Du oder dini trauzügin? Will i han irgendwie festgstellt, dass i kai nerva han zum an dem tag öppis z mache, organisiere oder suss eswas... Ich bin jetzt scho nervlich am bode :-(

• Zitieren

nicht registriert

Guete Morge liebi Froue

@lucylu
hihi so passiere überall chli panne gäu.... aber solangs nüt schlimers isch - houptsach dir heit chönne drüber lache

@me
i hanech e hufe z verzeue!
Am Fritig abe simer ja no mit de Trouzüge id Stadt ga Makeup choufe. das isch perfekt gsi und mir hei z richtige gfunde! Hei de no e u luschtige Abe gha u hei no öppis gässe. Si de mit em Auto hei - was denn nid gwüsst ha isch, dasmer für die eigentlech 30 minute autobahnfart när ganzi 3 stund wärde ha
Churz vor dr Autobahnusfahrt womer drab müesse het eine vor rächte spur eifach übere gha wo mir ihn grad am überhole gsi gsi. er het üs äue eifach nid gseh?! i ha nume no gmööget "achtung" und scho hets tätscht! mit 120 tempo duets das aso übu. dr ander hets de vor üses outo gschobe, u 2-3 mau dräiht bevorer ir leitplanke isch blibe stah. mi gg het super reagiert, isch vou uf d bräms und het no id leitplanke gha damit mir schnäu blibe stah und nid nomau i ander fahre. si de ufe pannestreife gfahre und usgstige. i ha äue no nie i mim läbe so zitteret, das het mi nume no düregschüttlet! Ds andere Outo het totalschade.. aber wie useme wunder isch niemerem vo üs öppis passiert! d polizei isch de cho u de hei när d befragige agfange. da d unfallversursache us pole chöme isch das nid grad eifach gsi.... zumau si genau ds gägeteil vo üs behoupte!!! d spure am Outo, üsi ussag und ou d brämsspure si aber eidütgi. Das aber verschideni ussage git, gits itze no e zügeufruef! Dr ander fahrer isch azeigt worde und hätti grad söue d buess hinderlege wüuer usländer isch..... het aber kes 5i gäud bisech gha. drum heisi die zwe mit em outo grad mit uf d polizei gno. mir hätte de ou chönne gah aber erscht da heimer gmerkt, dass mit üsem outo ou öppis nümme stimmt. hei de emu dr abschlepper ou no müesse ha (dä het ou doof da, het gseit, üsi versicherig düeg är nid unterstützte - entweder barzahlig (Fr. 380.--) oder Kreditcharte! ) isch no grad ds tüpfli ufem i gsi... jedefaus simer de hei mit em abschlepper und üsem kaputte outo u i bi eifach nume no is bett gheit. ganzi 3 stund hani ufem pannestreiffe stehend verbracht. üs macht itze sorge, wär dä schade a üsem outo (ca. 8'000.--, karrosserieschäde und länkstange broche) zahlt. d polizei het nume gmeint, die kenni de nid die gliche versicherige we mir.....chönnt aso no es langs gstürm gäh... aber houptsach, mir si alle heile blibe!
I ha immer über üses outo gfluechet, es sigi z gross unds chlobig. froue, am fritig bini dankbar gsi drum und i wirde nieee meh öppis säge
http://www.police.be.ch/police/de/index/...onbeiueberholen

Zur Abwächslig itze aber no luschtegi sache:

Mir hei am Samschti no familiefescht gha. derbi isch ou dr cousin vom gg gsi, wo dä samsti hüratet. er het üse de ou nume gfragt öbmer de nid ou froh sige wenns de düre sig mi hets ja fasch butzt vor lache

När hani no es tel. becho vo mire schwo: Mini Schwo isch ame Hochzyt gsi vore Kollegin. Dete wo si ds Fescht hei gha isch ou no es anders Brutpaar am fiire gsi. Ufsmau sig es riise gschrei gsi am abe und mer heig d brut gseh mööge und flueche "das fat ja guet a sooooooo!!!". si sigi de wüetig ines outoghocket (im Brutchleid!) und devorgfahre aber wit ischsi nid cho, witer unde bim parkplatz sigsi wider usem outo usgstige (si het öue gmerkt, dasmer so nid cha fahre) und het witer gfluechet...
isch nid e ideale start is eheläbe so gloubi - i hoffe nume, es sigi kes forum-brütli gsi?

@hochyzt
morn heimer no ds 1. standortgspräch mit de trouzüge. bi sehr gspannt und es wird mi de öppe beruhige, weni gseh, dass vieu scho erlediget isch!!!

wie isch öiches wucheändi so gsi?

Zuletzt bearbeitet am 12.08.13 08:06

• Zitieren

nicht registriert

@valey
ja gäu, houptsach es isch niemerem öppis passiert! u glich, i wett nid ufem schade müesse blibe hocke. hüt heimer de fange es gspräch mit üsere versicherig - irgend es ersatzouto müessemer ja ha aber äbe, wär zahlt dä ganz seich.....

ja i ha ar kosmetikere abgseit u si isch när zur trouzügin übere (die wohne ja näbean) u ischere dr lippestift ga binge woni denn mau kouft ha. a mire trouzügin hetsi nume gseit "i bi froh chunnt si itze nid, i hättse nid anders härebracht...." mir chönnt ou meine wasi fürne strube haage bi

wie loufts bi dir? bisch ou im ändspurt?
NÖCHSCHT Wuche wird ghürate

• Zitieren

nicht registriert

@snet
i hoffe sehr für di, dass du i dere zyt im kloster so richtig zur rueh chunnsch!

nä äxtra heters gloub nid gmacht, schliesslech sötter ja wüsse dass d spure a üsem outo u d brämsspure ussagekräftig si...... i ha nume afange ghört, dases sone "versicherigspool" git irgenwie, wo genau söttig unteckti schäde de zahlt. isch gloub aber müesam bis dete gäud bechunnsch und e selbstbehalt vo 500 heig mer ou no uf au fäu chani dä schade vo 8000 im momänt unmöglech zahle... wott doch no hürate

• Zitieren