Guete Morge zäme

Das goht jo weder ab do enne! =)

Ohhh Elea gseht super us ond tönt alles sehr guet...Jetzt chli e dommi Frog, bem Probeässe (mer hend euses jo no ned gha) do muessemer säge was mer wet probiere oder wie genau goht das so vorsech? (Sorry wenn das e doofi Frog esch )

Valey also ech fende dini Teschchärtli schön ond ech fends persönlecher wenns no öbis vo Hand gschrebe hesch, aber ech verstoh au dini Zwifu das goht mer au so! Be emmer rächt kritisch...

Lus das esch doch guet wener sech so Gedanke macht ond närvös esch! =)

• Zitieren

@elea wow, mega fein gseht das ässe us. wo siter gsi? dönt sehr guet, dass sie eso uf eui wünsch igöh. das freut mi für euch. isch immer schön we me sech ufghobe füehlt und merkt, dass es em resti und em personal ou wichtig isch dases guet chunt.

@Apple Oh je, ich hoffe es klappt alles noch rechtzeitig. So ein Stress vor der Hochzeit ist sehr unangenehm und ich drücke dir die Daumen, dass die neue Anwältin vorwärts macht mit der ganzen Sache.

@Lus jööö, so härzig din GG. Voll närvös. Mir hei ja üses Gspräch scho gha und es chöme auso keni unagnähme frage. Meh muess nur es Formular usfülle wo me bestätiget, dass me ned bereits verhürotet isch, ned verwandt mitenand isch und das me us freiem wille hüratet. Keni Fangfrage

@valey auso i finde die chärtli wo du gschriebe hesch sehr schön. Aber ou die vo Etsy sind mega schön. Sälber gschriebe isch halt persönlecher und es luegt sicher niemer druf öb en buechstabe wackelig isch oder ned. Hesch scho mol din GG gfraget? I würd das mache wo di am wenigste stresst.


@me Mini Dekorateurin het sech leider gweigeret mini Gastgschänkli und Namenschärtli zverteile. Das längi ihre ned vor Zyt und i sell doch mitem Personal vom Resti luege. Das het mi e chli stutzig gmacht. Die muess meh doch nume häre due? Das brucht doch ned viel meh zuesätzlechi zyt, oder?

• Zitieren

@MsJenaya
Danke dieses hoffe ich auch!

Mmmh, finde es komisch das die Dekorateurin das nicht machen will. Ist doch schließlich ihr Job!

• Zitieren

Msjenaya
megaa komisch wieso well sies ned mache?? eusi tuet au alles verteile
wer hender de gno??


Ladys also wenn ehr säged mini Schrift chamer würkli aluege und kärtli send guet bstelli sie suscht so
isch glich en unterschied vo 70 fr...

• Zitieren

morgä zäme!!
bin au mal wieder da...
hey eu allne schients guet zgah, ihr händ ja wieder en zug druffe mit schriebe..

ich bin gester mit gg in konstanz gsie. händ all eusi letschte päckli abgholt!! mmmmhhhh, d'candy buffet schläckware sind au cho! han ja unter anderem es kilo roti gummibärli bstell... wenn ich mir jetzt aber vorstellä wie gross die gläser sind wini han und die mängi a gummibärli gsehne, denn hani definitiv zwenig. das gseht ja denn au affig us wenn nöd mal en drittel vom glas gfüllt isch... hmmmm.....

• Zitieren

das wäre doch eine tolle idee apple!!

• Zitieren