| Bräute 2013 |
|
|
1 .. 98 .. 193 194 195 196 197 .. 1977 .. 3757
|
bergeri  am 14.04.2012
Re: Bräute 2013
Hallo zemma i bin au wiederamol do, do lauft jo einiges.
Miar sin jetz grad vum foztoshooting zruck cho,super gloffa miar hen jetz also üseri hochzitsfotografin  müan üs jetz no überlegga was miar genau wenn& üs denn bi ihra melda. Si schlot üs vor z paarshooting vor dr trauuig z macha wells währendem apero z stressig seg wenn miar nu 1-1.5h apero machen.
Am 5 hemmer no a termin im schloss zum alles besprecha. Cool denn hemmer wieder zwei pünkt abgschlossa
Bruaf: i bin a sessel-furzer  schaffa ufem büro
****Ziviltrauung 26.7.2013 & Zeremonie in der Woche darauf auf hoher See ****
|
|
|
jasi86  am 14.04.2012
Re: Bräute 2013
Hallo Mädels,
i bi au mol wieder do... I bi eigentli fliessig am mitlese, aber eifach z fuhl gsi zum schriebe....
Also zum Thema chind... I ha das au zur Sproch brocht, well im Trauzüg sini Fründin het es Chind wo immer afangt schreie und täubele wenns nid im Mittelpunkt isch.   Aber wohere mitere well Sie gern ihr Chile well däbi si...  Ah jo sie isch 5i...
I bi also nid iä einzig wo am Samsti muä schaffe... Ha däfür morn au frei und am Mändig au wege Überstunde-Abbau.
I schaff zur Ziit no anere Reception und i 2 Wuche ghöri denn zur Bruäfsgattig Telefontante... (Mis Lieblingshobby)
...oooOOO 25. Mai 2013 OOOooo...
|
melanie89  am 14.04.2012
Re: Bräute 2013
@LucyLu: Ich bin glernti Köchin und mach jez no e Zuesatzlehr als Konditorin/Confiseurin woni 2013 abschliesse. E Richtige Schoggijob halt. Au wenn i jede zweite Sunntig mues schaffe
isch aber nit so schlimm wil i den am 3 am morge afang und am 12i fürobe han!
***21 Septämber 2013***
|
ma84ma am 14.04.2012
Re: Bräute 2013
@bergeri: Tönt guet mit eure Fotografin. Esch si bi euch dr ganz Tag derbi?
E be Bouzeichnerin.
Verlobt sit em 4.4.2012
|
Sterndli04  am 14.04.2012
Re: Bräute 2013
Hallo zäme
Schön bergeri, das mitem Fotograf. Was zahlet ihr für de ganzi Tag, wenni döf frage?
Ich bi Disponäntin un Receptionistin inere Rehaklinik. Muss ame leider au am Sa schaffe.. Vom 9 bisam halbi 8 dasch ame Recht müehsam. Aber suscht isches en super Job 
|
melanie89 am 14.04.2012
Re: Bräute 2013
@ma84ma: Isch sicher e spannende bruef. Gsehsch vil neus oder???
|
melanie89 am 14.04.2012
Re: Bräute 2013
@sterndli04: Hesch halt nüm vil vom fürobig, gäll. I minere Kochziit hani im Winter immer e Krise gha. Gosch am morge wens dunkel isch und zobe chunsch heim wens dunkel isch und wirklich vil ziit während em mittag hesch trozdäm nit.
***21 Septämber 2013***
|
bergeri am 14.04.2012
Re: Bräute 2013
@ma84ma: si het üs verschideni agebot gmacht. Entweder chunnt si a halb stund vorher zu miar und fötelet mi schu bim alegga. Oder si chunnt denn wenn min gg und i üs zersta mol gsehn. Do miar aber erst am 16.00 hürota wenn hemmer si nu ca vum 3 (miar machen wohrschindli ds paarshooting vorher). Miar wenn si ca bis am 12 bis d HZ-Torta dura isch.
@sterndli04: miar zahlen zwüscha 1500.- bis 2000.- chunnt jetz no abiz druf ah was miar genau wenn.
Jetz simmer grad im schloss gsi&hen alles reserviart&unterschriba. Si hen sogar tischet kha wells a geburiessa hen am obet ---> as isch traumhaft gsi mit dena wiisa stuahlhussa in dem altertümlicha ruum, wunderschön! I freumi jetz schu riesig uf üseri hochzit döt
****Ziviltrauung 26.7.2013 & Zeremonie in der Woche darauf auf hoher See ****
|
Nathi1985 am 15.04.2012
Re: Bräute 2013
Hallo Mädels
Wooow, er sind jo flissig gsi.. hans scho länger nüme gschafft zum vebi luege und über Ostere no "Laptop-Verbot" becho vo mim Schatz, zum mol entspanne
Dafür hend mir ez gad da Weekend a chli was chöne erledige. Sind gester go Esse ime Restaurant und da isch so genial gsi und Lüüt so fründlich, ez hend mir gad beschlosse zum nüme witor go luege und hend üs für diä Location fürs Fest am Obig entschiede.. Uuund üsi Ring hend mir worschindli au müesstes nur no bstelle
Mir mached au Tellerservice bim Esse wil mir eher vil Lüt sind, den find i Büffet nöd so toll. Aso mir hend üs vorgstellt en 4-Gänger und den no e Hochzitstorte.
Kind hend mir worschindli 2 däbi, find i au voll ok. Ussert diä beschlüssed vo sich us, dass lieber ohni wönd cho, zum länger chöne fiire.
Polterobig machi ev. in Rom wil mini Schwö döt wohnt und den wör mini besti Fründin no mit cho und mit dä Kollegin vo miner Schwö au vo dune.. aber wöt au nix peinlichs mache.
Ah jo i schaffe 80% ufm Büro 
@LucyLu
Diä unterst vo dene Torte in violett wär perfekt für üs.. Diä isch echt genial!!
@bergeri
Västohni da richtig, er hend vom ca. 15.00 - 24.00 e Fotografin und zahlet nur ca. CHF 2'000? Isch das e Bekannti? Sorry falls is überlese han
Hend er alli scho en Fotograf? Wen jo für wiä lang und was kostet das?
Do bini mir nämli no sehr unsicher wani gern het...
Schöne Sunntig Obig!
|
ma84ma am 15.04.2012
Re: Bräute 2013
Hoi zämä
Eg hoffe der heit es guets Week end ka ?
melanie89: Ja esch e coole Job. I gseh das woni zeiche ner wachse. Mi absolut Troumjob . Dernäbe heimer no e chlini Buurerei u ganz viu Chlitier u natürlich mis Hundchen (aus Usglich zum Büro).
bergeri: Tönt guet met eurä Fotografin. E gloube e wett o am ganze Tag öpper derbi.
us: Mer hei es Datum :-). We aues klappet met dr Chilä, möchte mer em 4. Mai hürote.  .
Wie viu vorher muess me e Chilä reserviere? Standesamt chame ja ersch 6 Mönet vorher.
Verlobt sit em 4.4.2012
|
|
|
1 .. 98 .. 193 194 195 196 197 .. 1977 .. 3757
|
Anmelden
