| Bräute 2013 |
|
|
1 .. 1022 .. 2041 2042 2043 2044 2045 .. 2901 .. 3757
|
|
Lus nicht registriert am 24.05.2013
Re: Bräute 2013
I verzeuene doch no öppis:
Mis Mami u mini Schwo si geschter us de Ferie zruggcho (NY und Miami). Im Hotel in Miami heisi es Hochzytspaar beobachtet, wo am Strand het föteli gmacht.... oberromantisch u ganz es härzigs brütli. när isch ds Brutpaar, d Trouzüge und d Eutere zum Hotel cho. die andere Gescht sige scho unde im Resti ghöcklet. u ufs mau heige sech d Trouzüge afa amööge u es heig e hönne sach gäh... d mueter vor brutt isch grännend dervogloffe, dr vater vom Brütigam (si näme emu a er sigs) isch ad poolbar gange und het sech betrunke. stunde später heisine gseh wägtorkle............
steuet nech mau vor wie das fürs brutpaar mues gsi si?
mi nähmt ja scho wunder über was das si gstritte hei..........
Heiter dir angscht dass sech bi öich gescht wosech nid so vertrage chönnte id haar becho?
|
|
|
anyany  am 24.05.2013
Re: Bräute 2013
Hoi zäme,
Ech ha iez aues nome chorz öberfloge.
@ Marke vom Bruutchleid
Mis esch ou vo Sincerity, aber ech gloube, dass esch eh egal, vo wo dass s Bruutchleid esch. Houptsach es gfaut eim.
@ Gratin
Mer hei ou Gratin!! Esch doch eifach öppis mega mega feins!!
@ Lus
Hahhaaaha... Mega krass. Ech sett ned lache, ech weiss.
Aber zo dinere Frog: Nei. Mer hends aui zemmli guet metenand, ond die wo enand ned chöne liide chöme ou ohni Striit us. Beni aso scho no froh.
|
anyany am 24.05.2013
Re: Bräute 2013
@ Emmaaaaaaaa
AAaaaaaaaaaaaaaaaaaaaaalles alles Gueti! Ond ech gratuliere notürli ou no ganz härzlech! Esch schön, dass ders so hend chönne gniesse!!! Ech wönsche öich aues Gueti ou för d Zuekonft. :) Möched ehr ou Fletterwoche?
|
sonne13  am 24.05.2013
Re: Bräute 2013
huiuiui lus, das isch e gschicht!!! die person mitem gröschte konfliktpotential han ich gar ned iiglade, obwohl "me" das wohl macht/erwartet worde wär, ich dänke auso dass es friedlich wird
|
|
Lus nicht registriert am 24.05.2013
Re: Bräute 2013
@anyany
Mir isch d Marke vom Brutchleid eigentlech ou egau (sofern mis Chleid überhoupt e marke het  ). Aber i wär haut scho gärn uf d HP vom Abieter ga luege wies dete usgseht..... Vilicht besser wenis nid gseh, dete gsehts ja vieufach so perfekt us a dene 34ger-models 
ja gäu, steu dr vor es gäbi krach am hz....
die einzig befürchtig wo i ha isch mini mueter und die nöi fründin vom vater. mis mami isch ke problem, aber die nöi fründin isch chli es räs u da hani scho chli angscht dass si die eint oder anderi bemerkig lat la gheie.... hoffes itze aber mau nid....
|
Rebella  am 24.05.2013
Re: Bräute 2013
@Lus: Isch sicher lustig gsi zum zue luege....
Aber für es Bruutpaar de grössti Horror!
Mini TZ esch zum Glück no so ehrlich gsi und het mer gseit, dass ihre baldige Maa, mit eme Gast vo eus es Problem het. Ich han doch ehrlich gseit, nümm a die alt Gschicht denkt. Aber ich chan ihn ebe verstoh. Han jetzt de Kolleg und sini Frau nume zum Apero i glade.
Aber bim Brüeder und de Schwöschter vo minere zuekünftige Schwiegeramsle verlangi, dass sie sich für 1 Tag chönd zämme risse. Die hend ebe au Krach mitenand.
Bis jetzt het sich au nume er a gmeldet.
Sie esch scho bi de Iladig völlig nöd drus cho.....
Mir esch es glich wenn sie nöd chunt.
|
anyany am 24.05.2013
Re: Bräute 2013
@ Lus
Naja, ech fende mis Chleid gseht ou a mer super us, ou weni kei super Figur ha. Ond sorry, aber ech fendes eifach emmer schöner bemene Hochsigschleid, wemmer chli Bröscht gseht.. Be vöune Models esches jo i dem Beriich ned so bsonders üppig. Deför beniidi aue e chli die schmale Höfte. 
Ohje, jo das wär chli doof, aber ech hoffe iez mou, si werd so taktvou sii ond am Hochsig vo öich nüüd settigs biete. Elei us Respäkt öich gägenöber.
|
elea am 24.05.2013
Re: Bräute 2013
ui nei do hani gar ned angst dass öper avoht stritte. well mer hend wörkli nome lüt debi wo sech verträge do gseni ke gfohr 
|
anyany am 24.05.2013
Re: Bräute 2013
Apropos Horror-Szenarie. https://www.youtube.com/watch?v=LAwCR9G4Kms
Has iez nomou gluegt, es send gar ned d Gäscht wo lache.
Aber d Bruut brüelet scho chli schrääg.
Zuletzt bearbeitet am 24.05.13 13:11
|
|
Lus nicht registriert am 24.05.2013
Re: Bräute 2013
ooooh anyany fies mit dere turte  
|
|
|
1 .. 1022 .. 2041 2042 2043 2044 2045 .. 2901 .. 3757
|
Anmelden
