| Bräute 2013 |
|
|
1 .. 895 .. 1787 1788 1789 1790 1791 .. 2774 .. 3757
|
Steffi13  am 23.04.2013
Re: Bräute 2013
Hallo zämä
So due gloub eifach mau da ine schribe dasi o chli dri chume
Gruess Steffi
|
|
|
elea  am 24.04.2013
Re: Bräute 2013
bow i ha mini schueh zwar nonid aber i sueche au ned starr nach wiise schueh. ha jo au es farbigs band ade taille ond het eigentli no gern schueh ide pasende farb. aber mache mer do kei hoffnige welss halt schwerig esch, öpis im genau gliche ton zfende....
i fende wend keis schwarzes band omds taille hesch, schwari schueh fascht echli zhert, wenn de rest alles wiis esch. farbigi schueh (wimes jo of of so blogs oder so gseh) fendi mega cool. wenni das band ned het, heti blaui agleuit 
denke es chont au chli druf a wid schueh usgsend. wend schueh fiin send gohts seche au schwarz. wenns jedoch eher ebez chlobigi schueh send hani s gfüehl es chönt "zhert" usgseh...
hallo steffi! du besch neu bide 2013ner brütlis gell?
|
|
Lus nicht registriert am 24.04.2013
Re: Bräute 2013
Gute Morge 
Uh i bi grad chli verruckt. Mir sinis ja immer no nid ganz sicher, womer vor dr Trouig mit de Trouzüge wette ga föteli mache. i wett eifach immer no bi üs im Dorf im Schloss.... D Bsitzer (e Firma vo üsem Dorf) wotts aber verkaufe u drum heisimer bir erschte Afrag abgseit. Has de aber nid uf mir la hocke und vor ca. 2-3 Wuche nomau gfragt, öbs news gäbi  Ha de lang nüt ghört und scho dänkt, s schisst die doch de öppe ah, wenn sone närvegi Brut immer wider chunnt cho stürme
geschter abe hani ändlech es mail becho. Die düe de kompliziert! Si würdes erloube, aber NUME ds Brutpaar und dr Fotograf. I muesne ou schriftlech bestätige, dass NUME mir drü ds Gländ würde beträte.......
Izte weisi nid, öbs fräch isch weni nomau nachehagge, öb de d Trouzüge ou dörfte cho...
Schüsch machts nid so sinn   
I weiss ou nid vor was dass si angscht hei... .mir wärde weder Spraydose mitnäh fürs schloss z verschönere no wärdemer blueme usrisse no schüsch öppis! Dass si nid grad e ganzi Gsellschaft wei dete chani verstah (u i ha mau ds Apero dete wöue mache....  ) aber wäge 5 Persone? Hmm.... söui nomau nachefrage? was meinet dir?
|
elea am 24.04.2013
Re: Bräute 2013
hmm lus dasch sone doofi situation. einersit erstohni wennd TZ wetsch debi ha, anderersits wössti ned obi mi wörd getroue zfroge. i het bez angst dass si de sege "guet wenns euch ned passt de gehts gar nix". aber wenns der wörkli mega mega mega wechtig esch das dTZ debi send de wördi nomol froge. und je nach dem wie gross die firma esch, wördi dene mol gipfeli oder es paar schöggeli verbi brenge, de send si der gegenöber scho ganz anderst igstellt denke (emo i loh mi gern met esse lo guet stemme )
|
Steffi13 am 24.04.2013
Re: Bräute 2013
Hallo elea
Ja genau bi neu da..😊
|
elea am 24.04.2013
Re: Bräute 2013
cool! schön chöme emmer no neui brüt zo eus!!!
wenn hürote der ond wie werd euchi hochzit öpe usgeh?
|
|
Lus nicht registriert am 24.04.2013
Re: Bräute 2013
@elea
hihi ja dä mit de gipfeli wär nid schlächt
hmmmmmm i gloube, i frage glich mau... er het ja hinde am mail gschribe: für weitere Fragen stehe ich Ihnen gerne zur Verfügung"  si chöi ja nid meh weder nei säge u glich....
@steffi13 (schöne name )
Willkomme
wenn hesch du de vor z hürate? und wohär chunnsch du? *gwunder*
|
elea am 24.04.2013
Re: Bräute 2013
jo ebe au wenn si de chli brommle, verlühre chasch eigentli nix! wi du seisch, meh als nei sege chöne si jo ned. ond de hesches emmerhen probiert!!!
|
Steffi13 am 24.04.2013
Re: Bräute 2013
Hoi Lus merci:-)
Chume vo bärn und mir hei zivilisch am 27.09.2013 und chirchlech am 05.07.2014
U de du?:-)
|
valey am 24.04.2013
Re: Bräute 2013
Morge zeme :))
d sunne schiint :))
Steffi13 wilkomme bi eus... verzell chli vo dinere plän :))
Lus i würd mal nochefroge :) und ja die idee vo de elea mit de gipfeli findi au guet :)))
Elea.. wenn tüender iladige abschicke? oder henders scho?? :) *aufgeregtfürdichbin* hihi
Me
gester hani bastleeeeeeet :)) ha d Kärtlis fürd Wedding Cams fertig gmacht und bi allne mit emene wisse Band en Stift agmacht wos d Ufgabe chönd akrüzle :)
chume richtig vorwärts..
|
|
|
1 .. 895 .. 1787 1788 1789 1790 1791 .. 2774 .. 3757
|
Anmelden
