| Bräute 2013 |
|
|
1 .. 952 .. 1902 1903 1904 1905 1906 .. 2832 .. 3757
|
CoRa  am 06.05.2013
Re: Bräute 2013
jö manokasa, härzigs chleid! hesch eigentli deses öbercho? mir händ jo s'gliche bstellt. bis setti die wuche cho 
@HZ Gäld, mir händ im normalfall am Apéro 50 pro Person ge und am gladne Fäst 100-150 pro Person, je nach däm wo s'fest stattgfunde het. esch das z'weni? händ eifach no amigs öppis chlisses derzue ge.
|
|
|
valey  am 06.05.2013
Re: Bräute 2013
cora find das no guet mit em hz gäld..
mer send jez au anere zivil hz afangs juni iglade nachem standesamt gohts eifach ine waldhütte chli party eifach.. wa schänkt me do??
es isch en kolleg vo mim gg vo früher und er hürotet eifach wel suscht cha ehm sini fründin ned i de ch blibe.. und mer kenned sie eig. ned..
weiss voll ned
|
Emma13 am 06.05.2013
Re: Bräute 2013
Hallo zäme, bin froh bini grad dezue cho eui Gspröch zverfolge vo wäge alli mötzlet, niemert schätzt de Ufwand vomär betriebt etc, das Wuchened het's mär grad eini geh... Kei Ahnig wieso, aber irgendwie säget eus praktisch alli ab, ich bin so frustriert und richtig trurig... mir hend mit ca. 80-90 Lüüt grechnet und jetz simmer knapp 60 (wartet no uf ca. 5 Rückmeldige, aber ja...) weiss gar nöd wasi söll säge, all Gastgschänkli voni am vorbereite bin, all Herzli fürd Tischkärtli... ich han mär so Müeh geh und chan eigentli scho bald mitem bastle ufhöre, s schlimmste isch d Vorstellig vom Resti, es halb leers Resti... wow... wird sicher toll usgseh wenns meh Palme het als Persone... bin echt total am Bode
@Manokasa, s Kleid gfallt mär würkli uu guet :)
|
CoRa am 06.05.2013
Re: Bräute 2013
@valey, mach doch sones es picknick chörbli. vo wo esch d'fröndin, evlt chönntsch es gmischt chörbli mache us sache vo de CH und döte wo se här chunnt?
|
|
Lus nicht registriert am 06.05.2013
Re: Bräute 2013
@emma13
s duet mer wahnsinnig leid dass öich so vieu lüt absäge..... 
I hoffe doch sehr, dass die letschte itze emu no zuesäge!
Freuet nech ab dene wo chöme und ds fescht mit öich wei gniesse, die andere si säuber tschuld wesisech es schöns fescht wei la entgah 
|
CoRa am 06.05.2013
Re: Bräute 2013
guck mol do valey:
http://www.amazon.de/s/ref=nb_sb_noss?__...rnid=1703609031
|
Manokasa am 06.05.2013
Re: Bräute 2013
Cora
Ja i has becho.. S gfallt mer leider gar nöd.. Oder es staht mer eifach nöd :(
Emma
Mir hend au öppe genau so viel absage wie du.. Sind halt uh viel ide Ferie.. Weisch ich finds au jedesmal truurig wener öperd abseit.. Mir gsends den halt jedesmal so, dases wieder eh person weniger womer zahle münd.. Aber ja, eus wärs natürli au lieber gsi sie wäred debi.. drum hemers ja ihglade..
Zuletzt bearbeitet am 06.05.13 13:10
|
valey am 06.05.2013
Re: Bräute 2013
hey emma tuet mer sooo leid
aber chum kopf hoch! die wo würkli med eu wend fiire chömed!! und au wenner 60 statt 80 send... es isch EUCHE Tag :) und du hesch din schatz und er dich und er fiired mit dene wo würkli wend mit eu fiire!! und wenn meh platz im resti hesch chasch meega deko mache :D
freuuu dich glich druuf :))
Cora ohh megaa cooli idee :)) sie isch vo de dom. republik.. müest mal luege wani finde.
und denn so en korb mache statt geld demfal? :))
|
elea am 06.05.2013
Re: Bräute 2013
ou nei emma!!!!!
s baschtle esch secher ned för nüt gsi! wennd jez d gastgschenk so oder so scho ehsch, de chasches jo au dene lüt ge au wen si ned chöme! meine brengt jo au nüt wenns eifach fortrüehrsch! wer jo schad förd arbet!!
ond do gehts secher au e lösig wegem platz! dass d tesch es bez anderst stellsch! ond mueschs probiere positiv gseh! de het me meh platz zom tanze und es muess au niemert sooo lang astoh bim esse OND du hesch wederom för jede gast echli meh zit a dem tag!! chopf hoch emma!!! i verstoh so guet dass entüscht besch!
|
CoRa am 06.05.2013
Re: Bräute 2013
@emma, ou nei, das duetmer schön leid  heiter evtl. en lischte vo lüt woder no chönntet nochelade? (die münds jo ned wüsse? Chönntsch au paar wo nur as Apéro iglade hesch no as fäscht ilade, duesch bez schwindle und seisch heigschne die fausch iladig gschickt  bez fräch ig weiss
|
|
|
1 .. 952 .. 1902 1903 1904 1905 1906 .. 2832 .. 3757
|
Anmelden
