| Bräute 2013 |
|
|
1 .. 1042 .. 2082 2083 2084 2085 2086 .. 2922 .. 3757
|
dandi78  am 30.05.2013
Re: Bräute 2013
@elea
eg mache als gastgschenk öppis ähnlichs wie du. eg fülle i konfigläsli e sälbergmachti chilipaschte ab. uf d'gläsli schribi miteme glasschriber druf was dinne esch und de hänki no es zetteli dra wo der name druffe stoht. das stöui de au ufe tisch und es dient als namensschildli und gastgschenk i eim. 
e dänke, das würd bi dini martinifläschli au guet usgseh. so glasschriber chasch übrigens i bastelläde chaufe oder au im lade "vom fass". nur so als chline tipp. 
|
|
|
Kamala  am 30.05.2013
Re: Bräute 2013
Hallo zäme ich schribe au wederemal
@elea also i fende das met de Fläschli en mega gueti idee, ehr hend au alli emmer so gueti Bastelidee do ben ich en völligi Fläsche
Ich han no en anderi Frag
Dörf ich die wo scho zivil ghürotet hend mal frage wie vel Budget asmer defür muess irechne fürs Standesamt?
Wevel zahled ihr für de Fotograf?
Ich ben ergendwie total am hypere obwohls no so lang gaht. i Frag mi wieni das paar täg vorem hochzig mache
|
elea am 30.05.2013
Re: Bräute 2013
dandi soo cool chillipaschte! mega originells gschenk! :)
glaub i probier das mol au eso us.
ah em "vom fass" chami die stifte chaufe? wörkli? cool, die schribe nemli Emmer so schön of ehri gläser, da wörd natürli super usgseh!!!! merci vellmol för de super tipp!!!
|
|
Lus nicht registriert am 30.05.2013
Re: Bräute 2013
@elea
i bi ou nid würklech kreativ
I ha eifach nüt z komplizerts und ufwändigs wöue. egau wiemers ja wird mache, d lüt wärde eh freud ha u das isch ja d houptsach....
i ha scho bide namenssteckleri für d chinder gfluechet wüus nid het wöue wie ig... mache de ou no es föteli 
i gloub, vorem amt aus tz hätti no bitz bangu.... i bi säuber no nid a mängem hz gsi und hätt nid soo d erfahrig....
|
dandi78 am 30.05.2013
Re: Bräute 2013
bitte gerngscheh aso ömu in aarau chame si chaufe. ha dört äxtra agfrogt und sie hei mer de gseit, dass me die bi ihne cha chaufe. eg nime aber a, dass me die stifte au i aune andere vom fass läde cha ha.
s'witzige esch no wäge der chilipaschte: veli vo eusne gäscht si scho mou be eus deheime zum ässe iglade gse und de hani mängisch die paschte zum probiere ge. aui wo si probiert hei si begeischteret gse. dorum hani dänkt, das passt grad. 
|
Mona83 am 30.05.2013
Re: Bräute 2013
@Kamala: also ich han am fritig s zivilä gha und am zistig isch scho d rächnig cho. bin nömä ganz sicher aber glaub 275 stutz isches gsi. vilicht chunt no irgendwo här meh aber das isch das woni bis jetzt übercho han. 
mir sind nacher no inen apero und go schigg znacht ässe z 10. und mir händ für alles 1003.- Stutz zahlt.
läck wenn mer nur würdet zivil hürate würdet mer ja meeeeega spare. aber egal....
|
Lilly4  am 30.05.2013
Re: Bräute 2013
elea, han där e PN gschickt... ;)
|
Kamala am 30.05.2013
Re: Bräute 2013
Ja spare würemer scho aber kirchlich isch halt scho schön
Die send de schnell met Rechnige schicke
Mer hend ebe jetzt euse Fotograf no gwechselet welmer metem erste eifach überhaupt ned z frede gsi send und de isch ebe chli türer. Aber wenigstens chamer sich uf de verloh
|
|
Lus nicht registriert am 30.05.2013
Re: Bräute 2013
@kamala
am beschte geisch mau im internet ga luege öb uf dr hp vo dim zivilstandsamt öppis steit...
mir hürate z münsingen im schloss und mir wärde öppe 450.-- zahle aues zäme.
wo wettisch du de hürate?
füre fotograf zahle mir 1'100.-- (inkl.hp, 7 stund fötele, aues uf cd, bearbeitet). s isch aber nid e houpt-professionelli fotografin.
|
Lilly4 am 30.05.2013
Re: Bräute 2013
kamala,
mir hüratet wie t lus ime schloss (zivil) und zahlet im total, mit
allem drum und dra 500.-, dänn chund eifach no s apero däzue
und am abig gömer mit eusne trauzüge no chic go esse, rechnet
im total ca. mit 1'200.-
|
|
|
1 .. 1042 .. 2082 2083 2084 2085 2086 .. 2922 .. 3757
|
Anmelden
