Valey ech verstoh dech sehr guet. Es esch eifach mega schad wäge dem Gröscht!
Ech hoffe sehr, dass de Pfarrer öbis cha bewerke ond denn schlossäntlech för alli stemmt!

Also wäge de Trinkgälder, ech fende au dass mer gnueg zahled ond ech meine i de CH esch es jo ned so dass t Lüt extrem ufs Trinkgäld agwese send, esch jo kei Lohnbestandteil. Ech nehme ah dass mer eifach im Resti de Pris wärded ufrunde...t Chele esch seperat die hemer scho zahlt, bem Pfarrer wössemers no ned, aber är esch au bim Apéro iglade. De Fotograf bechond eifach s abgmachte Gäld, s Make up ond t Frisur schänkt mer mini Kollegin ufs HZ.

• Zitieren

Valey ich chan di voll verstah. Wenn du dir das so gwünscht hesch dete z hürote isch das ächt blööd wennd alles müesstisch wächsle.
Ich meine vellecht chamer würklich öbbis mache, dass eifach a dem Wuchenend das Grüst wegdüend well es isch ja ned nur a eim egge es isch di gsamti längi. Ich hoffe dass de Pfarrer öbbis chan bewerke.

Was meint er denne das eu das ned gseit worde isch? Hed er das öbbe gwüsst?

• Zitieren

@valey: tuet mer voll leid das ganze. was hät denn de pfarrer zu dem ganze gseit? beziehigswies hät sich mal öper güssered warum mer d'brutpaar nöd informiert hät?? gaht ja sicher no anderne eso... voll scheisse...

• Zitieren

jo valey verstoh dini entüschig mega.... aber i glaube ned dass die das grüscht öbers wochenend chöned abruhme. die hend ca 1tag zom zah ufstelle. das heisst si hette 2 täg arbet ond wer zahlt enne das? das wörd die Firma honderti vo franke choschte... aso wet jez ned de miismacher si aber i wörd ned zvell druf setze dass die das öbers wochenend zeme ruhmet...

• Zitieren

verstoh din fruscht so guet!! ond vorallem wennd extra scho früeh gnue reserviert hesch....

jo froge choschtet jo nüt! wer super wenn sis chönte abruhme ond d chilegmeind das wörd öberneh. aber s minimom fendi dass ehr secher nix förd chele müsstet zahle! het er zo dem scho öpis gseit?

4 hochzite send no i dem johr, betreffts die denn au oder nor euchi?

• Zitieren

stemmt canoa het recht... velecht sends jo det am d wand abschlife oder so ond hender em gröscht esch e hässlichi bruni wand...
velecht wer no en Option grossi stoffbahne zchaufe (wiss oder so) ond denn s gröscht (det wo jez de Plastik esch) met dem iverdecke....?

• Zitieren