guete morge mädels

ja, ich glaub jede hät so chli sini 'problemlis' ich han mi leider au immer wieder
müese ufrege, vorallem hani viel s gfühl gha dass die andere meinet sie chönd
für eus entscheide, wie mer was muess mache und was sich ghört etc., aber
mittlerwilä gaht mer das am ... verbi

betreffend chind, mir händ extra e professionelli chinderbetreuuig organisiert,
t chind werdet au im nebetruum si, so chönd die erwachsene dä abig und s esse
gnüsse, miteme guete gfühl aber, da ihri chind betreut werdet ... für eus isch jetzt
das di bescht lösig gsi! aber ebe, wenn öpert kei chind am fescht wet, dänn muess
mer das akzeptiere und wenns eim nöd passt, eifach nöd cho ... so eifach isch das!
gläschteret wird eh immer und sicherlich au a däm tag selber oder danach, am
beschte eifach nöd z herze näh ... so guet wies halt gaht! aber scho mega mühesam
amig !

hüt sinds no genau 2 wuche bis zum zivile, uiuiui :)))))) luus hehe ... bisch scho uf-
gregt? linksabbiegen? (ihr hüratet ja au am 23.08., gäll?)

• Zitieren

sonne, jo mer hend au ke frömdi ade hz welle. drom hemmer au mi best koleg ned igalde. er het e fröndin woni ned so mag und mi frönd ned emol kennt. elei chasch jo öper schlecht ilade und so hemmer knallhert gseit, guet chont er halt au ned. i weis mer send do sehr extrem

da met dechind esch au sone sach. 2 bi eus hend chlini Babys. di eint het mi gfrogt wie mer das wend ha. de hani ere gsiet si döf das entscheide, i wells eifach gnue vorher wösse, ond das het super klappet. di ander weiss bes jez nonid ob si de goof wet metneh oder ned... das nervt mi bezeli... die sel sech mol entscheide,. wenns desi cha wiso denn si ned... :/

• Zitieren

muss sege, dasch so bez mini gröschti sorg, das ade trauig d Babys afönd schreie. alli seget mer Emmer, jo d müetere gönd de secher use metem Baby. aber 1. semmer jo scho dosse ond 2. hanis au scho paar mol erlebt dass d müetere eb ned use send well si d hochzit ned hend welle verpasse.... fendi bez egoistisch weni ganz ehrlech be....
hoffe die Babys schlofet denn :)

• Zitieren

so muss chorz bez dampf abloh.....
set mer verlobt send chöme vo allne site Emmer so loschtig gmeinti (aber eigentli total doofi) spröch vo wege "uh Sender euch secher?" oder zo mim frönd "öberleggs der guet"... ond i ha das Emmer met emne nette lächle Abdo... obwohl is total unpassend fende. jede meint sini spröch sige mega loschtig aber wend zom 10te mol ghörsch "musch luege nach de hochzit wird dini frau de zonere hex" de eschs eifach ergend einisch nöm loschtig...
ond jez höt nervt mi ein koleg grad gwaltig. er esch wörkli set 10johr en super koleg vo eus beidne, ond er esch no imene alter (24i) woner vo hürote etc no nüt wet wösse... ond er seit das au Emmer das fendet er domm etc. bes jez hani no chöne dröber grinse aber höt chont es whatsapp (mer hend sone kolege Chat zeme woner dri schrib, jo mi frönd wird de au no gnue früeh merke das hürote en schissdreck esch! ond de wird ehr der nor müsse Geld abdröck wenn ehr euch lönd lo scheide...blablabla"
i weiss dass ers nor as wetz meint ond er halt eifach nonid i dem hüroti alter esch. aber sorry, er esch gast uf eusere hochzit wo imene monet esch und seit so züg? wi gseit au wenners ned bös oder ernst meint verletzt mi so öpis mega!!!!!!

kennet ehr so spröch au?

• Zitieren

oh je, elea das esch jo mega dernäbe. sone spruch loht me jetz eifach nid lo gheie, das esch me aus gemein! eg würd ihm mou ganz klar säge, dass är söu mit dene sprüch ufhöre wöu di das verletzt.

be eus gets zum teil scho au so sprüch, aber nie so heftig wie jetz dä vom dim kolleg. aso dä fendi scho heftig!

• Zitieren

Mich macht de spruch bzgl. Er het d höll, sie dr jackpot... Ich finds schlimmer, wenn me immer drvo usgoht, dass sie schwanger sie muess, damit me hürotet... Irgendwie glaubt niemert, dass me au us liebi hürote chan...

• Zitieren