| Bräute 2013 |
|
|
1 .. 954 .. 1906 1907 1908 1909 1910 .. 2834 .. 3757
|
valey  am 06.05.2013
Re: Bräute 2013
ja das med de lieder isch so en sach emma..
ich ha ehm d lieder ufzällt wo sängerin und ich abgmacht hend
be eim so: jaa das isch glaub usemene film mmm... (defür stimts gar ned)
be einte: jaa nei do beni ned eso iverstande...
jez ebe morn mal luege.. tue ehm säge dasi die lieder gern möcht...schlussendli isch d sängerin gnueg tür..
ehr?? hend bis jez kei träffe gha?
|
|
|
anyany  am 06.05.2013
Re: Bräute 2013
Oh, cool. Ech fröi mi ou scho. Mer hei öises erschte Gspröch am 18.5. metem Pfarrer. Werd secher cool. Er esch e tolle Pfarrer.
Ha vorhär grad metem Zivilstandsamt telefoniert. Mer chönnend definitiv am Tag vor de Hochsig am Morge die ziviu Trouig ha. Juhuui! S coole esch, dass de Leiter vom Zivilstandsamt öise Theaterkolleg esch.  Ond mer hend scho im Juni s Vorbereitigsgspröch. Hend ehr das scho gha? Was macht mer det?
|
Emma13 am 06.05.2013
Re: Bräute 2013
@valey: Mhhh tueder demfall chli schwierig? Hoffentli chönder eu einige, ich find d Musik ade Trauuig öpis sehr persönlichs, s ghört irgendwie dezue, umso wichtiger isches dass die usgwählte Lieder eu öpis bedütet...
Mit hend erst es "Kennelern-Gspröch" gah und det het er zimli locker gwürkt, er het au gseit dases ihm eigenlti "egal" seg weli Lieder dasmär wählet, solangs nöd ACDC isch oder so und suscht no Sache z.B. dass mär persönlichi Gedicht dörfet inebringe aber mind. 1 kirchliche Text müend ha usw.
@Anyany, das isch aber lässig, cool :) also s Ehevorbereitsgspröch isch ganz easy, s isch es reins Formular-Unterschriebe :) de zuekünftigi Name wähle, sie erkläret bitz wie d Trauuig denn ablauft, öb ihr wend Ring tusche, d TZ ufliste usw. nüd schlimms :)
|
Mona83 am 06.05.2013
Re: Bräute 2013
Manokasa: yeah cool  eis vo dänä wird sicher passä, chostet ja nöd viel. mir isches viel z lang gangä bis sie da gsi sind, aber bin au äs ungeduldigs, öpä 2 ½ wuchä isches gangä glaub. 
Also bluememeitli isch sie jetzt nöd eigentli isch sie s ring-bring-meitli aber gseht so härzig us wiä äs blumämeitli. Hihi kei ahnig bi üs wird dän halt kei blueme gstreut
Also d ohreringli hani mal kauft (sind nöd tür gsi, sind vom müller) und sie würdet scho zu de chetti passä woni gern het, d chetti hani aber no nöd, falls ich dän eini find und grad passendi ohreringli dän bhalti halt diä woni jetzt scho han für sust.
Spieli: ich liäbä spieli, aber han eifach gseit s söll nöd nur immer um üs gah sondern au d gest chli ibeziä. Da lahni mi gärn überrasche
|
valey am 06.05.2013
Re: Bräute 2013
emma ja bim kennelerngspröch isch au voll easy gsi
denn bim zweite gspröch hemmer d formulär scho usgfüllt..
de hani ehn gfrogt ob mini schwöster döff s vater unser vorläse uf italienisch
de hed er gmeint nei s vater unser tuet me ned vorläse sondern all müend bätte
und mer wär das recht wichtig gsi aber jaa
de hani ebe vo de lieder gseit
de heder gfunde me müend no so es lied neh so es chilelied woni ned kenne
aber eusi sängerin singt das ned super!!
|
Emma13 am 06.05.2013
Re: Bräute 2013
@valey... findi jetz echt schad, isch aber leider echli so bide kath. Pfarrer, gwüssi sind recht strikt... muess denn s kirchliche Lied vode Sängerin gsunge werde? Weiss nöd, amigs singt mär eifach mitenand im Gottesdienst, oder mite Orgle, denn tönts sicher schön...
Mir werdet z.B. en Mix us Gsang, CD und Orgle ha, demit ebe chli Abwechslig inechunt und de Sänger nöd alli Lieder muess extra lerne
was hender denn für Formular müesse usfülle ide Chile?
|
elea am 06.05.2013
Re: Bräute 2013
valey hoffe das klappet no met de lieder ond em pfarrer! ond i fende es spellt doch kei rolle ob me s vaterunser zeme dued bette oder obs öper vorlest! es cha jo de jede för sech em stelle bette wärends dini schwöschter vorlesst! stell mer das sehr schön vor!!
hoffe wörkli ganz ganz fescht dasser e lösig fendet wo för beidi stemmt ond dasser au bez of euch zuechont! wel ebe wie du seisch, d sängerin werd gnueg choschte ond de sell si doch au lieder senge wo ehr wend! klar mues es bez passe zode HZ! aber au wenn das lied wörd vomene felm si? so what?
|
valey am 06.05.2013
Re: Bräute 2013
ja emma mer hend ebe niemert wo orgle spelt drum ich werd ehm säge er cha das lied gern mache aber denn mues ehr afo singe ohni orgle.. i meine ich zahl sänger scho über 1000 fr für 5 lieder
de zahli ned no en organist...
mal luege wies usechunt..
mer hend müesse das formular usfülle wo denn bi de trauig muesch unterschribe
weisch er hed so gfrogt ebe wender euch treu si usw. usw.. de seisch Jo de schribt er das uf..
oder so sache wie: bisch schomal verhürotet gsi usw de muesch au antworte und er schribts uf
und das formular chunt de a de trauig und ehr unterschribets denn :)
|
valey am 06.05.2013
Re: Bräute 2013
elea jaa gell verstohs au ned eso ganz aber ok
de list mini schwöster was anders vor aber de sel er mer med em lied entgege choo..
und das vomene film isch amazing grace.. kei ahnig vo welem film das sett si
das isch es amerikanisches chilelied ned??
ahh emma
mer hend no müesse en zeddel unterschribe ebe das mer eusi chind katholisch erziehnd... bzw. min gg isch reformiert de heder gfrogt ebe wie mer eusi chind werdet erziehe
de hani gseit katholisch.. de heder das ufemene formular usgfüllt und mer hends müesse unterschribe
hani ned gwüsst hihi
|
Emma13 am 06.05.2013
Re: Bräute 2013
Ah valey, ja denn würi au nöd extra en Organist organisiere... en Sänger isch halt scho sehr tüür, ich hoffe würkli das ihr eu irgendwie findet und dass er eu entgegechunt... bi eus isch ebe de Organist gratis, sprich es ghört zude Chile und will mir ide Wohnort-Chile hüratet müend mir nüd zahle, wüsst gar nöd was en Organist chostet aber isch i euem Fall echt nöd nötig
Ach so, gitts au ide Chile nomal es Formular :)
|
|
|
1 .. 954 .. 1906 1907 1908 1909 1910 .. 2834 .. 3757
|
Anmelden
