| Bräute 2013 |
|
|
1 .. 1260 .. 2517 2518 2519 2520 2521 .. 3139 .. 3757
|
Lilly4  am 22.07.2013
Re: Bräute 2013
herzlichi gratulation manokasa  freu mich uf dini fötelis und dä bricht!
han au dänkt gha: wow, eso wärs fascht bitz zu heiss  aber mer muess
froh si wenns nöd regnet  isch ja keis wunschkonzert mitem wetter, leider!
hihi, das mitem steckbrief isch wüki no e cooli idee, interessant ...
machi au grad mit:
min name isch laura, bin 27gi und wohne im zürcher oberland, min schatz isch
im 2009 zu mier id stadt zoge  aber wot au gli mal öpis anders gseh, nöchscht
jahr wird dänn züglet, sofern mer öpis passends findet  zäme simer sitem
2006, verlobt sitem 30.06.2012 (schmetterling: ) und
ghürate wird 'zivil' am 23.08., chirchlich am 31.08. (z rappi ) bin grad geschter
wieder gsi, hach ... :-)
mini hobbys sind schwümme, fein esse, mit mim schatz, fründe und familie zäme si
und irgendeinisch wämer eus no en hund zuetue (sobald mer mal chli meh ziit händ
und ich z.b. weniger schaffe wird) isch so chli en traum vo mier ... das wird dänn es
zuesätzlichs schöns hobby :)
ha no en ältere brüeder (31gi) wo no single isch ...
schmetterling:
mir werdet au s eint oder ander mit schmetterling ha, ha zwar chli müesse ufpasse das
es nöd zviel wird, suscht hät dänn min schatz afange umemötzerle, aber händs jetzt
glaubs schön im rahme ghalte! was häsch du dänn so gmacht gha?
|
|
|
himbeer  am 22.07.2013
Re: Bräute 2013
iiich mag au nöd, bi no müed vom weekend. gester händ mer no eusi iladige fertiggmacht, ich has vorher grad igworfe. bi eus sind die wuche 3 lüt i de ferie, es isch also sehr ruhig im büro. ich hoff ich cha die zit chli nutze zum es paar hochziits-sache erledige.
|
LucyLu am 22.07.2013
Re: Bräute 2013
Juhuuuu himbeer, freut mi für euich das eui Ihladige endlich use händ chöne!!!
|
apple-pie am 22.07.2013
Re: Bräute 2013
Wir waren das ganze Wochenende über in meiner alten Wohnung und haben den Umzug weiter gemachte, nun müssen wir nur noch eine Fahrt dort hin machen um die Wohnung meinem Vermieter zu übergeben und dann können wir endlich abschließen.
Heute werde ich ein paar weitere Kisten auspacken und nochmal das Budget für die Hz berechnen!
|
schmetterling84  am 22.07.2013
Re: Bräute 2013
@Lilly: am 30.06 muess öbis i dr Luft gsi si :-)
Thema Schmetterling: also mir hei uf dr Iladigskarte e Schmetterling gha, denn si d Tischkärtli Schmetterling gsi, als Tischdeko ha ig so Baumrinde-schmetterling gha, i de Strüssli vo mine Bridemaids hets sglitzer Schmetterling gha und s Partybrot isch e grosse Schmetterling gsi und natürlich isch d torte verziert gsi mit Schmetterling. Weiss nid öb du s Video uf Youtube gseh hesch vom DJ Benz vo euserer Hochzyt, aber dört gsehsch s Vorspiesebuffet, das si alles so Figure gsi und bim Dessertbuffet, si d Frücht ufgschnitte ufmene Schmetterling gsi.. Also es isch nid sooo Schmetterlinglastig gsi wies jetzt tönt, aber mir isch wichtig gsi, dass er vorchunnt i de Details. Uf em Video würdsch au d Tischdeko gseh...
Ohoh, hüt gits e heisse.-.
|
himbeer am 22.07.2013
Re: Bräute 2013
ja das freut mi au mega, und sie sind würkli mega schön worde. au min schatz isch voll begeistered :-)
eusi gäst händ jetz halt nur 3 wuche zit zum sich amelde, aber das sött ja eigentlich vorig lange.
|
Canoa am 22.07.2013
Re: Bräute 2013
ohhh Himbi sooo schön jetzt send euchi Iladige au uf de Post...dänkes au dass 3 Woche förig länged...! =)
Me: mer hend gester güebt tanze, esch rächt guet gange, jetzt suechemer eifach nos passende Lied zum Walzer...Idee send härzlech willkomme...
De hemer no abem YouTube Video de Gangnamstyle probierte, auso mi GG hed gmeint, das esch jo gar ned so eifach...haha...aber chond guet jetzt sends no 40 Täg bis zum "uftrett" das setemer scho änebecho...
|
Mona83 am 22.07.2013
Re: Bräute 2013
ah lüt han wiä ihr au kei motivation. Freu mi nur uf d Badi am mittag und uf de firabig.
|
Lilly4 am 22.07.2013
Re: Bräute 2013
schmetterling:
ja, irgendöpis isch gsi am 30.6.
mini kollegin isch dänn au mit ihrem schatz zäme cho hihi
ah nei, das video hani nöd gseh !! was muessi dänn igäh?
würi jetzt gern schnell aluege ;-)
ok, tönt aber alles uh schön bi eu! mir händ au es paar sache ...
also t namenstäfeli sind schmetterling, dänn uf dä menücharte
häts au bitz schmetterlings züg und dä plan mit dä sitzordnig
wird dänn au mit schmetterling verziert si ... t menücharte vo
dä chind sind au schmetterling :) meh hämer glaubs nöd, aber
das langet au, finds ebe uh schön !!!
|
Emma13 am 22.07.2013
Re: Bräute 2013
@Canoa WAAAASSS nur no 40 Täg???
uii... hans gar nöd realisiert gah.. 
|
|
|
1 .. 1260 .. 2517 2518 2519 2520 2521 .. 3139 .. 3757
|
Anmelden
