| Bräute 2013 |
|
|
1 .. 1362 .. 2721 2722 2723 2724 2725 .. 3241 .. 3757
|
|
Lus nicht registriert am 19.08.2013
Re: Bräute 2013
@lucylu
hihi ja klar, ha äbe ou dänkt gha, i göng ds gäud fürne guetschiin ga ilöse 
dir dämfau no happy birthday.. hesch de grad geschter geburi gha? 
@emma13
ou nei, schad hesch ds chleid no nid chönne heinäh. aber isch besser wennsis no chürze schüsch hesch die perfekt stolperfalle 
und wäge dr nervosität: i ga hüt id apotheke öppis ga hole... i mues eifach chönne schlafe am abe, schüsch bini am friti de nid z bruuche  und i weiss scho itze, dasi de ganz weichi chöni wirde ha u das hasseni! aber he, nervosität cha ja ou schön si e bitzli uf jede fau.... chunnt scho guet
|
|
|
LucyLu  am 19.08.2013
Re: Bräute 2013
Danke Valey, ja isch gmüetlich gsi. d'Party wird am Samstig stattfinde 
Wegem Ziitplan, also mir händ ja am 19 de erst Gang serviere lah und händ bis am 21:30 gesse mit 4 Gäng. Zwüsched inne hämer kei Spieli oder so kah und ich muss säge bin froh gsi, die Ziit isch soooo schnell verbi gange. am 22 häts ä Fotipräsentation gäh und den isch scho 23i gsi wo den de Dessert cho isch und am 23.:30 isch de Eröffnigstanz gsi. Ich has gfühl kah de Abig hät schwups gmacht und verbi isch er gsi. Bin froh hämer nöd na voll Programm ka....
|
Emma13  am 19.08.2013
Re: Bräute 2013
@Lus ja ebe genau, han nämli müesse umelaufe und bin vorne immer ufs Kleid gstande, das chan gföhrlich werde :) darum hanis nomal det lah und hoffe würkli dases bis am Samstig parat isch, nöchst Wuche wetti nämli gar nüd meh HZ-technischs müesse mache...
Bisch au so nervös? Han au scho Beruhigigströpfli dihei, s het irgendwie gester agfange, bin am 5i scho hellwach im Bett gläge und han mir jenstes Züg überleit, und hüt morge genau glich wieder um di glichi Ziit..... muess au unbedingt schlafe suscht chunts nöd guet, chan aber au nöd 1,5 Wuche Schlaftablette schlucke ahaha
|
LucyLu am 19.08.2013
Re: Bräute 2013
@ Lus: ja gester hani Geburi kah, bin jetzt im Club der 30eer 
@ emma: oiuuu sooo doof wegem Chleid, aber zum Glück isch es dort ufgfalle das es z'lang sich, isch nämli doof wenn immer würsch ufs Chleid stah. Chunnt scho guet.
|
|
Lus nicht registriert am 19.08.2013
Re: Bräute 2013
i säuber ha z gfüeu i sigi nid nervös... aber mi körper zeigs klar..
buchweh, schlaflos, härzchlopfe.....
i mues die wuche schono bitz mache... bis u mit mittwuche simer sicher no dranne, am do wetti de nümme vieu müesse due... mau luege
|
Canoa am 19.08.2013
Re: Bräute 2013
Guete Morge zäme
Jetzt be au ech verhürotet...=)Danke vöu mou för euchi liebe Glöckwönsch.
Ech ha au neds gfühl dassi gstresst oder närvös be aber mi Körper tued anderst...
Das esch scho gar nöme normau, aber wemer so umelost goht das öbe aune genau glich.
Wönsche euch aune ganz e guete Wochestart...
|
Slash  am 19.08.2013
Re: Bräute 2013
guete morge zämme - au ich ha das WE ghürote De daag isch perfekt gsy! alles isch genau so gsy wie mr uns das vorgstellt hän! traumwetter & e traumlocation! Leider isch jetzt alles verbi, aber uns bliebt e daag mit wunderschöne erinnerige! ich freu mi uf d'fötteli und uf unseri flitterwuche :)
@elea: de fabian & joel sind perfekt gsy! kasch di also uf öbbis freue :)))
|
Canoa am 19.08.2013
Re: Bräute 2013
Härzlechi Gratulation liebi Slash, schön hender euche Troumtag chönne fiire ond gniesse...=)
ME: be grad a de Namensändrige döregäh! =)
|
Slash am 19.08.2013
Re: Bräute 2013
danke glichfalls :))
|
LucyLu am 19.08.2013
Re: Bräute 2013
Herzlichi gratulatione au Dir Slash! Schön händer en Traumtag dörfe erlebe! Wünsch Dir und dim Maa alles liebi und gueti!
|
|
|
1 .. 1362 .. 2721 2722 2723 2724 2725 .. 3241 .. 3757
|
Anmelden
