@styling: mich wird e gueti fürndin vo mir schminke, sie isch makeup artist. dd'frisur mueni no luegee. sie hät das i ihrere usbildig au glernt, aber es chunt druf ah für was füres chleid ich mich entscheide und dementsprechend wie ufwendig denn d'frisur isch. sie hät gmeint wenns nöd öpis mega schwierigs segi woni möcht, denn macht sie mir d'frisur au no. suscht hetti no e kollegin wo coiffuse isch. vo dem her bini guet versorget ;-))
d'nägel macht mer e anderi fründin wo es eigets nagelstudio hät. das isch zum gglück kein oder en chline chostepunkt bi eu. da bini au mega froh drum ;-))

Ein Paar seit 16.10.02, verlobt am 14.02.12 und geheiratet wird am 24.08.13

• Zitieren

@Nemo

Wow, da hesch jo mega Glück mit dine Fründinne :)
Ich ha leidr numä hauptsächlich Bürogummis um mich umme ^^
Odr Handwerker :P
(mir chunnt grad in Sinn dass grad diä Handwerkersparte nit so guet isch für de Hochzytsstriich... Ich hoff die ruume eus nit diä ganzi Bude umenand odr mache e Muur vor diä Tüüre )

verliebt 25.05.2010 verlobt 08.04.2012 verheiratet ab 13.03.2013

• Zitieren

@ nemo, das isch würklech ärgerlich.. bi üs gsehts aber gred gliich us! mir hei gester üsi absoluti troumlocation fürs fest gseh, aber dene ihri pacht geit nur bis im oktober und me chönnt ersch ab denn wieder fürs 2013 reserviere.. i gloube mir maches itz so, dass mir amene andere restaurant die situation erkläret und scho mal provisorisch reserviere und fallses de am andere ort gäng, würde mir dert bscheid gäh.. so hätte mir im notfall gliich öppis, falls de no was schief geit..
aber i hätt eigentlich o wöue, dass bis endi mai alles klar isch.....

@ ladywolverine, ja also i mache denn alles bim coiffeur. mini schwost wo säuber "nägelet" macht mir d nägel und d frisur und make up lahni mir im salon la mache.. i maches zwar süsch o säuber, aber i cha mir vorsteue dasi a däm tag chly zitterig chönnt si.. und es isch doch o schön, s mal eifach gsorget z gäh und z wüsse, das chunnt perfekt!

• Zitieren

ja das isches wükli, aber ja nu, chammer nüt mache. mir wüssed nöd emal, ob sie überhaupt trauige mached a dem samstig wo mir s'fäst plant händ. sie mached ebe meistens nur ein samstig im monet trauige...voll doof. mir wänd ebe noimeds hürate, wo mir mit de ganze gsellschaft ine chönd, will das ja eusi grossi akt isch. mir hürated ja nöd ide chile.... darum wemmer alli lüt debie ha. es isch aber mega schwierig öpis zfinde, wommer mit 100 lüt ine chan.

Ein Paar seit 16.10.02, verlobt am 14.02.12 und geheiratet wird am 24.08.13

• Zitieren

@nemo: genau das wenn miar au, well miar nid kirchlich hüroten. miar wenn dafür dass an der zivila trauuig alli lüt drbi sin. 62 persona

****Ziviltrauung 26.7.2013 & Zeremonie in der Woche darauf auf hoher See ****

• Zitieren

wir heiraten im schloss sargans:

http://www.schlosssargans.com/bankett-ho...pelle/index.htm

döt hen ca. 75 lüt platz. miar werden alles döt macha, trauuig, apero und nachtessa + party.


****Ziviltrauung 26.7.2013 & Zeremonie in der Woche darauf auf hoher See ****

• Zitieren