Kamala,
Hey, Kopf hoch. Du wersch dim Schatz ganz secher gfalle! Wieso hesch de Angscht? Esch er öfters enttüscht vo der? Oder get er der s Gfüeu, ehm ned z gnüege?
Wennd die Froge met "Nei" channsch beantworte, gets kei Grond Zwiifu zha.
Ond wenn si met "Jo" muesch beantworte... Tja... De hesch no ganz anderi Problem.
Du wersch die schönschti sii a dem Tag. So oder so. Ech gloub, de chönntsch ou imene Härdöpfusack goh, du wörsch gliich strahle!

• Zitieren

uh kamala was chleider-krise abelangt chani der en ganze Roman schribe! i verstoh di also zo 100%
aber weisch was? scho 1 tag nach de hochzit wird di frönd absolut ke ahnig me ha wi dis chleid usgseh het!!!! er wird nome dech gsi imene wiise chleid¨! de wird gar ned metbecho wie das chleid em Detail usgseht!!!
aso wege ehm wördi mer gar ke sorge mache!!!!

• Zitieren

Kamala ich glaub en Kleider Krise hend scho die meiste vo eus gha :))
heyy kei angst, din schatz werd dich wundeeerschön finde :)) dis kleid isch ja mega..
ich glaub er würd dich au schön finde wenn es voll simples kurzes kleidli würsch träge :))
mach der kei kopf :D wersch super usgseh!!!!

• Zitieren

kamala, du gsehsch, bisch ned ellei! ich verstoh di, es goht mer gliich! mängisch hani eh müeh will ich ned sicher bi ob mis chleid ned chli "übertriebe" isch, und denn weissi au no, dass mit gg so graffti chleider ned gfalled aber jetzt isches grafft, und ich red mer ii dass es toll wird usgseh und ich ihm wirde gfalle!
du wirsch ihm sicher gfalle! ich mein, bi mer ischs jo au so: ich lueg öppis aa und find: "jo gfallt mer", oder "nei, gfallt mer ned". und wenn mers denn aahed, sind gnau die sache wo mer gfunde hed "gfallt mer", ned schön, und die wo mer findet "ou nei", die sind de super! in "live" isch ebe alles immer chli andersch, und vieli vo eus hend jo au scho feschtgstellt, dass s gliiche chleid am model ganz andersch usgseht als a ein sälber! bim model find mers super, a eim sälber denn plötzli nümm so, oder umgekehrt. viellicht dänkt din gg jo, es bruutchleid muess so oder so usgseh und hed e gwüssi vorstellig, und denn gseht er a euchem hochziit dich mit eme ganz andere chleid und stellt fescht: nei, ech ha mi düüüscht, SO muess es bruutchleid sii, SO muess mini brut usgseh! egal was für es chleid, er wird hin und weg sii, glaub mers!!!

• Zitieren

Kamala:

---

jo das isch sicher so sonne. Ich han au total anderi vorstellige gha als jetzt mis chleid usgseht.
Ich hoffe es chunnt guet. Also es isch ähnlich wie das do eigentlich fascht gliich:

• Zitieren

So jetzt isch mer gad na e ganz e gueti wahri gschicht in sinn cho.

vor es paar jahr hät e fründin vo mir ghürate. es isch um deko i de chile gange und sie hät gfunde hmmm es bruucht na viel meh efeu uf de siite am bode und na meh irgendwas.

Uf jedefall hani sie nach de Hochziit troffe und sie hät gseit ihre isch im nachhinein das wieder in sinn cho und hät dänn müässe dföteli aluege wie viel dass es effektiv det gha hät wel sie i de chile gar nid druf gachtet hät wies jetzt usgseht.

Dänn hät sie umnbedingt es chleid mit so händschli welle. Am Tag sälber hät sie die dänn vergässe alegge wels im Sack abegrutscht sind. Gmärkt hät sie das erst wo sie dFöteli becho hät dass sie die nid agha hät.

Darum churz bevor ich bi details verzwiifle dänk ich a sie und versuechs easy näh und eifach öppis entscheide. Mir sind eifach voll verwöhnt und händ alli möglichkeite und das machts halt nid gad eifacher es hochziit plane:)

• Zitieren