emma... mmm.. jaa lueg mal nacher bim ablauf wo er der schickt..
ich ha bi mim eifach gseit ich well de ablauf so.. und er hed de gseit isch guet
has grad vo afang ah gseit... wenn du en wunschablauf hesch vom inelauf würdis ehm säge

aso mich heder ebe gfrogt ober sell vor eus all inelaufe
oder ob er sell scho vorne stoh
de hani gseit er sell vorne stoh...


und bim uszug hemmer au gseit mer hend als letscht use
de heder gseit er tuets am schloss vom gottesdienst säge zerst goht s Volk use de s brutpaar..


mm jaa wegem rede.. guet ebe wenn dich ned getrausch de würd ichs eso loh... :)

• Zitieren

Ja genau anyany findi au, mir tüend eusi TZ sehr mitibezieh... ebe eini liest es Liebesgedicht vor, min Brüeder wo au min TZ isch liest es Gebet vor und d Schwöster vo mim Maa liest nomal öpis vor, denn machemer während de Trauuig no en Art "Spiel" und zwar dass mir en leere Korb bi eus hend und dass gwüssi Lüüt eus idem Korb 5-7 Gägeständ als Symbol werdet bringe, de Pfarrer wird denn erkläre dass das d Wünsch sind womer eus uf de gmeinsami Weg gitt...

Also z.B. bringt öper en Schirm und seit am Mikrofon "Mir schänket eu de Schirm als Symbol vode Liebi, demit ihr gmeinsam au allfälligi Stürm chönd überstah" usw. also Abwechslig gitts scho :)

• Zitieren

jo lueg emol was i dem ablauf denne stoht ond wend nome froge hesch, de seisch der sig nonid alles klar ond du wetsch nomol es treffe! mer hend zb insgesagt 4 träffe (ohni hauptprob) aso esch das ned zvell verlangt dass du ehm nomol paar froge wetsch stelle..
aso weni ganz ganz ehrlech be fendis mega mega schön dass din GG öpis wet sege die chele. das esch jo wörkli selte, di meischte Männer machet das nor erne fraue zlieb wel die das so wend.
jo wenn dim GG das wörkli wechtig esch wördi mer öberlegge obd ned ehm zlieb chasch öber din schatte sprenge ond aar wort zo ehm sege die chelle?!?!

• Zitieren

Ja elea, han ich mir au denkt... hans denn geschter Schad gfunde das mär mis Ding durezoge hend... schlussendli weiss ja jede wie nervös dass mär isch, au wenn mär halt stotteret oder was au immer, schön isches trotzdem, vorallem ebe das er das so gern möchti mache :)

Ich wart jetz glaubs mal uf de Ablauf und denn wird's wohl eh no offeni Pünkt geh und bis denn wirdi mit mim Schatz luege wie das mär das gnau sölet mache... das chan mär ja sicher no apasse

• Zitieren

Jöö danke viel mal Nathi, hesch mi würkli chöne beruhige, stimmt ja ebe scho, es Theaterstück isches also würkli nöd... fühl mi jetz fast chli schuldig dass mär das jetz nöd machet mitem Eheverspreche, klar isch idem Moment jede nervös... ich glaub das ich eifach bitz zviel Erwartige gah han, schliessli macht er das immer wieder und weiss ja wohl wie und was er eus denn söll säge demit mir au druschömet :)

• Zitieren

Das tönt würkli sehr schön Nathi :) danke fürd Ufmunterig :)

Mir hends ebe eigentli nöd gross zäme besproche gah wie mir eus das vorstellet, wo eus denn de Pfarrer gfrögt het, hani gfunde neiii ich chan das niemals und irgendwie ischs mär eifach unwohl gsi debi und denn het er gmeint, ja nei ich zwinge niemert, es muess für eu stimme, han aber scho gmerkt dases für min Maa nöd würkli stimmt... hend denn dihei nomal drüber gredt und er het gfunde ihm seg das wichtig, er fändis persönlicher und es wür ihn freue wenn mir das so chöntet mache, han jetz ä Nacht drüber gschlafe und irgendwie findi das ich das scho irgendwie chan anebringe, vorallem ihm z'lieb :) und wenn du seisch dases sich glohnt het, denn glaubis dir definitiv :) mir chönd ja sicher no eusi Meinig ändere oder?

Bi eus isches am 31. August sowiit :) wenn isch eui grossi Tag gsi?

• Zitieren