aha okey, das esch jetzt en cheibe verzwickti sach... ehr wärdet bi dene iladige scho chli vom päch verfolgt...

• Zitieren

ou nei himbeer, nimmt denn das keis end?!? hmmmm, fallt mer au grad kei lösig ii... ussert äbe dass sälber öppis machsch und denn uf schönem papier drucke lohsch. isch jo gstört, 600 stutz wenn me ned mol d schrift cha läse!?!

fami, das hesch wirkli schön gschriebe! es goht glaub allne ähnlich! demfall darf mer sich scho uf din bricht freue! uh, ich wett au, mag langsam nömm warte!
hihi, am mittwuch sind mer jo ufs zivilstandsamt, und am zischtig obe hed mi gg immer gseid: morn gömmer goh hürote, morn gömmer goh hürote ech ha ehm de gseid das stimmi jo gar ned, isch jo nur s ehevorbereitigsverfahre, und er hed de gfunde, es stinkt em langsam z warte, das sell jetzt ändli los goh süscht seid er jo ned so viel zum ganze und loht mech vieles loh entscheide, aber offebar beschäftigts ihn gliich au chli

• Zitieren

ich bi ziemlich im zitdruck wäg de iladige. mir hürated am 14. september und sie sind nonig mal druckt :-(

ich frög mi eifach warum dasses so schlecht druckt. sie häts genau glich gmacht wie eusi save the dates und die sind guet usecho. cha mer fast nöd vorstelle dasses a de date ligt.

• Zitieren

hmm... de wördi das de Druckerei aber so emol sege. ebe dass du der ned chasch vorstelle dasses ade date liit. velecht liit de fehler jo bi ine?
ui verstohni dass die iladige entli wetsch dosse ha....

• Zitieren

ou nei himbeer, das esch jo doof! dir heit schön es zügs mit euchne iladige. aso eg finde, dass d'druckerei eigentlich zerscht hätt chönne alüte, bevor dass si euch es guet zum druck schicke. die hei jo sicher au gseh, dass es nid schön druckt gse esch. hmmm, komisch! blibt der äuä nüt anders übrig als uf dini kollegin zwarte wo grafikerin esch. eg würd jetz nid i aller eile öppi säuber zämestöue. uf es paar täg meh oder weniger chunts jetz würklech nümme druf a fendi.
e hoffe, dass es bald möglichscht chasch löse.

wos hüt zwölfi gschlage het esch mer grad i sinn cho: hey, hüt e genau 5 wuche beni scho verhürotet. läck, ha grad hüehnerhut übercho und es chribbele im buch gspürt. e freue mi eifach wahnsinnig und mag fasch nümme warte.

morn goni go d'bluemedeko, brustruss und astecker bstöue. juhuuu, e freue mi scho. das esch öppis schöns zum erledige, und glich beni froh, wenn au das wieder gmacht esch.

• Zitieren

ja das stimmt ebe au dandi, ich ha au kein nerv me zum jetz namal vo null afange. susch gfallts mer ja eigentlich.

• Zitieren