wow lus dasch mega decki poscht! donkt mi recht ego wenn dini TZ so öbers fescht red! das ghör sech gar ned! i denke am beschte wers wenn ehr zeme wörde hocke no met enre 3te Person wo chli zwösche euch cha vermettle. aso vorallem dass si vo öperem 3tem ghört dass es momentan ned om si goht sonder om dech! ond wenn si es Problem het sell si das met sehc usmache und ned dech stresse!

• Zitieren

Lus, das tuet mär echt Leid... verstahn aber würkli nöd warum dini TZ so blöd tuet ('tschuldigung) das gaht doch gar nöd, ä paar Wuche vor de HZ hesch du doch alles anderi im Kopf und de Polterabig sött ja für dich sowieso en Überraschig si, wenn sie demit es Problem het denn muess sie's sicher nöd bi dir uselah! Du hesch sicher grad gar nüd falsch gmacht, dini TZ müesst da bitzli Abstand chöne neh und au wenn sie das verletzt het, denn sött sie das bitte imene andere Ton säge und ganz sicher nöd vo Scheiss Fescht und so rede, das wür mich au trurig mache, gahts no? Du muesch dich chöne freue uf eue Tag und eso vermiesischs dir selber.... :(

Aber du hesch vollkomme recht, ihr müend das definitiv unterenand kläre...

• Zitieren

wiso esch das dini schold wenn ehr müehsami gäscht hend? sorry, du besch di aller letscht Person wo do öpis deför cha! de gebts 50persone wosi vor her sell de fruscht abloh!aber secher ned ader, de brut!!! be eifach der meinig das sech doch alli sele zemene und em Brutpaar selet en onvergesslichi zit schenke (ned nor ei tag!!!!)
lus du musch ke angst ha dass du öpis falsch machsch! wel das machsch secher ned!!! hesch du ere eigentli mol gseit dass si der d vorfreud ofs hochzit nemmt met erem verhalte? glaube ned dass ere das bewosst esch!!!

• Zitieren

nicht registriert

mi gg het haut mitbecho wie sehr mi das belaschtet... ha vieu grännet, truurig gsi, durchfall gah... so sache belaschte mi enorm! u ihm hets itze dr nuggi usegjagt und er het mer vori gschribe er liebi mi vo härze u chönns nid gseh wie mi das kaputt machi drum wöuer ga rede. s chönn nid si dass es üse tag kaputt machi - wäge nüt!
s isch vieu vor vorfreud kaputt gange so. u he, es geit hie ums organisiere vome polterabe - das isch doch ke grund für so vorwürf u we niemer mit mir redt weisi ou nid was aues derhinder steckt oder was mir gnau vorgworfe wird!
mau luege was mi gg cha richte hinech, i hoffe nume, dr schuss göng nid gäge hinde use.

• Zitieren

Jöö Lus, ich find das uu süess vo dim Schatz... und vilicht isches au kei schlechti Idee dases ihre öper andersch klar macht was grad Sach isch... also bitte, en Polterabig, es söll doch öpis luschtigs si und wenn's niemert z'Stand bringt denn söll märs eifach sii lah (also so wür ich ticke) mir wär das so egal wers organisiert, öbs überhaupt öper organisiert, wenn's nöd gaht ohni dass da öper hässig isch, denn verzichti grad lieber ganz druf... isch würkli Schad wenn so öpis die ganzi Vorfreud vermiest und du so drunter muesch liide... hoffentli chunt das bald wieder guet...

• Zitieren

absolut lus, hürote chasch schlimmste fall au ohni se. wenn mer öper wörd sege er esch froh wens verbi esch de wördi denke, seller doch lieber dehai blibe wenns sone qual esch... aber muss jo ned nome salz id wonde streue esch super luegt din GG jetzt!!! i hoffe wörkli mega fest dass si zor Vernunft chont ond sech jez doch no 3 wöcheli mag zemerisse bevor sech de d welt weder om si döf dreie.. :)

• Zitieren