| Bräute 2013 |
|
|
1 .. 1159 .. 2315 2316 2317 2318 2319 .. 3038 .. 3757
|
elea  am 26.06.2013
Re: Bräute 2013
drusilla i fende die usrede au chli schöbig muesi ehrlech sege...
klar för eus eschs hochzit wechtiger as för di andere aber trotzdem fendis ned oke... ond ebe wenn mes extra früeh gnue seit de chame doch d ferie au apasse oder halt mol 1tag weniger anes open-air... aber jede het halt anderi prioritäte...
|
|
|
drusilla  am 26.06.2013
Re: Bräute 2013
mer händ au zwei Absage ohni Kommentar becho im Stil "wir können nicht kommen". Ei Tante het mer e Charte "Glückwunsch zur Hochzeit" gschickt mit 20 Franke drin... Das isch wohl d Absag... Min GG und ich sind scho beid echli enttüscht. Klar, d Familiebandi isch bi öis wahrschinli scho nid so stark wie andernorts, aber wenigstens es "das isch aber schad" chönnt me doch no mitkommuniziere.
@LucyLu: Ja, han grad s Gfühl, das me mega wenig Lüt würkli wichtig sind. Sogar d Trauzüge jammered ume, das si grad brueflich stark igspannt sind und drum bisher no nüt organisiert hend (weder Polterabig no susch e Chlinigkeit).  naja, wenigstens hämmer öis, min GG und ich.
@himbeer: Danke!
@apple: Danke, dann seh ich das nicht als einzige so. Bei Prüfungen wie bei deiner Schwester oder bei handfestem Streit kann ich es schon verstehen, dass das Hochzeit dann nicht so wichtig ist. Ich will nicht sagen, dass es keine Gründe gibt, nicht an ein Hochzeit zu kommen, aber die ich bisher für mein Hochzeit gehört hab, sind echt lahm.
Zuletzt bearbeitet am 26.06.13 15:02
|
himbeer am 26.06.2013
Re: Bräute 2013
wenn isch denn eues fest drusilla?
ui nei die 20 stutz sind ja fast am schlimmste... recht übel.
|
apple-pie am 26.06.2013
Re: Bräute 2013
@drusilla
Ja, da hast du recht. Man erwartet ja nicht das die Verwandtschaft / Freunde genau so der HZ hingegen fiebern müssen, aber etwas Anteilnahme etc. wäre ja schon schön!
Und wenn man keine Lust hat, dann soll man das doch ehrlich sagen und nicht mit so lähmen Ausreden!
|
Emma13 am 26.06.2013
Re: Bräute 2013
Oh drusilla, das isch echt Schad so Sache zghöre und au d TZ... isch wohl eifach ä blödi Phase
Chani natürli absolut nahvollzieh das ihr enttüscht sind, vorallem mitem Hintergedanke dass ihr extra Save the Dates usegschickt hend... Au mir hend leider viel Absage übercho (hend d Iladige 6 Mönet vorher usegschickt) und z.T. au sehr lahmi Begründige, het mi am Afang au sehr mitgno, mittlerwile muessi säge bini froh dass mär doch ehner im "chlinnere" Kreis fiiret (immerno 60 Persone anstatt planti 80) aber defür mit dene wo Freud drah hend... ich weiss isch zwar kei Ufmunterig, aber vilicht gsehsches mit chli Abstand au bald so :)
|
LucyLu  am 26.06.2013
Re: Bräute 2013
drusilla, das tuet mir grad würklich mega leid. aber wie du seisch, hauptsach isch das ihr oi zwei händ, das isch aller wichtigste und schönste!!!
mis Gotti und min Unkel händ au eifach abgseit: OHNI Grund und nöd mal es schöns Fest oder sust alles gueti gwünscht. Mich häts recht tüpft vorallem da ich sust kei Familie ihglade han (kei vorhande oder kei Kontak) und da bini scho au sehr entschüscht gsi aber mittlerwile isch es mir egal. Selber schuld. und die 20 Stutz, find das au recht krass...
Weisch es git Lüüt, die merket nöd das eim weh machet mit so ussage wie vo oine TZ (Job streng),ich ha au müsse lerne das mer nöd alles söt uf Goldwaag lege. Die meiste wüsset würklich nöd das ois das HZ extrem Wichtig isch etc. Und sowieso isch ja an dem Tag nur eis Wichtigst: oises Ja-Wort!!
Kopf hoch drusilla, es wird so oder so de schönsti Tag für oi!!! Umarm dich virtuell 
|
drusilla am 26.06.2013
Re: Bräute 2013
Danke öich allne! Fühl mich scho chli besser 
@Emma: Das tuet mer leid, das bi dir au vil mit lahme Gründ abgseit händ. Aber du hesch scho rächt, wahrschinli "merkt" mer das am Hochzit denn gar nid, das es paar fähled, will mer eh so gflasht isch und me e gueti Zyt mit dene hät, wo cho sind und sich für eim fröied.
@LucyLu: Ja, ich glaub au, dases die Lüt gar nid merked. Die Tante mit de 20 Stutz isch eigentli nid e Bösi oder so, die hets glaub eifach gar nid gschnallt, was si demit usseit. Und wennd TZ im letschte Moment sich no en riise Stress mached statt vorzue z plane, chans mer ja au glich si  Und es wird ihne sicher unagnehmer als mir si, wenn si am Hochzit denn det stönd und nüt gmacht händ. 
@himbeer: Am 31. August 
|
Emma13 am 26.06.2013
Re: Bräute 2013
@Drusilla, wirsch gseh, mir werdet a dem Tag soooo wunderschöns Wetter ha, glücklich si und euse 31. August i vollste Züüg gnüsse 
|
LucyLu am 26.06.2013
Re: Bräute 2013
drusilla, glaub mer, falls öpis nöd klappt am HZ oder es nöd so lauft, den seit mer NIE es liegi am Bruutpaar sonder IMMER d'Organisation vo de TZ hät verseit oder so... Also vo dem Punkt her chasch beruhigt sih.
Ich bin am 31.8 au amene HZ ihglade...
|
LucyLu am 26.06.2013
Re: Bräute 2013
evtl. vo öperem vo oi????? hahahaha  
|
|
|
1 .. 1159 .. 2315 2316 2317 2318 2319 .. 3038 .. 3757
|
Anmelden
