nemo cool hesch so tolli reaktione becho! freut mi grad för de! :)

wow angita, weni so züg ghüro hani scho angst vor em treffe met de floristin!
denke aber generell au ned dass es vor de chele no öpis brucht. vorallem wenn du seisch es het sosch scho grüenzüg dete... nd i meine wetsch jo au ned nomol 500.- zahle för blueme wod auä 2sek gseh bim dorelaufe...

• Zitieren

muss no chorz rasch öpis in eigeter sach los werde. da wochenend hocke mer zom erste mol met eusne TZ ond de eltere zeme ond besprechet bez HZ züt.... för eus esch klar gsi dassd TZ ohni partner chöme, eifach nor wels eifacher esch je weniger lüt am tesch hocke...
de vater vo mim frönd het de abgseit weller mega stressigi woche het gha. chani verstohn ond fendi au föllig oke. jetzt eschs eso, met de fröndin vom TZ hemmer es normal guets verhältniss. si esch sehr nett aber au sehr ruhig. metem frönd vo minere TZ hemmer aber es bombe verhältniss. mer mache vell z2te ond er esch en mega ufgstellte! gester beni bi minere TZ gsi ond de het si gfrogt ob si ere frönd au cha metneh. de hani spontan gseit, jo. ha denkt er cha secher au paar cooli idee ibrenge ond er esch sowiso för jedi rondi en gwönn! :D
woni hai cho be hani das mim frönd verzellt ond er grad so, ou de mömer aber d fröndin vo sim TZ au ilade. ond i grad so, wiso? si wörd sowiso nor omehocke ond nix biträge. ond jez macht sech mi frönd mega en chopf obs sim TZ echt ned i falsch hals chont dass sini fröndin ned debi esch.... i fendes gaaar ned schlemm.... meine es esch jo ned so dass mer si bewosst usschlüsse, i ha au eifach zo minere TZ ned wele NEI sege! wenn sin TZ jez wörd froge ober d fröndin au döf metneh, jo klar chaner au.... äähh im prinzip eschs kes problem, aber i hami eifach ufgregt wells sone doofi situation esch (aso i has eigenlti zersch gar ned doof gfonde). ond mer mönd eifach weder luege dass mer joooooooo vo niemertem d gfüehl verletzte. has gfüehl i laufe of eierschale..... ond ebe nerve duds mi nor well mer soo mönd röcksecht ne of d gfüehl vo jedem einzelne aber di andere de weder chöme ond eusi HZ kritisiere!!! wösset er wini meine?

jo ebe eigentli eschs ned shclemm, aber has grad ergendwie müsse loswerde....
so jez gohts mer guet...

• Zitieren

ich verstah di elea, gaht mer teilwis au so. mini tz hät kein früned aber dä trauzüg scho und mir händs au uu guät mit ihrä aber grad will mini trauzügin kein fründ hät findis lustiger z vierte als z 5. d fründin vom trauzüg isch au rächt jung und dänkt halt au no anderst über hochziitä und so.

zum bispil au bim probeässe, häter gfröget öb sie au söll mitcho und ich het söllä nei sägä ich weiss aber han grad so än momänt gha woni nöd han chönä. jetzt reg mi uf will ich het s ässe dä trauzüge gern zahlt aber chan dene das ja nöd zahle und ihre nöd? das nervt mi ab mir sälber.
han absolut keis problem mit ihrä im gägäteil, sie isch uu ä lustigi aber dänke eifach wiä du elea dases halt immer besser isch weniger lüt am tisch z ha.

• Zitieren

nicht registriert

@elea
hihi gäu, meischtens wärde us de sache wo ke problem si de die grosse gstüürm
Mach dr keni sorge, mi dünkts ou nid schlimm we dr eint Partner darf cho u dr ander nid offiziell iglade isch...
wünsche dir scho itze es tolls gspräch mit e huuuufe guete ideee

@blueme
I hami letscht Samsti provisorisch bim Florist agmäudet bzw. si het gseit, i chön ruhig eifach mau dür d wuche amne nami verbicho, de chönsisech sehr viue zyt näh. und i söu wenn möglech es föteli vo mim und am chleid vor tz mitbringe, de chönnsi besser berate. i bruche "nume" e Brutstruss, e struss für d trouzügin, es strüssli für d tochter vom TZ, es gsteck für uf eis outo, d asteckerli füre gg und e tz und je nach däm lani für die gladnige gescht no namenschärtli la mache... mau luege.... aber i ha ou chli angst devo, dass mi d chöschte grad umhoue

@dj
am mittwuch hani am abe mi ernährigskurs gha und bi mit eire chli ines gspräch cho. de simer ufs thema hürate cho (was schüsch ) u i hare vom dj verzeut wonis no fäut.... de seit si: ja si heig e kolleg wo dj sigi und grad im nachberdorf wohni. er legi vieu z bärn etc. uf und sig no bekannt, aber glich gloub bezahlbar. e homepage hani aber no nid gfunde... mau luege. si het mer emu sis natelnr. gäh, mues de äue alüte (obwou i das hasse.... ).

@mona83
wünsche dir füre morgig tag vieu vieu vieu spass

@me
D amäudige chöme schleppend ine, aber i freue mi über jede wosech amäudet aber es wird äue druf use loufe, dasi ändi monet wenn d amäudefrischt düre isch, de lüt no mues nachetelefoniere.....
am Mittwuche isches no zume eklat cho. d schwigermueter het vore wuche d diagnose brustchräbs becho, mir si aui rächt erchlüpft. si isch de grad ines loch gheit (verstahni ja scho) und isch de grad verruckt worde, wüu mir nid grad gsprunge si und ihre nid au stund hei aglütte u gfragt hei wies geit. uf au fäu hetsi aglütte und bevor mi gg überhoupt het chönne hallo säge hetsine ufs gröbschte zämegschisse, was är fürne himuelende sohn sigi, er interessier sech nüt bla bla bla, ihri amäudig fürs hz chönn mer striche, si wöu nümme mit ihm z tüe ha.. und het im z tel. ufghänkt. mi gg isch rächt perpelx gsi, obwous nid zerschte mau gsi isch dass si sone "afau" gha het. är het ihre de am nächste tag aglütte und si hei lang zäme telefoniert und si hetsech entschudliget. phuu bini froh isch das so schnäu wider us dr wäut gsi! si duuret mi sehr und i drückere d düüme,das chunnt scho wider guet
schüsch louft bi üs grad würklech nüt.

• Zitieren

Guete Morge zäme

Also t Blume send haut tüür, das esch so mer hend en privati Florestin wos zumene super Pris macht, 1300 Franke ond das esch alles debi:

Blumenstrauss Braut zivile Trauung
Blumensträusse Braut/TZ kirchliche Trauung
Wurfstrauss
Ansteckblumen zivile Trauung (1 Stück)
Ansteckblumen kirchliche Trauung (3 Stück)
Auto
Kirchenbänke
Blumen im Restaurant
evt. Rosenbogen vor der Kirchentür

Mona, beträffend Iladig vom Partner be de Besprächig, also ech persönlech wörds empfinde wenn ech ned iglade wäri, ech be det döre extrem empfindlech...aber vellecht be ech au sehr extrem det döre. Vellecht chasch ehre säge sie döfi cho, aber es werdi nome öbers HZ gredt ond ehr wöiged sie ned längwile demet!

Lus, oje das tued mer leid, mängisch tüend gwössni Lüt ganz komisch uf so Diagnose reagiere, ha das do im Büro au meterläbt. Es chond bestemmt guet, es brucht haut eifach Ziit ond vöu Gedoud, aber es chond guet.

Me: Ech wet morn gärn äntlech eusi Reng go bstelle!!! =) Hoffe mi GG hed gueti Luune! =)

• Zitieren

wow lus, das ist hart. dass einem so eine diagnose den boden unter den füssen wegzieht kann ich verstehen. die reaktion deiner schwiegermutter ist aber total krass, zum glück hat sich das bereits geklärt!

mona: das mit dem essen ist ja doof. alles bezahlen ist blöd - irgendwie hat die spendierfreudigkeit (und der geldfluss) einfach ein ende... und nur ihres nicht bezahlen wäre wohl auch krass... hihi, wir haben uns auch gefragt mit oder ohne tz, und dann mit oder ohne deren partner und jetzt gehen wir allein die wissen zwar was es zu essen gibt (und es ist ihnen das wasser im mund zusammengelaufen) aber so ein bitzli überraschungseffekt darf ja auch für die beiden noch bleiben! dazu war es auch einfacher, ein passendes datum zu finden

elea: ich versteh dich auch. manchmal denk ich auch, dann entscheidet man was, so eifach aus dem herzen und dann gibts ein gstürm draus dass einem graust, und man fragt sich was eigentlich das problem ist. und dann muss man hätschlen und samthändschli anziehen damit man auch keinem auf die füsse tritt aber wieso muss man immer zuerst gucken dass es für die anderen stimmt bevor mans so macht wie man es möchte? ich hab mir auch schon die blödesten gedanken gemacht: dass unsere gäste die hochzeit langweilig finden könnten weil wir kein dj haben (weil wir es nicht wollen da wir eh nicht tanzen - und viele unserer gäste auch nicht...), dass ihnen das "hin- und her" zuviel ist, dass es ihnen stinken könnte deshalb frei zu nehmen... aber wir finden es gut so, das ist unser plan, und wenns jemandem nicht passt: die veranstaltung ist freiwillig und es kanns ja jeder selber anders machen... ich bin mega glücklich habe ich bei der wahl meiner tz auf mein gefühl gehört und nicht darauf, was wohl von mir erwartet würde. ich hab aber trotzdem ein bisschen schiss, meiner kollegin, die wohl fest damit gerechnet hat dass sie mal meine tz werden wird, zu sagen, wer es ist und am schluss gehts wieder um das gleiche: man will es allen recht machen! ich rufe dazu auf, in hochzeitsdingen etwas egoistischer zu werden irgendeiner ist ja mit sicherheit getüpft wegen irgendwas, egal was wir tun!

• Zitieren