nicht registriert

@canoa
i wirde uf sunnecreme verzichte. i ha äbe angscht, dases ds chleid verfärbt u im gsicht hinterlat sunnecreme ja sone komische glanz...
i wirde de äue meh chli am schatte na schliche (bir hitz eh besser) und weni lang ad sunne mues brucheni e schirm

• Zitieren

himmelpunkt.. mini erfahrige send so... i ha mol sones doffs Shooting müsse mache före kolegin ond do hends mi professionell gschminkt. ond di hend mer brutal züg es gsicht gschmieer. of de bilder hets ganz natürlich ond toll usgseh. aber woni de hai cho be zobe hets mi frönd fasch us de socke ghaue. aso em negative senn welli mis gsecht eifach wörkli voll make up gsi esch.
natürli wemmer alli guet usgseh of de föteli. aber mini meinisch do dezue esch eigentli, dass es mer wechtiger esch dasi a dem tag guet usgseh weni i spiegel luege ond ned dassi es make up ha wo of bilder guet usgseht.
wet das mi frönd me a dem tag wonderschön findet ond ned dasser verschreckt wege all de make up. of de föteli gsehts jo de so oder so guet us denki! :)

be do ehner bez der meinig, less is more ;)

• Zitieren

@himbeer: Machschs in dem Fall so wias d Kosmetikerin gmacht het? Hets diar denn gfalla, wenns im Tagesliacht agluagt hesch? So richtig krass hann is erst gfunda, wo miar versuacht hend, selber as ainigermassa schlaus Fotti herazkriaga und das aifach nit het wella klappa (liggt villicht au an üsana Fottikünst...) ...

• Zitieren

tagesliecht hani nöd würkli gha, es isch scho relativ dunkel gsi und recht bewölkt. aber ich schmink mich oft für in usgang au chli i dem stil und drum hanis nöd sehr schlimm gfunde, eifach stärker als ich halt zb am tag usegang go schaffe oder so.

bi mir händ d bilder eigentlich guet usgseh, händ es paar mitem handy gmacht und min nachbar mit de profikamera isch au no verbicho. det gsehni sogar sehr natürlich us lustigerwiis :-)

• Zitieren

jo, stimmt scho! Miar isch as durchus au wichtiger, an dem Tag guat uszgse oder mi zmindscht so z fühla dass is tuan
Mini Kosmetikerin het halt gmaint, weniger schminka tägi ma für as Hochziit nit... Waiss nit, ob d Kosmetikerin das überhaupt macha wür... also aifach weniger schminka...

• Zitieren

also das findi chli komisch... "weniger schminke tuet mer nöd". cha doch jede mache wie er will? wer seit denn, was mer amene hochzit mache MUESS und was nöd? und du zahlsch, also befiehlsch au. da würdi scho öpis säge. sie söll dich doch zerst mal wenig schminke und denn cha mer immerno chli meh druftue. und wenn sie nöd weniger schminke wott würdi e anderi sueche.

• Zitieren