Hallöchen mitenand

Melde mi doch au wiedermal. Isch chline strängi Ziit im Moment bi mir.
Nächst Wuche isch ja scho euses Hochziit

Jetzt hemmer no e super Meldig becho:
Mir hend im April en Mietvertrag für e neui Wohnig uf de Okt. underschriebe. Mir sind soo glücklich gsi, dass mir sone schönii gfunde hend und das no vorem HZ hend chöne abschliesse, dass mir kein Stress hend mit dem.
Jetzt lütet eus die vom Immobiliebüro ah und seit, eusi WG isch verkauft worde. Mir müend eus also öpis neus sueche und die alt WG hemmer scho kündet.. Toll.. Jetzt glich Stress mit WG luege, dass mir de no was schöns findet. I segs eu, i bi dere Geiss fast dur s Telefon an Grind gumpet...

Drum heissts jetzt ein Tag HZ ein Tag WG und so wiiter

Aber mir lönd eus nid verruckt mache.. Das isch es Zeiche.. Behaupti mal

Ja und jetzt isch de Ändspurt mit Vorbereitige, bi jetzt doch scho langsam es bizz nervös...

Wünsche eu es schöns Tägli und bis glii.

Grüessli und sorry für de lang Text, aber es närvt mi immer no. Ha ke Bock obdachlos zwerde

• Zitieren

nicht registriert

ich meld mich au no!

ich han ja gester döfe mis kleid ahlege, obeume ischs mer zgross und rutscht abe.. mer werded mich den wahrschinli ihnähe a dem tag! aber sus bini mega happy! und eusi gastgschenk hani au gmacht, lad sie grad ufe i min spric heuse hochzits thread =)

am fritig isch mit polteri abig, mir isch gseit worde ich söll mich cowboy ahlege und in zh is papa joes am achti ;) falls sus no wär unterwegs isch :D

sterndli, mega denebed weg de wohnig! mir hettet sus no es gästezimmer ;)

• Zitieren

valey du hesch geburi gha am wochenend? hey gratuliere der ganz herzlich nochträglich!!!! hoffe hesch scön chöne fiire ond es tolls gschenkli vo dim GG becho? ;)
send d d ohrreng vo ehm? so cool! demfall au vo swarowski?
hey du musch gar nöm so vell mache! jetzt hesch no fast 2mönet zit, das schffsch guet oder?

jä bi mer eschs no bez meh, aber es lauft. morn probeesse, am fritig gömmer of zöri god gravatte vom GG chaufe ond au s gschenk förd TZ. ond de treffe mer eus no met em Musiker emol ond de wird de s chleid no gänderet. jo ond soscht no Sache wie zb de Tagesablauf, wer fahrt met wem. en cd set mol no bez zeme stelle as hindergrond musig... has gfüehl muss langsam gas ge.. :)

ou nei sterndli, krass dass die d wohnig verhcauft hend? das esch jo aber Vertragsbruch oder ned?

haha zibesa, be am fritig nomitag en zöri, velecht machi zobe grad no en abstechr es papa joes ;)

• Zitieren

nicht registriert

huhu froue...
i hanech öppis zum verzeue....
ha aso e schlaflosi nacht (ca 2 stund schlaf) mit hülattacke hinder mir

s geit um mi poltertag. i ha mau mit mire tz drüber gha öppis z mache, aber das isch de chli im sand verlüffe. mir isch das ja nid soooo wichtig. u wasi äue nid begriffe ha isch, dass si gärn öppis organisiert hätti.......
itze het mi ja e kollgin gfragt, si würd u gärn öppis organisiere. da hanimi natürlech sehr gfreut drüber!!! i ha de 2 date gha zur uswahl wo ihre und mir göh und ha de d tz ou gfragt. si ischmer sehr wichtig u drum wettise ou gärn debi ha. itze giet aber dr eint tag mire kollegin nümme u ds andere datum ar tz nid. u so wies usgseht heimer schüsch aui wucheändi vou i ha de ar tz gschribe (sms'le isch nie guet, da entstöh nume missverständnis) es wäri schad wenn si denn nid chönnti cho, da si denn aber wahrschindlech spontan für 3-4 tag id ferie göh wetti nid, dass si de äxtra wäge mir würdi absäge.... i ha das würkelch nid bös gmeint! sonder eifach dass si nid wäge mir müesst absäge! u si hets haut so verstande: chasch nid cho, isch doch egau...... si hetmer de um mitternacht no es sms gschribe, öb dr termin itze fix sigi, s sig ja schnäu gange.... i bi am 01.30 erwachet, ha das gseh und de hets mi grad gschüttlet. ha hurti e stündegi hülattacke gha itze bini wider öpperem uf d füess gstande woni doch gar nid ha wöue!
hüt morge het mer de dr tz aglütte und mer gseit, si sigi rächt truurig und verruckt über mi. i chas ou verstah....
i luege itze mau no fürne andere termin u i hoffe, es klappt denn u passt aune
hürate isch nid eifach
i weiss ou nid, ha i mi so unmöglech beno? oder reihe sech da eifach missverständnis anenand...

• Zitieren