Guete Morge Zäme

Bi au wieder emol schnäll do. Hei Valeeeyyyyyy bald gohts looooooos uuu bi scho sooo gspannt uf di Bricht vo euchere Hochzyyt, s wird sicher traumhaft wärde !

@me: Boa Lüütlis bi grad sooooo angepisst! E Kollegin vo mir wo mir zu de Hochzyyt iglade hätte het eifach nie öpis vo sich ghöre loh. Ich ha gwüsst dass es ehre ned eso guet goht will sie's so mega sträng het bim schaffe und ich weiss ned rächt öb sie irgendwie e halbe Zämebruch oder es Burnout oder eso het. Uf jede Fall het sie scho ned reagiert gha woni sie gfrogt ha wägem Polterobe. Denn hani ehre gschriebe öb öpis ned ok esch zwüsche eus und sie het gschriebe nei alles i.o. sie mäldi sich eifach im Momänt bi niemertem. Oke, ha dänkt jetzt wart ich mol ab wenn d Amäldefrist abgloffe esch für eusi HZ. Die esch denn duregsi am 1. August, denn hani ehre gschriebe dass d Amäldefrist dure sigi öb sie mir bitte bis ändi Wuche cha säge öb sie chunt oder ned. Eifach KEI Reaktion. Ha ehre jetzt gester gschriebe ich gieng devo us dass sie ned chöni oder weli cho, keine Reaktion. Jetzt beni vorhär schnäll im Facebook gsi und gseh dass sie ehres Profilföteli gänderet het. Heisst also, sie esch offebar ned wie vom Ärdbode verschlückt sondern bewegt sich no i de soziale Netzwerk. Ha ebe zerst dänkt gha velecht gohts ehre so schlächt dass sie eifach gar nüm cha reagiere und das hätti mir ehrlich au mega leid do für sie und für das hätti au Verständnis gha. Aber offebar het sie sich jo ned total zruggzoge sust wär sie jo uf FB au ned aktiv?? Man ich bi grad soooo entüscht, verstoh eifach ned wieso ich kei Antwort überchome find das voll ned fair und s macht mi eifach hässig und truurig.

Sorry für de lang Ego-Post aber jetzt esch mir ächt fast de Chrage platzt!

• Zitieren

hey eve
ufff uere komisch mit dere kollegin... was isch echt los med dere
und wenn ehre mal alütisch?? nemmt sie de au ned s Telefon ab??
mega komisch... velecht gohts ehre würkli ned guet... aber goht halt chli im fb aber cha ja sie das sie ja dett med niemertem schribt od so
mega komischi Situation..... hoffe sie meldet sich no od. erreichsch sie...
hesch sie jez demfal ned uf gästeliste toh?



sonnee..
sorry ha vori vergässe schribe
dini kollegin do chunnt jetz allei demfal?? hed sie no was gseit??

• Zitieren

Jo ha ehre vor paar Wuche mol probiert azlüte denn het sie aber ned abgno, ha denn ebe dänkt jo allwäg cha sie ned tel. und gfunde guet denn machi ehre halt Mails / SMS. Und dass sies ned übercho het schlüssi jetzt au mol us, has ehre privat, is Gschäft und ebe per SMS gschickt. Und vorallem het sie mir jo ufs erste SMS woni vor paar Wuche gschickt ha woni sie gfrogt ha öbs ehre ned guet goht oder sie es Problem mit mir het au gantworet. Also ich chume ächt ned drus was das söll.

Weiss ächt ned, fühl mi irgendwie grad chli verarscht. Ha sie jetzt vo de Gästeliste kippt und jo ich wirde jetzt nüt meh unternäh zum sie kontaktiere s esch mir z doof .

Zuletzt bearbeitet am 13.08.13 08:33

• Zitieren

bi eus isch morn ameldeschluss und es händ sich scho es paari nonig gmeldet... gester sind zwar no es paar mails cho, mal luege wies wiitergaht bis morn. ich hoff ich muess nöd allzu vielne no nahränne.

haha mir händ doch i de iladig gschribe, d lüt sölled bitte es lied ageh wo sie uf tanzflächi triibt. jetz bini nüm sicher öb das sone gueti idee gsi isch, mir chömed mega witzigi aber total unterschiedlichi songs über, ich glaub eusi djane wird echt gforderet wenn sie würkli will all irgendwo iibaue :-)

• Zitieren

nicht registriert

@eve777
i cha dini enttüschig guet verstah....
wahrschindlech ischsi im momänt äue grad mit sich säuber überforderet u brucht eifach ruhe - trotzdäm findis nid fair, dasmer nid mau "danke für d iladig, aber mir geits nid so guet i chume nid" oder so öppis cha schribe! findi nid fair vo ihre. zumau - wes eim schlächt geit si fründe z wichtigschte womer cha ha - u so verscherzt si sechs grad mit dir, findi schad.....

@valey
hihi dä fium isch sicher super worde i wär äue im ärdbode verschwunde wemi aui hätte agluegt...

@me
hüt sis no 10Tag!!!!!!!!
Zum Glück heimer hinech es gspräch mit de trouzüge für dr ganz tag mau dürezspile....
ha geschter mi gg no üsi pendänze agluegt... dummerwis heimer de gmerkt, dasmer is die ganz wuche schüsch nieme gseh am abe.... am wucheändi geit ou nid, da hani coiffure, kleid abhole, polterabe und am sunnti gömer üses gschänkli bir schwigermueter ga abhole..... wellness ich komme
hüt morge hani no vor arbeitskollegin e kugele ufem pult gha mit sand drinne und us 20er und 10ner nötli gfalteti fischli dinne gha ha uuuuu freud

• Zitieren

huhu mädels

bin au wieder mal da :)

bi eus sinds au nur no 10 täg !!!!!!!!!!!!! hui ... t ziit rast !

die wuche hani ein termin nachem andere:

- chleid abhole (am sa. häts nöd eso ganz klappet)
- morn treffe mitem video-fotograf
- do. treffe mitem pfarrer
- sa. polterabig (bin ja z ibiza gsi) mach aber no eine da
z züri hihi

nöchscht wuche gahts dänn wiiter mit beauty termine :)
sogar min schatz chund mit id manicure hehehe ... und dänn
wird ghürate

eve, das isch wüki mega blöd weg dinere kollegin? isch es
dänn e engi? also ich wür mer dä stress nöd mache ... du häsch
där ja nüd z vorwerfe, sicher isch es uh enttüschend, ärgerlich
(han ich leider au müesse erfahre) aber häsch ja alles gmacht
was häsch chöne und jetzt liets nur a ihre ... entschuldige chönd
sie sich au no!!

• Zitieren