hey cribo, d belder gsend wondrschön us! en rechtigi traumhochzit!!!

hey apple hesch du jetzt ned scho ghürotet för ein tag am WGT? ;)

• Zitieren

Morgäääääää

Apple: welcome back ja was heisst WGT? bin nöd guät mit abchürzige

so bin gester bi dä schnyderin mis zivilchleid go holäl. gfallt mer nömä soo mega wiä au scho aber egal, isch ja eh grusigs wätter am fritig und dän sitz ich meh im restaurant inä. mir gfallts obä mega guät aber unä nöd, aber egal.

äs jäggli also so än wissä churzä blazer chumi vo minärä kollegin über. juhuu also wirdi hoffentli nöd frühre. mann dä wätterbricht hät schnee am fritig huiiii

• Zitieren

hey elea

das bin ich gsi wägem landi, han ebä au det kauft und muäs sägä/pris leistig isch super. mängisch studiert mer viel z wit däbi wers so eifach landi.

coool dass alli chömet a euers hochziit. das isch doch äs schöns zeichä.

ja kei ahnig öb diä phasä durä gaht mtiem chleid. finds uu schön wäns det hanget aber mir gfallts a mir nöd, oder mol obä scho eifach undä isches än lange bäse. egal, ich gah ja nur ufs standesamt und nacher go ässä.

ou muäs eu no öpis lustigs verzellä:
gester bini no rasch bi de nachbarin go lütä, sie hät än chlinä bluämälade und dän hani dänkt sie chönt doch für am fritig mir äs chlises strüssli machä. sie isch dän rasch zu üs cho s chleid go aluägä etc. und dän seit sie, also sie würd dunä bim aschlag vom block also scho no irgendöpis anäduä dass d lüt wüssed dass mer hüratet. und ich so ja meinsch, was sölli dän schribä, wir heiraten. sie so, ja chasch ja au ä iladig anähänke für de apero. chasch mer grad au eini mitgäh und dä abwärtin grad au.

ähm hallo hani dänkt, eigentli hämmer ja äs platzproblem am apero und händ nöd viel lüt welä ilade, aber sie hät sich grad sälber iglade. hihi also bin nöd verruckt oder finds frächt, finds eher lustig und mir spielts kei rolle öbs jetzt chömet, dänke soo viel wäred eh nöd cho.

ich würd mich glaub so öpis eifach niä getrauä

• Zitieren

därä meinig bini au elea, han nöd gärn z viel lüt woni nöd käne aber s guätä isch ich wohne ja im kanton glarus und d lüt sind da scho bitzel glarus bezogä, wäni ä iladig für uf rappi ane duä chömet sicher nöd viel. und ich han gester zum schatz gseit, weisch da hindä macht er das vilicht, kei ahnig. drum duäni eini anä dän sind all z friedä. d abwärtin isch ganz ä cooli, ihrä gibi gärn eini und ebä därä nachbarin, vilicht schänkt sie mir däfür d bluämä fürs zivilä. kei ahnig.
duä dän eifach diä undä am block relativ spat ane. also erst so ä wuche vorher

• Zitieren

hihi guet wend weisch das d lüt eh ned chöme, de wördi si au he due
jo da chönt wörkli no si, dass si der deför s strüssli schenkt, da wer mega lässig!

Zuletzt bearbeitet am 22.05.13 08:29

• Zitieren

Mooorge mitenand

MORN isches sowiit und ich han no sooo viel z'erledige, das mitem Wetter het nöd müesse si, hüt Abig muessi d Wohnig putze, Balöön ufblase, dekoriere, de Gartetisch ineneh und s Beschti drus mache :)

wett unbedingt no en hübsche grosse Schirm go poschte, weiss öper grad woni so öpis finde?? Am liebste eigentli en wisse chli im HZ-Style, aber wahrschinli wird das schwierig, vilicht wirdi eifach en rote kaufe wo zu mim Kleid und sinere Krawatte passt :)

Denn muessi hüt Abig dringend inen Bluemelade und es Strüssli bsorge, denket ihr sie chönt mir no eine mache bis morn Mittag? Muess nüd grosses si, eifach es herzigs chlises Strüssli... weiss nöd, han eigentli bis jetz keine wele, aber jetz findi dasis doch bruche nur scho weg dem grusige Wetter zum echli "Farb" inebringe :)

Mona, finds super dass no es Jäggli gfunde hesch, ich han für morn nur en 3/4 Arm Bolero... janu, sind ja hauptsächlich drin :)

• Zitieren