Hallo zäme!!
Mann sind ihr schriebwüetig gsie gester!!!
@STÄRDLI: Wäg de STD Charte: Ich schicke sie absichtlich so früe will denn no Ferieziit isch und so. Und d'Iladige mueni au relativ früe uselah, will mir no einigi Gäst usem Usland a eusere Hochziit händ, wo denn es Hotelzimmer bruched. Und die sötemer ja denn au bi Ziite chöne reserviere. Das isch de Grund. Suscht würemers glaub au ersch so im März schicke...

So und jetzt wünschi eu allne es schöns Tägli!

PS: Die Hompage mit dene Gschichtli stimmed hald scho es bitz ;-))

Ein Paar seit 16.10.02, verlobt am 14.02.12 und geheiratet wird am 24.08.13

• Zitieren

@suee, ouw dä Vergissmeinnicht-Struss isch ja dä Hammer! Muen ich mir au grad notiere für s Zivile!! hmmmm ich liebe Vergissmeinnicht und errinnered mich a mis Grosi!! Danke für s Zeige!!
Hmmm, weiss ebä au nid so genau. Sicher mal gäli Gerbera (passt dänn zu dä Sunneblueme) und dänn na suscht ei peppigi Farb...

• Zitieren

Guete Morge Mädels


@Sterndli: Danke für e Hiwis... Ha dr Link gad gspicheret! Hesch gseh, es git no zwöi 10ner Set mit Boxene für je 10 Franke?

@zibesa: Wow, Respekt, 600 Männer! Was machsch de Du im Militär?

@nini: Danke fürs ufkläre vor Lilie! Ha vori gad dänkt, das es sicher bi fleurop e Erklärig dine hätti.
Ha geschter im Coop bi üs "pinkigi" Gerberas gseh, viellech wäri ja ou das no öbis für Di?

@suee: Jep, geit mir ebe ou so, bi süsch nit so uf rote Rose, finde di wisse ebe gad so schön... Di rote wäre eifach für mi Schatz! Wäge miner chönti mi ou ei roti Rose für Ihn, drum mit wisse e es Härz u ums ganz ume blaui Hortensie, oder so...
Din Vergiss-mein-nicht Struss isch uuu schön, ha mir das ou scho überleit, aber i fändi ebe Glücksbambus super... Mau luege...

@purpurblume: Ha ne Glücksbambus dehei woni zur Konf brcho ha, u das isch jtzt doch 9 Jahr här... Viellecht wäri ja das ou öbis?

• Zitieren

hei hei guete morge

hai sind ihr da am schriibe... chume ja gar nüüme mit... ich bi gester mit mim schatz am Tiziano Ferro Konzert gsii... hans mega gnosse...

@ text da erkenn ich mich au wieder...ahhahah de isch echt guet :)


@ Blueme
da hani mier no gaar kei Gedanke gmacht... ich bin momentan meh mit anderne Sache beschäftigt... ich denke weg de Blueme gangi eifach mal zum florist und laa mi berate

@zivil

was mached ihr eigentlich am zivile? Mir mached nach de Trauuig en Apero mit de Verwandte udn nacher gönd mer mit de Eltere und de trauzüüge go esse...

• Zitieren

@Lula, ja di pinkige Gerbera würded mir au na gfalle, halt würkli ganz usgfalle für en Brutstruss, aber min GG heti ebä weniger freud a därä Farb!

@Suee, woni na ä chlini Bohne gsi bin, han ich mal därfä äs Blüemli usläsä und dänn bi ihne im Garte pflanze. Und ich han dänn ebä Vergissmeinnicht usgläsä. Ab dänn hät mis Grosi immer mal wider Vergissmeinnicht für mich pflanz,t bis sie fascht chli überhand gno händ. Äs isch dänn mal grodet worde, aber äs chömed immer mal wider welchi füre! Und immer wänni diä gseh muen ich a mis Grosi dänkä...somit wärs eich schön sie so am Zivile däbii zha!!

@Zivils Hochzig, mir mached das nur im ganz chline Rahme (Trauzüge, Eltere und Gschwüschterti). Han mer überleit dä Apéro bi üs dihaime zmache und dänn neimets fein go ässä. Aber suscht wänd mir nüt grosses.
Mir hürated vermuetlich öpä äs halbs Jahr vor dä kirchliche Trauuig zivil. Au äs Jahr söti keis Problem sii. Händ ihr scho vor bald zivil z hürate?

• Zitieren

.@ zivil

mier hüüratet am 014.02.2013 zivil und am 31.08.2013 kirchlich also au es halbs jahr vorher...
¨
was legged ihr ah am zivile? Ich wott es schöns Farbigs abigkleid... min GG kauft sich hüüt fürd Taufi vo eusem Gottechind am So en mega schöne grau silber aazug und de denkii chan er au am zivile alegge... gseht hammer us und isch ja no neu
ich wott es lila oder rossa kleid und das passt ja au zu grau.... chan ja denn dementsprechend e kravatte kaufe...

• Zitieren