ou elea, das tued mer jo leid! ech verstoh dech seeehr guet!!!!!!!!! wo mer letscht johr eusi hochziit bekannt gäh hend, esch de papi vo mim gg grad anere chemo gsii, a de letschte. er hed det scho 10mönet therapie hinder sich gha, leider erfolglos. ech gseh und ghöre ehn hött no, wie er sech gfreut hed öber eusi nochrecht! er hed de zo mim gg gseid, er möissi gar ned meine, er chönni ohni sine vater hürote... (läck, jetzt hocki do und hüüle...) leider ersch sine kampf 6 woche spöter z änd gange. er hed sich aber bis am schluss wie verruckt as läbe klammeret, bis es eifach nümme gange esch, bis er au nümm hed welle will er so glitte hed.

mer hend, wo mer eusi hochziit planet hend, gwüsst dass es so cha cho. mer hend aber au gwüsst, dass es au no länger cha goh, dass er euses hochziit no erläbt oder dass er ebe grad chorz vorhär stirbt. mir hend de eifach eusi plän durezoge, will me weiss nie was passiert, wies use chund und ändere cha mers au ned. ich be froh, isch zwüsche sim tod und euem fäscht jetzt chli ziit vergange. und gliich wird das schicksal eus a eusem tag begleite...

ich wünsche euch sehr, dass dim gg sis grosi no darf a euchem grosse tag debii sii. wenn das ned de fall isch, denn glaub ich aber au ned, dass ihr nur es truurigs fäscht wärded ha. sie wird bi euch sii, und ihr wärded sicher au truurig sii, aber ihr werded euch au chönne freue. freue, will ihr sie so gärn gha hend und sie euch, freue will ehr wüssed, dass sie erlöst worde isch vo quale und schmärze, freue, will sich irgendwenn im härz es gfühl iischlicht, wo eim einersiits truurig macht und anderersiits eifach es gfühl vo grosser dankbarkeit uslöst für alles wo gsii isch, aber au für alles wo me hed und alles wo no wird cho. ich chas nur schlächt beschriibe, ich hoff du verstohsch was ich meine.

ich verstoh dech und dini ängscht sehr guet, aber ich wett der eifach säge, sälbscht wenn s grosi nümm debii cha sii, ihr wärded es schöns, emotionals und glücklichs fäscht dörfe verbringe, das glaub ich ganz fescht!

• Zitieren

nicht registriert

@sonne13
ou das duet mer ou leid wägem papi vom gg! s git eifach scho unfairi sache uf dere wäut
aber du hesch so schön gschribe! wow.....
itze bini ou grad truurig

• Zitieren

elea tuet mer so leid wegem grosi
verstoh dich voll...

los es isch überhaupt ned bös gmeint vo dir... weis was du meinsch
gnüssed eifach die zit med ehre.. und i hoffe mega das sie a euem tag no cha debi si..
und wenn ned de dass sie eifach en schmerzfrei zit hed..

und es wird bi eu gar keis trurigs fest glaub mer...
sie heddi das ja ned welle... und d lüt send de glich glücklech für eu..

a mim gg sis grosi isch letsch jahr au gstorbe und mer hend für paar täg spöter es riesigs fest plant für sin papi... und stimmig isch glich dett gsi
und all hend glücklich gfiired...

schick euch ganz vel kraft

• Zitieren

Elea du darfsch au "angst" ha ond verunsecheret si, das esch kei autäglechi Situation. Das esch normau dasst Gfühu de Achterbahn fahred....Es esch werklech so Fröid und Leid lid so nöch binenand...

Sonne sehr schön gschrebe, tued mer werklech Leid wäge dim GGs Papi...du fendsch ergendwie emmer die rechtige Wort Sonne...

• Zitieren

Oje Eve das tued mer leid, esch werklech grad onglöcklech...

Es send zwar zwe verschedeni Situatione aber Elea und Eve ech be öberzügt euchi Hochzige wärded trotzdem sehr schön und metere guete Stemmig si...

• Zitieren

Jö merci Canoa, jo ebe ich glaube au das wird sicher glich schön, s esch eifach irgendwie ganz e schrägi Konstellation...... vor knapp 2 Johr het sie ghürote und jetzt wo ich dra bi esch sie wieder ledig, het natürlich im erste Momänt wo d Trennig bekannt gä worde esch liechts Drama usglöst bi eus i de Familie will mir das überhaupt ned "kenned". Aber s het sich wieder beruhigt und dänke s esch guet dass d Trennig paar Mönet vor eusere HZ gsi esch damits alli chli händ chöne sacke loh...

• Zitieren