| Bräute 2013 |
|
|
1 .. 94 .. 186 187 188 189 190 .. 1974 .. 3757
|
MaLu  am 12.04.2012
Re: Bräute 2013
@ bergeri.. hui ja.. mir chönnte ja scho eini bsteue, so als test.. (e mini-turte  )
nei, i bi no nie ir türkei gsi, bi de gspannt.. mir göh normalerwis im summer id ferie, aber da mi schatz denn nid cha, heimer dieses jahr umplanet.
@ suee.. mir göh o id nöchi vo side. wie heisst eues hotel, wenni darf frage? mir göh is aspendos beach, ke ahnig, was üs dert erwartet.. aber so nach de gäste-beurteilige chas nid allzu übel si i hoffes ämu
|
|
|
|
Suee nicht registriert am 12.04.2012
Re: Bräute 2013
@MaLu
üses heisst gloubs Diamond Beach.....oder so....;O) bi de gspannt wasd meinsch - ou zum wetter;O)
wie tüet dir öich eigentlich organisiere? heiter e ordner mit sache oder ufem PC ou so 100 unter-ordnerli woder sache abspicheret wo öich würdi gfalle?;O)
und no e anderi Frag - findes u schwirig Budget z mache wülme ja Prise nid würkli weiss im Vorrus?!
|
An1982  am 12.04.2012
Re: Bräute 2013
Hallo Zämme,
Mir händ jetzt geschter unser Fotograf troffe und händ en jetzt buecht.........juhuiiiii. Ich find är isch eine vo de beschte woni bis jetzt gseh ha........dr Pris isch au sehr schön  aber uns isches wärt.
@Suee: Ich ha sone art Agända, dörte chläb ich alles mögliche ih woni in Heftli gseh und mach mr notize (voll dr Streber oder), denn hämmer no e kartonmäppli, dörte sind Guetschiin dinne und au dr Vertrag vo dr Location und dörte folge denn no witteri Verträg und so sache woni nit dörf verliere. Uf em PC hani denn au no sone Word Datei gmacht woni Föteli us em Internet, Internetsittene usw due abspeichere...........also wie de gsehsch hani überall chli öppis....... 
*** Standesamt 7. Dezember 2012 ***
*** Hochziitsfescht 25. Mai 2013 ***
|
MaLu am 12.04.2012
Re: Bräute 2013
@ suee, ja, tue de bricht erstatte...
mir hei d sache imene ordner, aber die agenda wo d an1982 schriebt, schwebt mir o vor, mir chunnt no oft öppis i sinn oder i gseh öppis und denn weissi nid recht wo häre dermit..
ufem pc hani aui hz-sitene gspicheret, wo öppis hei wo mi interessiert.. du gsehsch, ähnlech wie d an1982 hani überall chly öppis..
|
Valeria01  am 12.04.2012
Re: Bräute 2013
also ich han en ordner gmacht mit Checklischtenen und denn hani so es chlises Ringbüechli wo ich alles ufschriibe wo mier in Sinn chumt... woni no muss erledige und abkläre... Das hani immer debi...passt guet id Handtäsche und wenn der ööpis in Sinn chumt chasches schnell ineschribe.. 
Ich warte momentan uf de Vertrag vom Hotel... es gfallt mer mega dete und jede morge wenni im Gschäft de PC ufschalte chanis chum erwarte obi es Mail vo ihne han...
lg
|
bergeri  am 12.04.2012
Re: Bräute 2013
@türkei: Meine Eltern waren letztes Jahr in der türkei in einem Touristen Hotel und ihnen hat es suuuuper gefallen, sie waren anständig, das Wetter war super (okay sie waren im August dort). Sie würden sofort wieder hin gehen. Ich und mein GG hatten da leider nicht soo viel Glück. Wir waren mitten in der Stadt und überhaupt nicht in einem Touristen Gebiet....  Wir haben mit dem Schiff im Hafen angelegt und waren mittendrin....
@Suee: Wegem Budget miar hen das eifach gaaaanz grob grechnet, und amix liaber abiz meh gnoh als z'zwenig. Miar hen üs jetz amol für drei möglichi Menü entschida und hen vu däna d'prisa agluagt und zellen no wii drzua und getränk. miar hen jetz grob amol mit 150.- pro Person grechnet (ohni Apero) und hoffen aber, dass das z'viel isch, üsers menü isch höchstens 70.- pro person....und i denka nid dass z'getränk fast glich tür si wird.....
was bi üs eifach uuu tür isch im schloss, isch dr wii, dr rotwi um dia 50.- pro liter und dr wiswii um dia 40.- pro liter.... findi mega tür 
und bim rest hemmer au eifach amol grob gschätzt. miar sin jetz uf 24'000.- fürs ganza fest inkl. krüzfahrt....
****Ziviltrauung 26.7.2013 & Zeremonie in der Woche darauf auf hoher See ****
|
MaLu am 12.04.2012
Re: Bräute 2013
mir heis ähnlech gmacht wie d bergeri.. mir hei eifach gseit mir wette ca 25'000 usgäh und hei das när mau afah usrechne.. mir hei d budgetlistene vo verschiedene hz-sitene chly vergliche. aber du hesch scho recht, es isch no schwer abzschätze.. i ha o ke ahnig wie tür zb so deko und blueme chöme.. hei eifach mau gluegt, was mir drfür wei usgäh und müesse itz luege öbs ufgeit
Zuletzt bearbeitet am 12.04.12 14:46
|
bergeri am 12.04.2012
Re: Bräute 2013
genau so hen miars au gmacht MaLu. i han vu allna hp's d'budgetplän agluagt und nocher alles abiz zemmatreit.
****Ziviltrauung 26.7.2013 & Zeremonie in der Woche darauf auf hoher See ****
|
melanie89 am 12.04.2012
Re: Bräute 2013
@nini: Sicher dörfsch uf mich zruggcho wenn du irgendwelchi Froge hesch.
@bergeri: Danke für d Info. Schrib mi nachhär grad id liste i.
@Suee: Danke. Si isch au super guet. De Grund würd i scho sälber mache, aber überzieh und usgarniere machi nit (nit bi minere Hochzitstorte). Du weisch nämlich ganz genau wo au s chlinschte fehlerli isch und das würd mi den de ganz obe ärgere und wägä däm muess den der chef drah!
|
Lula am 12.04.2012
Re: Bräute 2013
@suee: I ha mir im PC ä Linkliste unter de Favorite, diversi Hochzytsheftli, fah äuä no ne Ordner aa, mit Atrikel us de Heftli, het je nach je äxtra so Planigshilfene zum usetrenne, u närne Hängeregister wo ni so hline Schnigg-Schnagg sammle, etc... Aber mine müessti mr ändlech no so Kistleni mache für dHeftli, gob ihm jtzt öbe no ne haube Monet Zyt, süsch ga ni ga koufe, mi närvt das Heftli Chaos...
Budget isch so ne Sach, findes uu schwierig, wirdes aber mit are Fründin wo letscht Jahrghürote het chli luege, viellech het si ja Tipps...
*no nit verlobt, aber bereits es Jahr...*
|
|
|
1 .. 94 .. 186 187 188 189 190 .. 1974 .. 3757
|
Anmelden
