| Bräute 2013 |
|
|
1 .. 1173 .. 2344 2345 2346 2347 2348 .. 3053 .. 3757
|
dandi78  am 01.07.2013
Re: Bräute 2013
so schön, manokasa. jetz gohts würklech nümme lang. die zit wird sicher wie im flug vergo. 
|
|
|
elea am 01.07.2013
Re: Bräute 2013
merci zeme. i werde secher brechte wis probeesse gsi esch. hoffe alles esch fein und dass i de alles cha froge wamer ofem herze liit!
jo esch wahnsenn wid zit rasst... ha gester au grad zo mim frönd gseit "mer hürote i 2 mönet" ond er esch au grad baff gsi!
apple hoffentli klappet das jez entli met de scheidig..
ui aber wenn di GG recht het ond scho es chlises wörmli onderwegs esch? da wer den toll! ;)
|
dandi78 am 01.07.2013
Re: Bräute 2013
also der traum vo dim GG esch würklech härzig... wär jo mega schön!
|
apple-pie am 01.07.2013
Re: Bräute 2013
Ja, das wäre echt toll! Aber obwohl die mens nun ein Tag überfällig ist, denke ich nicht das unser Krümel bereits unterwegs ist!
|
Nemo  am 01.07.2013
Re: Bräute 2013
morge mädels!!
@lus: voll cool dass sie das für dich mached, das findi echt toll!
@me: han es tolls wuchenend hinter mir...  
voll doof. am samstig bini scho wieder vom tcs abgschleppt worde, sdritte mal das jahr. jetzt isch mer d'federe vorne broche, voll müesam. ich stecke das jahr so viel geld i das auto, schiesst mi so a. genau jetzt woni eh nüt vorigs han
han ja das jahr eigentlich welä es neus auto chaufe und denn isch min schatz mitem atrag cho, somit hani natürli denn de autochauf verschobe. sit dem jahr chunt aber ei reparatur ade andere, han scho 3500 stuzt reparatur gha das jahr!!! ou mann... denn isch am mittwuch no de tüfchüeler kaputt gange, denn hani am dunnstig morge en steischlag uf de frontschiebe kassiert und denn das am samstig, wirde echt vom päch verfolgt momentan!!
han am samstig abig nur no ghüled. muen ja no das viele geld am gschäft zahle weg de verpflichtig und ich weiss fängs echt nüm womer de chopf staht....
d'fliterwuche hani au no müese zahle das wuchenend und denn isch alles bitz viel gsie.
de hät mer de einti fründ no am tel gseit, ja simi, weg de flitterwuche, mach der kei sorge, da chunsch sicher vielei grosszügigi gschänk über ufs hochziit, das leit sich denn scho...
jetzt chumi hüt morge hei vom nachtdienst und gange go zahlige mache, han no müesse hz turte izahle und denn gsehni, das mer e neui überwiesig ufem hz konto händ vomene gschänk. en gladne gast (fürnd vo mim gg mit ahnag!!) und hät 100 franke überwiese... wohlbemerkt, architekt wo guet verdient und sie hät au en guete job.
ich wett ja nöd lästere, aber han eifach grad müesse a das telefon dänke mit em fründ wo mer gseit hät dasi sicher vieli grosszügigi gschenk überchume... ha ha ... han müesse lache!!!
|
Nemo am 01.07.2013
Re: Bräute 2013
SORRY mädels, isch bitz lang worde, aber han jetzt eifach min frust müese loswerde!!
isch echt schräg, es chunt immer alles mitenand! 
und nöd falscch verstah, ich bin dankbar für jedes gschänk und han au freud drah, aber de zämehang vo dem telefon und dere überwiesig isch eifach so schräge gsie.
am samstig hani voll kriese gschobe, han sogar gedanke gha vo zeiche usw woni suscht nie han. git doch so lüt, die säged immer das isch es zeiche... ja super, söled das zeiche sie das nöd söll hürate und s'geld für anders bruche?? hai ai ai, han grad bitz angst übercho gha, dass ich sogar uf so schiess gedanke chume... hmmmm
|
elea am 01.07.2013
Re: Bräute 2013
apple, wer weiss! wer emo cool, scho s2te 2013ner-brut-baby nach em chline vode zibesa! :)
ou nemo, nei so en scheiss (sorry) wegem Auto! so züg passiert emmer die dömmschte Zeit, wie jez bideer vor de hz!
send den die 100.- vo dem Architekt vo em OND sinere Frau oder chont de vo ere no separat öpis?
du log, die wos Geld hend send emmer die "gizigschte", soscht hettes jo ned so vell Geld! 
uh ha no vergesse zverzelle, höt zobe gangi min "Mrs." hoddie bide Stickerin lo mache! natüüüüürli werde euch de es foti zeige!!!!
|
Nemo am 01.07.2013
Re: Bräute 2013
@apple: wer weiss, wer weiss, vielleicht wächst das ja schon was ran. es würde mich auf alle fälle freuen für euch!
@me: mir händ am 11.07. in lenzburg s'gspröch mit de standesbeamtin wo eus denn traut. mir tüend denn mit ihre die ganz trauig bespreche. jetzt hämmer gfunde, wenn mer scho in lenzburg sind, denn machemer doch nacher grad de termin ab fürs probesse. huii, da freui mi scho uf de tag, wird sicher schön und fein!
|
dandi78 am 01.07.2013
Re: Bräute 2013
ou nei, nemo, das duet mir leid! mängisch chunt würklich alles mitenand. aber das wird bestimmt wieder besser und dir wärdet bestimmt no vo vielne lüt tolli gschänkli übercho!
|
Nemo am 01.07.2013
Re: Bräute 2013
@elea: das isch vo beidne zäme!!!
cool weg dim hoodie!! muesch denn unbedingt zeige!!
ou ja, ich bin ja no es föteli vo mim schirm schuldig.. moment, chunt grad....
|
|
|
1 .. 1173 .. 2344 2345 2346 2347 2348 .. 3053 .. 3757
|
Anmelden
