi eifach super :)
Mir hend euse DJ am Sunntig troffe, am afang hemmer denkt mir machets mitere Playlist aber irgendwie findis scho wichtig dass öper det isch wo Stimmig macht, find das Geld isch guet igsetzt, aber ebe, mir wend z.B. kei Spieli darum muess mär ja fast tanze :) denke das chönd ihr so guet usgliche.. Hauptsach es lauft öpis und d Gäst schlafet eus nöd i 
|
Lilly4  am 28.02.2013
Re: Bräute 2013
Nemo, hani dämfall nöd z viel versproche??!!  
|
|
Lus nicht registriert am 28.02.2013
Re: Bräute 2013
@Canoa
Heit dir schüsch de no musig oder löhters grad ganz la si?  I bi ja immer no am überlege was mir söue...
|
himbeer am 28.02.2013
Re: Bräute 2013
hehe nemo gell d silä isch super, ich freu mi au mega das mer sie händ :-)
mir händ sogar euses hochzitsdatum so gleit das mer sie chönd bueche.
mis standesamtchleid sött eigentlich au hüt cho aber ich ha so angst ich glaub ich has z chli bstellt... es us UK also hoffi ich chas zruggschicke. oder ich bruchs als motivation ;-)
|
Canoa am 28.02.2013
Re: Bräute 2013
oh ja Emma stemmt, s Esprit Chleid, schlemm langsam met mer!
Han au no eis ufem Wäg vo Esprit aber wet scho lieber es längs...
http://www.espritshop.ch/damenmode/kleid...leid-P2S127_651
Auso mer hend eifach dänkt dass mer im Hendergrund werded chli Musig abloh...so mitere Playlist...
Ond do mer jo au werded tanze (gönd jo no i Tanzkors) ond au no zu Gangnam Style chond das secher guet ond ech dänke au dasses längt...mi GG hed mou no so Jazz Musiker welle, aber naja, das esch ned eus...
Himbeer ech ha vori gseh, dass jo du am Fritig zivil ond am Samstig kirchlech tuesch hürote ond du wetisch roti Negali am Zivile...evt wördis loh si, well s Rote mängisch ned emmer ganz wäg brengsch, ossert hesch sone Lack wo super wäg brengsch...vellech probiersch es eifach mou us...eifach so aus Tipp
|
Nemo  am 28.02.2013
Re: Bräute 2013
Lilly4:
Nemo, hani dämfall nöd z viel versproche??!!
nei lilly, definitiv nöd!! isch voll cool gsie!
|
Emma13 am 28.02.2013
Re: Bräute 2013
Canoa, gäll amigs isches schwierig die verschiedene Theme de richtige Person zueordne ihih gaht mär au so :)))
En allgemeini Frag... wie viel Persone hend ihr iglade / ladet ihr i und mit wie viel Persone rechnet ihr schlussendli?
Isch irgendwie scho no schwierig, mir hend jetz immer mit ca. 80 Lüüt bim Esse grechnet, jetz woni aber d Gästeliste weg de Kärtli duregange bin, hani gmerkt dases Total 178 Lüüt sind!!! Muess halt au säge dass en grosse Teil im Usland wohnt und wahrschinli nöd wird cho, aber trotzdem... findi uu schwierig so abschätze...
|
Nemo am 28.02.2013
Re: Bräute 2013
mir händ am apöro 120 und am fäst 68. ich denke die wo fürs ganze iglade sind, die chömed ziemli sicher. die für apero rechni mit 10% weniger. mer seit so binere planig vomene fäst, dass 10% nöd chunt.
|
|
|
1 .. 670 .. 1337 1338 1339 1340 1341 .. 2549 .. 3757
|
Anmelden
