jösesgott anyany dini schwimu behauptet da?
ui weni so öpis ghöre beni grad froh dassi sone tolli ha!

• Zitieren

Ja do beni voll debi.

Das isch ja megaa krass!! Die hed ja fast no de grösser Schade als Mini. Au so en paranoidi wie!! Isch ächt unglaublich wie böös so Schwegermüettere sii chönd.

• Zitieren

Es esch leider mi absoluti Ärnscht. Vornedöre duet si so nätt. Ond hendedöre ned drahzdänke... Ech vernemes de aue. Aber mängisch het si ou mer gägenöber e Phase, wo si ehres wohre Gsecht ned cha verbärge ond i so Momänt strüübts mer aui Hoor. Wie do, wo si das gseit het. Si het ou mou gseit, ech hei mi Frönd eh nome, besi metem Studium fertig be ond ech mis Gäud säuber cha verdiene ond de lohni ehn lenggs lo legge. Debii... Ech finanziere mech säuber. Mer wohne zäme ond är zaut d Mieti. Deför muess är im Huushaut kei Fenger chrom mache ond muess ou nüt a Läbesmettu oder anderi Ihchöif zahle... För öis stemmts e so. Ond s Hochsig finanzier houptsächlech ech.

• Zitieren

Es isch scho mega truurig.
Isch bi mer au genau so. Voredure rechtig ischleime und hindedure stecheds eim de Dolch in Rugge.
Ich chan di voll verstah, eigentlich sötts eim ned nöch gah, aber es isch ebe glich so, dass eim ned egal isch.

Mini Schwegermuetter hed ja eus au gseit sie freui sich ÜBERHAUPT ned ufs Hochzig, und das werd sie eus au z spüre geh.

Naja. also wennd di no meh us***** muesch über dis Schwegermonster chaschmer au en PN schicke, ich ben ide glichhe Situation.

• Zitieren